شقة بالتجمع الخامس

**salodas** · 11-06-2013 02:25 AM

بفكر اشترى فى التجمع .
معروض علىا شقة بفيلا دور أول متكرر . فى النرجس فيلات 8 .... الى =هو أخر نرجس جوار نرجس عمارات وعلى حدود المحمية الطبيعية .
\المتر ب 4200 ج .
الأستلام بعد سنة

أنا مش عارف أى حاجة فى التجمع .... لو سمحتو لو حد يقدر يفيدنى هل الشقة دى فى المكان ده كويسة ولا أيه .... وخصوصا ان تقسيمة الشقة ممتازة

**tareksakr** · 11-06-2013 02:59 AM

السعر ده كاش واللا بتسهيلات لانه لو كاش يبقي غالي جدا سعر المتر في النرجس 8 3500 جنيه

**cameeron** · 11-06-2013 06:16 AM

المشاركة الأصلية كتبت بواسطة salodas

بفكر اشترى فى التجمع .
معروض علىا شقة بفيلا دور أول متكرر . فى النرجس فيلات 8 .... الى =هو أخر نرجس جوار نرجس عمارات وعلى حدود المحمية الطبيعية .
\المتر ب 4200 ج .
الأستلام بعد سنة

أنا مش عارف أى حاجة فى التجمع .... لو سمحتو لو حد يقدر يفيدنى هل الشقة دى فى المكان ده كويسة ولا أيه .... وخصوصا ان تقسيمة الشقة ممتازة

بص حضرتك نص ثمن اى شقة هو موقعها فين و لو موقعها مش مظبوط بتبقى معيوبة و هتبقى تقيلة فى بيعها او قليلة الثمن فاولا و ثانيا و عاشرا اختار مكان كويس و بالنسبة لقرب الشقة دى من المحمية الطبيعية اعتقد انه مكان مش قوى ما تستعجلش و المعروض فى التجمع كتير جدا بس انزل بنفسك و اتفرج كويس

**windofchange** · 11-06-2013 06:23 AM

ايه المحمية الطبيعية ديه ياجماعة ونظامها ايه...متهيألي انه يكون قريب من مكان مفتوح ومفيهوش عمارات كتير هيخف الزحمة فالمنطقة حواليه

**Ahmed_selmy** · 12-06-2013 09:27 AM

متابع

**salodas** · 13-06-2013 08:34 PM

المحمية الطبيعية دى ارض فضاء شاسعة تساوى تقريبا حى النرجس كاملا من نرجس 1 الى 8 . وبيقولو عليها مزار سياحى لأنها غابة متحجرة .
عموما أنا لقيت اسعار اقل بكتير من 4000 و 4200 الى كانت معروضة عليا من معرض الملتقى الدائم ....أعتقد طلعو ناس نصابيين .... الأسعار برة ب 3300 الى 3700 ج للمتر

**Abdo_Eldesokey** · 14-06-2013 06:33 PM

المنطقة دي ممتازة .. وأعتقد هتبقى من أفضل المناطق في التجمع في المستقبل بسبب هدوئها .. وعدم إمكانية التوسعات في المستقبل بسبب المحمية

لكن السعر الي بتتكلم فيه ده غالي جداً .. الرينج هناك كان من 3200 - 3800 تقريباً

نصيحة ابعد عن السماسرة .. وانزل لف بنفسك .. واسأل البوابين بتوع كل عمارة .. هتلاقي معاه كل المعلومات والمفاتيح وهيفرجك .. وهيبقى التعامل مع المالك على طول