ايهما الافضل

**muhammadghunaim** · 15-06-2013 09:22 AM

سلام الله عليكم ورحمته وبركاته
كان عندي استفسار بخصوص شراء سيارة جديدة أنا معايا في حدود 90 سؤالي بقى انا كنت بختار بين 1- رينو لوجان اوتومتك او 2- هيونداي فيرنا اوتومتك او 3- شيفرليه افيو اتومتك
كنت عايز اعرف ايهم افضل في الاداء العام واداء التكييف واقتصاديات استهلاك البنزين و خدمة مابعد البيع والصيانة وسعر اعادة البيع
ولو في حاجه افضل من التلاته دول وفي حدود المبلغ المذكور ممكن تكون ايه
افيدوني جزاكم الله خير

**ahmedz310** · 15-06-2013 02:51 PM

متاااااااااابع وياريت نحط البرليانس frv cross في المقارنة
اعتقد من الاختيارات اللي انت ذكرتها الرينو تكسب نظرا لأنها اوسع عربية فيهم وتوكيل محترم وعالية عن الارض وكان يعيبها من كام سنة الانتشار دلوقتي بقت منتشرة ماشاء الله

**M I D O** · 15-06-2013 03:43 PM

حضرتك شكلك شايل دماغك من الصيني تماما وكمان مش عاوز غير اوتوماتيك وبالنسبة للعربيات دي يبقي الفيرنا تكسب قطع غيار رخيصة ومتوفرة وعربية بتتباع قبل متفكر تبيعها وسوقها ماشي الله ينور بس الامان فيها ضايع والعربية خفيفة الاحسن بالسعر دة تشوف نيسان صني كسر زيرو

**muhammadghunaim** · 16-06-2013 02:48 PM

جزاكم الله خيرا وشاكر لكم مروركم واهتمامكم واشكركم على الافادة ايضا اعتقد الانسب الوجان ومن بعدها الفيرنا
هي هتبقى سيارة عائلية بمعني معظم مشوارها داخل القاهرة