مشكلة في تكييف سكودا أوكتافيا 2008

**amrabdulraouf** · 11-06-2013 12:36 PM

السلام عليكم ورحمة الله وبركاته كل سنة وانتم طيبين الصيف داخل على الأبواب ورمضان جاي مطولش عليكم التكييف عندي ما شاء الله بالليل زي الفل بالنهار بقه أجارك الله بيستهبل إزااااااااي...! لما أكون ماشي على سرعة يبرد كويس مش كويس قوي إنما يمشي الحال أما بقى في الزحمة اللي هيه بتاعة امشي أوقف بيبقى مفيش تبريد تقريبا وبضطر إني أقفل وأفتح التكييف تاني. أحيانا بيبرد شوية وأحيانا مفيش وطبعا بيجيب هوا سخن زكمان لما بوقف العربية وأنزل أخلص حاجة من محل ولا مصلحة وأسيب العربية شغالة أرجع ألاقي مفيش تكييف والهوا سخنننننننن الحقوني الله يكرمكم أعمل إيييييييييه

**inspiron** · 11-06-2013 01:28 PM

أول شئ جرب تروح محطة بنزين وخليهم ينظفوا دورة التبريد ويحطوا ميه حمرا..ومعاها غسيل الريداتير والسربنتينة من الأمام بالخرطوم والفوم وبعدها تحط wd-40 علي المراوح عشان الفوم طبعاً بيشيل الشحم بتاعهم وبيقصر عمرهم..جرب كده..هتلاقي الدنيا تمام التمام..كان عندي نفس المشكلة في الفانتازيا وكمان كانت الحرارة بتعلي مع التكييف علي السرعات وعملت كده بقيت أحسن من الأول كمان

**Ali_Abdelhamid** · 11-06-2013 03:35 PM

انا عندى نفس اللى انتا قولته بالظبط (انا عربيتى اوكتافيا 2007 ايه فيف) بالاضافه انى
1- غيرت فلتر التكييف
2- غسلت سربنتينه التكييف كويس جدا
3- زوت فريون للتكييف
4- بعد كدا قولت يمكن الفريوت ما يكون كويس ... فضيت الدايره كلها وشحنتها وهيا مبطله بالوزن وليس بالظغط زى الكتالوج بيقول حوالى 500 جرام بزياده او نقص 25 وطبعا فريون 134 ايه اسبانى

النتيجه

التكييف بالليل رائع ... تلج
فى الحر معقول
فى الزحمه وكل شويا تمشى وتقف ... زى الزفت

اخر حاجه بفكر فيها ... انى شاكك فى حساس الجو الخارجى ... بمعنى لما تكون درجه الحراره اكتر من 40 ما بيخلى التكييف يشتغل كحمايه له !!!
او الحساسات الداخليه ممكن يكون فيها مشكله
بس مش عارف اعمل الحاجات دى فين