الموضوع: مطلوب مساعده الاخوه الاوبلاويه

اولا احب اوصل سلامى لكل الاوبلاويه الى فاكريني والى مش عارفيني لسه
طبعا الاستغراب هيبقى من القدام فى طلب المساعده بس ادى الله وادي حكمته
عموما مش هطول عليكوا
طبعا من بعد سرقه العربيه ورجوعها بالى حصل فيها ومن ضمن الى حصل الماتور الى كان قبل السرقه باسبوعين لسه كان راكب وبعد ما رجعت الاقيها بتجيب دخنه بيضه قولت عليه العوض ومنه العوض
فضلت ماشى على الماتور لغايه ما خلصت عليه لان نظريه فتح بطن ماتور المنيوم فكسانه وحرق فلوس على الفاضى وقرارى كان صعب بس ما باليد حيله
وطبعا راكن العربيه كالعاده بعد كل حوار بيحصل علشان اادبها وابيتها فى الشارع وانا مخاصمها
دلوقت قررت انى اجبلها شورت بلوك
سألت مجدي بيومى والشاطر لقيتهم بيغنوا فى 3500 طبعا زمرت واحتجيت
قولت يوم ما يضربها الدم هيبقى بالتركيب وعليا انا فلتر الزيت والزيت والبوجيهات والسيور وامرى لله
بس افتكرت ان بدل ما احور كتير ممكن اروح للشيخ هيثم او عبدلله اوبل وانجز الموضوع كله وانا عندهم
بس قولت اسمع اقتراحات اخواتى فى الله الاول وفى الاوبل ثانيا
لا خاب من استشار وانتوا احلى مشوره

المشاركة الأصلية كتبت بواسطة فادى محمد

حمد الله ع السلامه ياباشا..
طيب ما سعر الشورت بلوك كده قريب من سعر الموتور كامل (4500ج) اشتري موتور مقفول احسن واضمن .
لا قدر الله الموتور وحش هتغيره او ترجعه انما الشورت بلوك لو ركب وعليه وش السلندر خلاص ..
رايي المتواضع موتور علي ابوه زي مابيقولوا احسن واوفر بعد كده

اووووووووووووه فادى
اذيك يا بااشا
الله يسلمك يا حوبي
بص يا باشا هو انا عموما كان اصدى بالشورت بلوك انه ماتور بس فاضى
يعنى بالوش بتاعه ومقفول
وقالولى انه ب3ونص
طبعا علشان انا عارف حورات بتحصل كتير
قولتلهم طيب لو عاوز اخد الماتور فاضى من نص كامل ممكن ولا لا
طبعا قالولى لا
بس انا بتكلم على مين اضمن ومين يبقى عنده زمه حتى لو هيدينى ماتور مخرجه بره المجموعه ويبقى نضيف
بلس على كده انا اصلا كرهت العربيه
مفيش سنه الا لما تنكد على عيشتى
وانا فرحى كمان شهرين ونص يعنى لو عملت معايا اى تكه تانيه هقلبها فى البحر واطلق الجماعه وانتحر علشان انا مش ناقص بجد
وبالمناسبه دي طبعا احب اعزم كل الاوبلاويه من دلوقت لغايه ما اعزمكم كلكم واحد واحد
بس عاوز اخلص من العربيه وامشيها بقى
والله حالى وقف بسببها بنت التيت