سؤال بالنسبة لضمان الكورولا ال2013

**الصيداح** · 12-06-2013 06:41 AM

سلام الله عليكم

أنا بفكر أركب إنذار من اللي بيتصل عليا وبيخليني أتحكم في العربية من الموبايل برة التوكيل
وعندي عدة أسئلة عايز أعرفها الله يكرمكم

1-هو التوكيل إزاي هيكتشف إني مركب إنذار أو إني لعبت في الضفيرة
(أنا مثلا هعطل الإنذار قبل ما ودي العربية للتوكيل)
2-هل اللعب في الضفيرة فيه قلق على عمل السيارة أو كفائتها ولا مفيش مشاكل
3-بفرض إنه لغى الضمان هل بيلغي ضمان العربية كلها ولا ضمان الضفيرة بس
4-يعني لو لغى الضمان ايه اللي بيحصل
5-بعد إلغاء الضمان هل بعمل صياناتي عادي ولا فيه مشكلة
6-أنتظر صيانة الألف وأركبه ولا أركبه علطول ؟

وشكرا لكم جزيلا

**Ahmod** · 12-06-2013 03:23 PM

هو التوكيل مش بيكتشف انك مركب حاجة الا بالصدفة بمعنى

انت لو لا قدر الله حصل عندك اي مشكلة في الكهرباء والضفيرة عموما ووديت العربية التوكيل

هووب هيلاقي انك مركب انذار يبقى كدة ضفيرة الكهرباء طلعت برة الضمان !! يعني اي حاجة هتحصلها او هتحصل في كهربة العربية ككل تصلحها هيبقى على حسابك والتوكيل مالوش اي علاقة بيها

انما الصيانات عادي مالهاش علاقة بالضمان

**Ahmod** · 12-06-2013 03:25 PM

وعموما يا باشا بالنسبة لموضوع سرقة الكورولا

فانت حضرتك ممكن ببساطة في كل مرة بعد ماتركن العربية تفتح الكبوت وتشيل ال Air mass

ده حساس الهوا بيبقى راكب فوق عمة فلتر الهوا وبيتفك بمسمارين في اقل من دقيقتين وحجمه في حجم علبة السجاير

تفكه وتشيله تحطه في جيبك ولما تيجي تركب العربية تركبه تاني

والعربية طبعا مستحييييييييييييييل انها تدور او تتحرك من مكانها بدون الحساس ده

**Ahmod** · 13-06-2013 06:32 PM

المشاركة الأصلية كتبت بواسطة الصيداح

شكرا جدا يا غالي ربنا يبارك فيك

والله الواحد بيقول لو حد ثبتني , العربية كلها هتروح لكن لو جت على الضفيرة مش مشكلة
قضا أخف من قضا

لو انت مكاني هتركبه ولا لأ
الراجل وراني الجهاز على عربيته 2012 تريوس كان ممتاز وفعال جدا

والله حضرتك معاك حق لكن موضوع التثبيت ده برضوا قضاء وقدر

لو حصل لا سمح الله ممكن اللى يوقفوك ياخدو منك كل حاجة بما فيها الريموت بتاع الفصل !!!

عموما لو حضرتك متخوف من قصة ان الضفيرة تطلع من الضمان فماتقلقش مشاكل الكهرباء في التويوتا تكاد تكون معدومة فانت مش هتبقى محتاج الضمان في شئ - لان خلي بالك الضمان ضد عيوب الصناعة فقط -

ولو اني كان ليا تجربة في الياريس مع تركيب سنتر والحجات دي تركبها في التويوتا بالذات معقد ومختلف عن اي عربية تانية ولازم واحد فاهم كويس اوي والا هيبوظلك الدنيا

**Ahmod** · 14-06-2013 01:59 AM

المشاركة الأصلية كتبت بواسطة الصيداح

تمام طيب قولنا تجربة الياريس إيه أخبارها

قصدك على التجربة مع السنتر لوك ؟؟

للاسف تجربة فاشلة !!! وخلتني من ساعتها مش بركب اي حاجة ليها علاقة بالابواب او بالكهرباء عموما في الياريس

القفل بتاع الابواب في التويوتا عموما غير باقي العربيات لانه بيبقى راكب على Wire وبالتالي اللى بيركب لازم يكون فاهم النقطة دي !! وبناء على ذلك طريقة التركيب ذات نفسها بتختلف

وللاسف اللى بيركبلي ماكنش عنده خلفية !! فضلت اكتر من تلت ايام كل يوم اروحله من 1 الظهر لحد 7 المغرب عشان يكمل تركيبه وللاسف كل ماباب يظبط التاني يعلق !!

النتيجة النهائية ان الكوالين اتبهدلت تماما من كتر اللعب فيها !! والسنتر لوك اشتغل حبة ورجع باظ وبعدها صلحته وقام باظ ومعلق تاني

وحاليا كل الابواب بتفتح بالريموت معدا باب السواق لازم يتفتح بالمفتاح !! ويتقفل من جوة ماينفعش حتى يتقفل بالمفتاح بتاع العربية !! لازم تقفله مانويل من اللوك بتاعه من جوة ؟

وكل الابواب بتقفل مع اللوك من الريموت معدا الباب اللى جمب السواق لازم يتقفل بالمفتاح !! ؟

الى غير ان لوك الاطفال بتاع الباب الخلفية طاار !! ؟ اتكسر !!

فطبعا تجربة فاشلة عشان كدة لازم تروح لواحد ركب الحاجة دي على عربية تويوتا قبل كدة عشان يكون فاهم وواخد خبرة

اما لو هيجرب فعربيتك وهيبقى فاكر انها زيها زي اي عربية تانية هيعك ووارد يبهدل الدنيا