الحرارة

**Mr.Mahmoud** · 12-06-2013 05:22 PM

إزيكو يا جدعان عاملين إيه
بصو ياريت تجاوبوني بسرعة لأني خلاص هتجنن

أنا عملت حادثة بالعربية و صلحتها برة التوكيل
غيرنا الردياتير و إكصدام و حاجات كده
المهم

أنا استلمت العربية من أسبوعين بالظبط
الراجل حط في الإربة بتاعة الردياتير ميه عادية
المهم بعد كام يوم كده لاقيت سنسور الحرارة علي عن النص بشرطتين

فرحت لبتاع ردياتير فقالي إن العربية واخدة هوا
و غيرلي المياه بميه خضرا و إشطة كده زي الفل

بقالي أهو بالظبط أسبوع مفيش أي مشاكل خالص

لسه بقى دلوقتي حالا

أفاجأ و أنا راجع دلوقتي من التجمع ألاقي نفس القصة .. السنسور بقى أعلى عن النص بشرطتين
أفتح الكابوت ألاقي طبعا المروحة شغالة و المياه في الإربة عند الماكسيموم ( و ديه غريبة جدا لأنها دايما بتبقى في النص ما بين الماكسيموم و المينيموم )

بطلتها دقيقتين كده و رجعت أشغلها تاني ألاقي السنسور عادي في النص و مفيش أي حاجة .. مشيت بيها بس مش كتير عشان أنا بيتي كان قريب من الحتة اللي وقفت و الحرارة عليت عندها .. و كانت عادي مفيش حاجة و تكييف شغال و مفيش أي مشاكل ..

أعمل إيه بقى ؟؟ و إيه المشكلة ؟؟
الله يباركلكو حد يجاوبني بسرعة لأني فعلا متضايق جدا و حاسس إن ديه لعنة الإصلاح بره التوكيل .. :(

**ahmedeg1** · 12-06-2013 05:57 PM

تغير بسرعة مية الراديتير لمياه توتال تركيز 30 % و بالمره افتح كوعة الميه هتلاقى البوابه بتاعة الكوعه معلقه او مصديه نضفها و هتظبط معاك ان شاء الله

**Mr.Mahmoud** · 12-06-2013 06:02 PM

المشاركة الأصلية كتبت بواسطة ahmedeg1

تغير بسرعة مية الراديتير لمياه توتال تركيز 30 % و بالمره افتح كوعة الميه هتلاقى البوابه بتاعة الكوعه معلقه او مصديه نضفها و هتظبط معاك ان شاء الله

هو معقولة نوع المياه ممكن تعمل كده ؟؟؟
هي ديه مياه خضرا و لا حمرا ؟ و توتال أحسن و لا موبيل ؟
و أنا لما رحت للراجل بتاع الردياتير هو نضفه خالص .. فهل الكوعة ديه حاجة تانية ؟
و ربنا يكرمك على الاهتمام و الله

**Hany Saad** · 12-06-2013 10:12 PM

ده أكيد حساس الحراره.......
يا مش محطوط كويس فى مكانه.....أو عايز تنظيف......أو عايز يتغير

**Mr.Mahmoud** · 13-06-2013 02:14 AM

المشاركة الأصلية كتبت بواسطة blackhorse123

وانا كمان عندى نفس المشكله ومش عارف ايه حلها

والحكايه دى ظهرت بعد الحادثه برضه

صلحتها في التوكيل و لا بره ؟؟؟
طيب و غيرت المياه زي ما هما قالوا لتوتال أو كده ؟؟؟

**AboHamza2011** · 13-06-2013 03:00 AM

راي روح التوكيل واكشف علي العيب ده هناك وان شاء الله تتحل

**blackhorse123** · 14-06-2013 12:48 AM

المشاركة الأصلية كتبت بواسطة mr.mahmoud

صلحتها في التوكيل و لا بره ؟؟؟
طيب و غيرت المياه زي ما هما قالوا لتوتال أو كده ؟؟؟

لا صلحتها بره ومغيرتش المياه نهائيا

**blackhorse123** · 14-06-2013 12:49 AM

بس انا لما لقيت العربيه بتسخن فتحت الكابوت اكتشفت ان المروحه ما اشتغلتش روحت شلت فيشه الترموستات علشان المروحه تشتغل على طول وماش ببيها لحد دلوقتى ولسه ما عملتهاش