قماش سقف العربية من الداخل

**hosspop** · 10-06-2013 07:32 PM

السلام عليكم و رحمة الله و بركتة
أنا عندى سقف العربية كان القماش بتاعة فك و وقع و كان مستفذ جدااااااااااا و كل حد يركب العربية يوطى عشان ميخبطش فى دماغة و كان حاجة مستفذة أصراحة
جبت أخرى بقى و قولت لازم أعملة روحت ل واحد سروجى الله يسمحة بقى
المهم قولتلة نعمل اية قالى القماش دة اتبهدل و السفنج اللى بيبقى فى ضهر القماش اتفتقت و مش هينفع يتلزق تانى ..
قولت ماشى نعمل اية قالى جبلى قماش نفس اللون و 3 علب (كلة) زى بتاعت الجزم دى
قولت ماشى روحت ل محل قماش جبت قماش نفس اللون (قماش من نحية و النحية التانية سافنج)
و جبت الكلة و رحتلة فكينا السقف براحة و طلع برة هو عبارة عن كارتون كدة بيتلزق علية القماش دة
شلنا القديم و اعد بقى يدهن ال الكارتون دة و السفنج و سابة ينشف قالى عشان يمسك قلتلة تمام
و لزقنا بقى و كلة تمام و ركبنا السقف و قفلنا و السقف عايز أقولكم بقى فبريكة
بس يا فرحة ما تمت يوم يمومين اسبوع كلة تمام و مبسوط بقى و مرة ببص لقيت جزء كدة نازل شوية جزء صغير قولت اى دة بقىىىى دوست علية قام لازق قولت يمكن مكنش لزق و بعدها بيوم نفس النظام بقيت انزل كل يوم أدوس علية الزقوا و قعد بقى الموضوع يذيد و جزء جديد يهبط قمت رحتلة قالى ندبسة !!! قولتلة هتخرم القماش قالى لأ و أدالو دبابيس و قالى هيمسك
بعدها نزلت لقيت الدبابيس مسكة الاجزاء ما بنها و الباقى هابط برضة و مفيش فايدة
و يقولى الحر بيسخن الكلة فبتفك المهم شلت الدبابيس لأن شكلها وحش و السقف كلة وقع بقى ولا كانى عملت حاجة و ربنا يسمحة بقى

انا بقى مش عارف أعمل أية دلوقتى يا ريت تفيدونى بجد و عفوا للأطالة ..و شكرا مقدما

**graffittiii** · 11-06-2013 01:42 AM

متابع ...

هو مافيش مادة نلزق بيها غير كده ؟

عايزين لزق مايتأثرش بالحرارة .
.

**akmm** · 11-06-2013 10:44 AM

متابع ...... وحاول تشوف سروجى تانى محترم يتصرف في الموضوع ده ...............

**hosspop** · 11-06-2013 06:51 PM

شكرا لرددكم بس أنا عايز أعرف السروجى المحترم هيعمل اية ما هيقولى هات كلة برضة انا عايز حد يكون جرب لزق ب حاجة ثانية غيرها أو بيها بقى بنوع معين ميفكش من الحر يعن حد جرب الموضوع
كان فى عضو فى قسم أوبل عامل الموضوع دى و قال ان السقف بقى تمام بس معرفش بقى وقع تانى ولا أية و مش عارف فين الموضوع انا قريتوا زمان بجد عايز حل :( :(

**نينو** · 12-06-2013 05:45 AM

ياباشا انا عملت الموضوع ده في عربيتي e46 بنفسي من غير سروجي لانو طبعا اول مشاف بي ام قالي ب 1500 وانا هجيب كل حاجة و سيبلي العربية يوم المهم الكلام معجبنيش روحت اشتريت قماش هو اسمو استوفا من عند محل في السكاكيني اسمة الاباصيري ده تخصص الحاجات دي كل ما هو يخص السروجي وشغلو و جبت نوع الماني لامتر كان ب 43 و كان قدامي متر ب 16 جنية بس جبت النوع النظيف زي اللي كان راكب بالضبط وجبت 2 كيلو كلة بس تركي الكيلو كان ب 38 جنية و بقالو سنة معايا وزي الفل فالعيب عند حضرتك لما تعملو تاني مسترخصش البضاعة لان الغالي تمنو فية

**hosspop** · 12-06-2013 04:04 PM

المشاركة الأصلية كتبت بواسطة نينو

ياباشا انا عملت الموضوع ده في عربيتي e46 بنفسي من غير سروجي لانو طبعا اول مشاف بي ام قالي ب 1500 وانا هجيب كل حاجة و سيبلي العربية يوم المهم الكلام معجبنيش روحت اشتريت قماش هو اسمو استوفا من عند محل في السكاكيني اسمة الاباصيري ده تخصص الحاجات دي كل ما هو يخص السروجي وشغلو و جبت نوع الماني لامتر كان ب 43 و كان قدامي متر ب 16 جنية بس جبت النوع النظيف زي اللي كان راكب بالضبط وجبت 2 كيلو كلة بس تركي الكيلو كان ب 38 جنية و بقالو سنة معايا وزي الفل فالعيب عند حضرتك لما تعملو تاني مسترخصش البضاعة لان الغالي تمنو فية

يا باشا ربنا يخليك و شكرا لردك بجد بس الفكرة أن انا سعتها جبت الحاجات اللى قالى عليها و الاستوفة برضة كانت 35 جنية المتر بس المشكلة مش فيها المشكلة فى الكلى بقى لأنوا قالى هات كلة عادية اللى الكيلو ب 8 جنية دى و حصل اللى حصل فا يريت لو تقدر تقولى جبت الكلة دى منين و أية أخبرها فى الحر و الشمس و لزقتها ازاى بقى عشان بفكر انا اللى اعمل الموضوع دة مش طلبة أشتغلات سروجى تانى و شكرا يا باشا لردك بجد

**نينو** · 13-06-2013 04:54 AM

بس يا باشا المحل ده في السكاكيني ناحية غمرة تحت الكوبري علي طول بتاع غمرة اسال فين السكاكيني هنلاقيها جمبك علي طول وانت في السكاكيني اسال علي محل الاباصيري ده مشهور جدا للحاجات دي وهات من عندو وهتفك السقف برة و تنظف مكان اللزق القديم ده خالص بسنفرة و تمسحو بتنر او بنزين بس مش تغرقو عشان ده كرتون مقوي و تسيبو ينشف المهم يكون نظيف اوي قبل متلزق وهتجيب اصتوفة جديدة برضو نوع نظيف مسترخصش لان كلو علي دماغك و هتدفعو تاني وتدهن الكرتون كلة وتسيبو شوية وعلي ما ينشف شوية هتكون داهن الاصتفة برضو علي خفيف و تبتدي تلزق زي بتاع الفامية كدة يعني حتة حتة و ابتدي من فوق لتحت وسيبو ينشف كويس و انسي حكاية السقف ده تاني و لو عاوز حاجة قولي
اخوك مينا