الموضوع: كل ما يتعلق بالدايو الاسبيرو " مشاكل - قطع غيار "

المشاركة الأصلية كتبت بواسطة MidoFawzy

السلام عليكم

اصدقائى مالكى الاسبيرو انا الحمد لله حليت مشكلة الفتيس اللى عندى كانت لمبة الفتيس بتنور اول لما امشى الصبح بالعربية والعربية كانت بتتقل اوى وبعد حلوالى 5 كيلو كانت بتتظبط ولقيت المشكلة فى فيشة حساس من بتوع الفتيس والحمد لله صلحتها خلاص

انا محتاج اشترى اكصدام امامى للعربية وشنطة بس مش عارف اسعارهم ايه ممكن لو حد عنده فكرة عن اسعار الحاجات دى يقولى سعرهم كام والاقيهم فين

مبروك على حل المشكلة يا ميدو وادينا بنستفاد
اكصدام امامى بيبتدي من 600 الى 800 والخلفي من 350 الى 500 حسب الحالة طبعا وحسب كل محل بس الرنج دول مش هتلاقي ولا اكتر ولا اقل
الشنطة هتعمل ف حدود 250 او اقل كمان ( ملحوظة الاسعار دي ف بورسعيد ) ولو ف اي حاجه لاغيني وانا معاك

المشاركة الأصلية كتبت بواسطة محمدالامير

السلام عليكم ورحمه الله وبركاته
استاذ عمرو المقدمه دى اقل حاجه تتقال ومتشكر جدا على ردك واهتمامك الملحوظ لاى حد عنده مشكله وعلى فكره انا اتصلت بالشيخ محمد شحاته وقولتله انى جبت الرقم عن طريقك ومش قادر اوصفلك واحكيلك على كرم اخلاقه وذوقه والتعاون فى خدمه الناس بدون مقابل زيك تمام فعلا ( الطيور على اشكالها تقع ) على العموم انا لسه مخلصتش فى العربيه وان شاء الله اول ما اخلص حرفعلكم الصور وعلى فكره انا اخدت عنوان الشيخ وان شاء الله حجيب الموتور من عنده وعلى العموم العربيه حسبت المصاريف فى حدود اربعه الاف وتقف عليه بثمانيه وعشرون ...واحمد ربنا انى عرفت المنتدى ده وعرفت فيه احسن ناس والله واشكرك مره تانيه استاذ عمرو على مساعدتك وعلى معرفه الراجل الطيب (الشيخ محمد )واسف ان كنت اتصلت بيه قبل ما اقولك

استاذ محمد ربنا يخليك ع كلامك الحلو دا واحلي حاجه عملتها انك كلمت الشيخ علشان دا بتعامل معاه من زمان وشخصيه محترمة فوووووووووق الوصف وعمل معايا مواقف كتيره حلوة ودا طبعا بيدل انه راجل عنده ضمير جدااا ولو الحاجه فيها 1 % عيب بيقولك عليه وبينزلك من تمنه

وانا عمري ما ازعل انك كلمته لان انا بحب اساعد الناس واهو برضو مصلحة ليه وربنا يرزقة وهو لو مكنش راجل تمام انا مكنتش ايدت رقمه لحد
بالنسبه للتكلفه بتاعتك هتبقي كويسة وان شاء الله ربنا يباركلك فيها
لو فى اي حاجه ولو نزلت بورسعيد واحتاجتني ابعتلي ع الخاص قبلها وانا ابعتلك رقمي علطول
وربنا يوفقك وتلاقي اللى انت عايزة

المشاركة الأصلية كتبت بواسطة midofawzy

الله يبارك فيك ياعمورة
انا احتمال انزل بور سعيد قريب ان شاء الله عشان اصلا اخويا عاوز يجيب حاجات لعربيته وهنزل معاه ممكن ابقى اكلمك قبليها وتقولى الاقى الحاجات دى عند مين

انت تنوووررررر يا ريس .. شوف هتنزل امتا بس عرفني قبلها بكام يوم علشان الشغل بتاعي على طريق بورسعيد اسماعيلية ولو معرفتش اقابلك هكون مظبطلك مع كذا حد كدا تنزل عليه علطول بس ابقي اكتبلي انت عاوز ايه بالظبط

المشاركة الأصلية كتبت بواسطة kilany_elsma

صفحة مالكي دايو اسبيروا مصر علي فيس بوك
https://www.facebook.com/espirocar?skip_nax_wizard=true

الله ينور يا ريس انا دخلت عليها وشكلها لسه جديدة بس ان شاء الله نشوفها كدا لما توصل للمليون