إستفسار من أعضاء منتدي المتسوبيشي المحترمين بخصوص زيت الماتور للانسر 1600 موديل 2013

**manfromegy** · 11-06-2013 09:54 AM

السلام عليكم أعضاء أحلي و أجمد منتدي في الدنيا.الموضوع كالأتي.الحمد لله أنا معايا لانسر بومه 1600 موديل 2013 و عملت الصيانه الأولي بتاعة ال 1000 كبلو فيىدتبموند علشان الضمان بتاع العربيه.المهم هما طبعا غيروا الزيت بتاع ال 1000 ب توتال 10000 و أنا حاليا عامل حوالي 8600 كيلوا و ملاحظ إن لون الزيت إتغير و إسود شويه.أنا كنت بافكر إني أغير الزيت قبل ما أكمل ال 9000 بحاجه تقعد 1000 كبلوا و انزله علي العشرتلاف ( زي غيار نضافه كدا ) و عاوز أحط إضافه للزبت للحفاظ علي الموتور و تحسين الأداء.سؤالي للكرام أعضاء المنتدي هل أغير الزيت قبل ال 9000 بغيار يقعد 1000 بالكتير و أنزله مع الفلتر في صيانة العشرتلاف و إيه نوع الزبت اللي هاعمل بيه كدا و تاني حاجه تنصحوني بإيه إضافه للحفاظ علي المحرك.و أسف للأطاله

**manfromegy** · 11-06-2013 10:12 AM

معلش فيه إستفسار برضوا بخصوص الميه بتاع الريداتير أزود القربه بميه خضرا الليترات بتاع موبيل ولا ميه مقطره لاني ملاحظ إن ميه القربه تقريبا بتنقص و شكرا

**manfromegy** · 11-06-2013 06:37 PM

تقريبا محدش عاجبه اللي بافكر فيه 50 مشاهده بدون رد واحد

**Optiplex** · 12-06-2013 01:49 AM

ولا يهمك يا هندسة تلاقى الاعضاء بس مريحة شوية المهم انا لسة عامل صيانة 10 الاف و نزلت الزيت على 9000 و شايف انة كويس مش وحش يعنى شغال و افتكر انهم فى دايموند مش هارضوو يغيرو نوع الزيت هو بصراحة و انا هناك مسالتش بس افتكر دة انواع الزيت كتير قوىى و هاتوة فيها بالنسيبالى كلة زى بعضة يعنى هاتخد زيت كفائتة عالة هاتاخد بخر عالى و نقص عالى من الزيت ام بالنسبة للاضافات مجربش لسة حاجة و شايف انها الله اكبر سبحها زى الفل مش محتاجة اةة لو انت مكلتش 6 شهور من صيانة الاف استنى لحد العشرة احسن و شوف الاصلح ليك و الى تستريحلة

**Dragon78** · 12-06-2013 02:34 PM

بص ياباشا .. أنا برضه كنت زيك كده وغيرت الزيت بعد أول ألف ... وطبعا التوكيل حطولي زيت توتال الـ 10,000

نصيحتي .. خليك مع التوكيل ياباشا فترة الضمان وزيت توتال مش وحش

بعد الضمان مايخلص انت حر بفى بس أنصحك بعد كده تحول لزيت شل ... الكل بيشكر فيه واحسن بكتير من موبيل

**manfromegy** · 12-06-2013 03:07 PM

المشاركة الأصلية كتبت بواسطة dragon78

بص ياباشا .. أنا برضه كنت زيك كده وغيرت الزيت بعد أول ألف ... وطبعا التوكيل حطولي زيت توتال الـ 10,000

نصيحتي .. خليك مع التوكيل ياباشا فترة الضمان وزيت توتال مش وحش

بعد الضمان مايخلص انت حر بفى بس أنصحك بعد كده تحول لزيت شل ... الكل بيشكر فيه واحسن بكتير من موبيل

شكرا لمرورك و الرد ياباشا و بتلنسبة للأضافات علي الزيت إيه رأيك؟؟؟

**Dragon78** · 13-06-2013 09:13 AM

لا ياباشا .. مش هاقدر أفيدك في موضوع الإضافات ده لأني ماجربتوش ولا أعرف عنه حاجه

بس أعتقد اني مره قريت هنا في المنتدى عن بعض الإضافات .

وانا من رأيي .. ماتحطش أي اضافات دلوقتي .. خصوصا ان عربيتك لسه زيرو

الاضافات دي للعربيات اللي المواتير ابتدت تتعب شويه , بس برضه اسأل اهل الخبره احسن مني