للأسف الشديييد ....التوك توك خلاص بقى امر واقع ....ولكن بعض اقتراحات لاحتواء المشكلة

**dramir1** · 15-06-2013 03:11 AM

للأسف الشديييد ....التوك توك خلاص بقى امر واقع.... وفي ملايين التكاتيك ماشية على الأرض.... بس المفروض يتعمل قانون للتوك توك ......"تصورات للعبد الفقير الي الله"

1-لا يسير الا داخل القرى والعشوائيات والحواري الضيقة التي لا تصلح معها التاكسي او الميكروباص وكل توك توك يترخص فيه القريه اللي هيشتغل فيها وغير مسموح له الخروج الا لأقرب محطة بنزين ""مش تلاقي على الصحراوي توك توك ماشي عادي !!!!!.

2-ممنوع السير على الطرق الرئيسيه...."زي سواق التوك توك المعتوه اللي ماشي الساعة 8 ليلا على كورنيش المعادي عكس الاتجاه وكمان مشغل ليزر اخضر في عين العربيات اللي جاية وطبعا لو دهسته بالعربية أهلو يتلمو عليك ويقولولك منك لله كان شاب زي الورد وكان هيطلع طيار مدني!!!!"

3-تحديد سن سائق التوك توك لا يقل عن 16 سنة ..."مش عيال عندها 9 سنين بتلعب بالتوكتوك وكأنه راكب عربيات تصادم في الملاهي"".

4- سحب الرخصة من التوك توك اللي يشغل اغاني بصوت عالي لانه طبعا مفيش زجاج هيقفلة ويسمع الأغاني اللي فيها اصوات اسوأ من نهيق الحيوانات.

5-تترخص التكاتيك وتعلق نمر ويتسجل اسم السائق "مش كل شويه توك توك يعمل مصيبة واقصى وصف للشهود يقولو الولد كان راكب توك توك لونه....لونه... أظن كان أسوووووود!!!!!!! ياه الحمد لله انه مكانش اخضر!!!!!!

وفي النهاية ربنا يكرم مصر ويبعد عنها الفتن والسوء ويعين من يريد بها الخير ويدمر من يريد بها الشر .وربنا يستر طريقنا كلنا ويحسن ختامنا
.....قولو اميين

**tutankhamoun** · 15-06-2013 06:13 AM

المرور من زمان ,,,,,,,,,,,, مش من اولويات الدولة
و لذلك ........ أعتقد أن أحنا لازم نستحمل كل مصيبة و خلاص ... محاولة البحث عن حلول هاتنتهي بوجع و عقاب نفسي .

خد بقى الادهى

فيه مصنع بيجمع تكاتيك في 6 اكتوبر و كل يوم أشوف عربيات نقل محملة شوية حلوين منه و ماشية على طريق الواحات

دي بلد مفيش فيها فايدة

**Khaled Online** · 15-06-2013 11:28 AM

اقتراحات عملية وممتازة وياريت تتطبق
بس مشكلتها إنها محتاجة ضباط المرور يشتغلوا والناس اللي بتسترزق من التوك توك يشوفولهم مورد تاني...والمشكلتين دول معتقدش ليهم حل

المشاركة الأصلية كتبت بواسطة tutankhamoun

المرور من زمان ,,,,,,,,,,,, مش من اولويات الدولة
و لذلك ........ أعتقد أن أحنا لازم نستحمل كل مصيبة و خلاص ... محاولة البحث عن حلول هاتنتهي بوجع و عقاب نفسي .

خد بقى الادهى

فيه مصنع بيجمع تكاتيك في 6 اكتوبر و كل يوم أشوف عربيات نقل محملة شوية حلوين منه و ماشية على طريق الواحات

دي بلد مفيش فيها فايدة

تصدق الكلام ده زعلني. يعني يوم ما ننتج حاجة ولو تجميع تكون توكتوك!

**Y a r i s** · 15-06-2013 03:59 PM

حلول جميلة مفيش كلام
وبجد بجد لازم حل ووقفه لوجود التاكاتيك في مصر ... يعني مش معقولة كل يوم والتاني يطلع وزير البترول ياعيني هيعيط وهو بيقول. اجيبلكم بانزين وسولار منيييين. في نفس ذات الوقت. الي التكاتيك بتنتشر بشكل غبي في المجتمع طيب انا باعتبر التكاتيك دي
واحد مواصلاة غير ادمية. مصممة للبهايم .
اتنين. بعتبرها مكنة لحرررررررررررق مقدرات وموارد الدولة النفطية .
الي عندو عربية كده اوكده مبيحركهاش غير للشديد القوي او هو مشوار في اليوم ودومتم .... حتى التكاسي بتلاقيها راكنة على جنب في كل حته مستنيه زبون او متشي سلانسيه. لكن التكاتيك عمالة تحرت ليل نهااااار في الشارع وبسبب الكميات المهولة الي نزلت شوارع مصر خلقت أزمة حقيقية في الوقوووود ... ومهما الحكومة خبت حجم الفجوة الكبيرة والعجز فهيجي يوم تقول فيه خلالالاص البانزين بالسعر العالمي والي مش عجبو يركن على جنب .... لان شوف انتا عندك على الاقل سبعه مليون توك توك بيفولوا تنك بانزين كل يوم .

فلازم حل فوري لهذه المشكلة لانها هتيجي على دماغنا في النهاية ودعم البانزين ده الي بيفولوه التكاتيك. ماهو بيجي وبيدفع من جيوبنا عن طريق الضرائب .... يعني الحكومة بتاخود مني ومنك ضرايب. علشان تدعم التكاتيك. ( بالذمة ده كلام) ... وتحياتي

**hossam eldeen** · 15-06-2013 04:48 PM

الله ينور بس هل من مجيب ؟؟

**emad_2020** · 15-06-2013 04:49 PM

انا اكتر واحد مخنوق منهم
ونفسى اولع فيهم كلهم

**EngAhmedSayed** · 15-06-2013 04:51 PM

المشاركة الأصلية كتبت بواسطة tutankhamoun

المرور من زمان ,,,,,,,,,,,, مش من اولويات الدولة
و لذلك ........ أعتقد أن أحنا لازم نستحمل كل مصيبة و خلاص ... محاولة البحث عن حلول هاتنتهي بوجع و عقاب نفسي .

خد بقى الادهى

فيه مصنع بيجمع تكاتيك في 6 اكتوبر و كل يوم أشوف عربيات نقل محملة شوية حلوين منه و ماشية على طريق الواحات

دي بلد مفيش فيها فايدة

ماهو القرار اللى تم اتخذه هو بعدم سير التوكتوك فى الشارع
مش ايقاف استيراده او ايقاف تجميعه او ايقاف تصنيعه
تفرق يا استاذى العزيز اللعب بالقانون مفيش اسهل منه

-

-

الموضوع: للأسف الشديييد ....التوك توك خلاص بقى امر واقع ....ولكن بعض اقتراحات لاحتواء المشكلة

LinkBack

أدوات الموضوع

عرض

للأسف الشديييد ....التوك توك خلاص بقى امر واقع ....ولكن بعض اقتراحات لاحتواء المشكلة - انشر الموضوع فى :

-

-

-

-

المواضيع المتشابهه

المشكلة اتحلت -الحمد لله- ولكن ...!!!

(إن المشكلة ليست مع الآخرين أحياناً كما نظن. . ولكن قد تكون المشكلة معنا نحن..!!)

انا خلاص تعبت من المشكلة دى

خلاص هشترى الجميلة 2 .. ولكن؟

خلاص هاشتري Getz بس للأسف لازم تحجز وتستلم بعد شهر

الكلمات الدلالية لهذا الموضوع

المفضلات

المفضلات

ضوابط المشاركة