الموضوع: كلمنى على العداله الاجتماعيه و نعمه الرضا

هو الموضوع مش موضوع بلد

فيه شباب هنا فى مصر بتبدل بين بى ام و مرسيدس و مينى كوبر و كل شوية يزهقوا من عربية و يجيبوا واحدة تانية احلى و العربية اللى زهقوا منها ديه كل اصحابهم بيتمنوا يركبوها اللى هما تقريبا فى نفس المستوى الاجتماعى و المادى عامة و اكيد فيه فى الخليج برضه ناس مش لاقية تاكل .. بس طبعا نسبة الفقر هنا اكتر كتير من هناك عشان الدولة فقيرة

اتمنى معاك ان البلد حالها يتعدل و حتى اللى فقير يبقى قادر يعيش عيشة ادمية يعنى يقدر ياكل اكل نضيف و يلاقى لبس نضيف يلبسه .. مش الناس تبقى بتاكل من الزبالة .. ايوة و الله شفت ناس بتدور فى الزبالة على اى حاجة تتاكل و الكلام دا فى شارع الهرم الرئيسى مش فى منطقة عشوائيات مثلا يعنى اكيد فيه احوال ناس اصعب من كده و الله المشهد كان مؤلم جدا انك تلاقى انسان بيدور فى الزبالة عشان ياكل و الحكومة و المعارضة كل همها الكراسى و مين يحكم و الله العظيم الرئيس و اللى حواليه دول هيتحاسبوا حساب عسير على اللى حال البلد دا فيه و ان الناس بتاكل من الزبالة و بتشرب من مياه الصرف الصحى و هما كل همهم القوانين و قرف الكراسى و كل واحد خرب فى البلد ديه عشان مصلحته ان شاء الله حسابه يكون صعب يوم القيامة و يشوف الذل و المهانة اللى موريها للشعب بتاعه

لا حول و لا قوة الا بالله

الرضا و الصبر نعم لا ينالها الكثيرون , اللهم ارزقنا ايهما

الحمد لله في السراء والضراء.

اللهم لك الحمد و الشكر كما ينبغي لجلال وجهك و عظيم سلطانك

قبل الثوره شوفت فى برنامج واحد من الناس
عمرو الليثى استضاف واحد خريج اثار بامتياز

تعرف شغال ايه والله ما هاتصدق

قهوجى والصبح غطاس فى المجارى وبيصرف على امه ومراته وولاده وراضى وحامد ربنا

والدى حكالى فى يوم واحد ركب تاكس وكان متعالى على السواق وعمال يقوله اصل عربيتى ماركه كذا عطلت وبصلحها بكذا وانا معايا دكتوراه راح سواق التاكس مطلع ورقه من جيبه وقاله زى دى

الحمد لله
ساعات الواحد بيحتاج حاجة زى كدة تفوقه
احنا بنزعل وبنضايق على حاجات ااتفه بكتير من اللى قولتها
وبنعمل منها مشاكل تزهئنا
لكن لما الواحد يشوف مواقف زى دى
لازم يتعظ ويقول الحمد لله على النعمة اللى فى غيره بيحلم بربعها