حد يعرف فندق البارون اللى فى القاهرة

**freeman207** · 09-06-2013 01:34 PM

السلام عليكم ورحمة الله وبركاته

طبعا متقل عليكما كل مرة
ياريت حد يفيدنى فين الفندق ده واروحله ازاى من اسماعيلية الصحراوى
وهل فيه باركينج امان اقدر اسيب فى العربية وكده اصل بصراححة خايف اوووووووووى
ورئيكوا ايه فى الفندق والخدمة بتاعتوا

**mramzy** · 09-06-2013 01:47 PM

وانت جاى بالسلامه من الاسماعيليه ودخلت القاهره من طريق المطار هتفضل ماشى فى صلاح سالم لغايه ما تلاقى قصر البارون على شمالك هتخش يمين فى يمين علاشن تنزل النفق هتلطع من النفق تخش يمين من تحت الكوبرى هتلاقى الفندق على ايدك اليمين هو فتدق كويس ومحترم والمنطقه امان علشان فيها كذا حاجه مهمه لاتقلق

**mohamed_selim** · 09-06-2013 03:01 PM

ممكن و انت عند العبور تاخد محور الشاذلى و تنزل على الدائرى فى اتجاه المعادى (تكمل لاخر المحور و تعدى من تحت الدائرى و تلف معاه) و منه لمنزل الماظه حوالى 5 كيلو بعد اخر المحور و تاخد الطريق ده طوالى هتعدى على كوبرى الجيش و بعديه هتمشى تحت كوبرى الاوتوستراد و بعديه من تحت كوبرى شارع النزهه و بعديه من تحت كوبرى الميرغنى و متنزلش النفق و تلف من فوقه فى اول يمين هتلاقى الفندق

**freeman207** · 09-06-2013 03:32 PM

المشاركة الأصلية كتبت بواسطة mramzy

وانت جاى بالسلامه من الاسماعيليه ودخلت القاهره من طريق المطار هتفضل ماشى فى صلاح سالم لغايه ما تلاقى قصر البارون على شمالك هتخش يمين فى يمين علاشن تنزل النفق هتلطع من النفق تخش يمين من تحت الكوبرى هتلاقى الفندق على ايدك اليمين هو فتدق كويس ومحترم والمنطقه امان علشان فيها كذا حاجه مهمه لاتقلق

مشكور اوى

**freeman207** · 09-06-2013 03:33 PM

المشاركة الأصلية كتبت بواسطة mohamed_selim

ممكن و انت عند العبور تاخد محور الشاذلى و تنزل على الدائرى فى اتجاه المعادى (تكمل لاخر المحور و تعدى من تحت الدائرى و تلف معاه) و منه لمنزل الماظه حوالى 5 كيلو بعد اخر المحور و تاخد الطريق ده طوالى هتعدى على كوبرى الجيش و بعديه هتمشى تحت كوبرى الاوتوستراد و بعديه من تحت كوبرى شارع النزهه و بعديه من تحت كوبرى الميرغنى و متنزلش النفق و تلف من فوقه فى اول يمين هتلاقى الفندق

تسلم ياباشا دايما مصدعك