الموضوع: ارجو المساعدة ( فيرنا ولا امجراند 7)

فيرنا
الا لو ليك طلبات محددة ..

هو غبور جاب الايمجراند لكي تكون البديل عن الفيرنا وهو معلق عليها آمال كبيره و عامل ضمانها ٥ سنين علشان يطمن الناس ليها . بالنسبه للاختيار الموضوع راجع لاولويات حضرتك يعني مثلا

- الشكل سواء من الداخل او الخارج في صالح الايمجراند وان كان الشكل اذواق
- الانتشار و الاعتماديه في صالح الفيرنا بحكم وجودها من فتره كبيره و مبيعاتها الضخمة و ان كان ده لا يعني ان الايمجراند وحشه لكن ببساطه لانها لسه جديده و لم تختبر بالقدر الكافي للحكم عليها فالاعتماديه مضمونه في الفيرنا لان مشاكلها و حلولها بقت معروفه و تحت الاختبار بالنسبه للايمجراند و ده شيء طبيعي و ان كان يخفف من حدته موضوع ضمان ال ٥ سنوات
- الكماليات و ووسائل الامان و التكنولوجيا في صالح الايمجراند وده لتعويض فرق اسم الماركه و بلد المنشأ فلازم تبقي الكماليات اكبر و السعر ارخص و ان كان قوه الصاج للفيرنا و لكن عوامل الامان اهم
- الوكيل عامل مشترك في العربيتين و ده في صالح الايمجراند

يعني باختصار و ان كانوا ماركتين مختلفتين و لكن الوكيل عمل واحده امتداد للتانيه كأنهم فقط أجيال مختلفه . انا لو باختار اعتقد أني هاختار الايمجراند علشان عوامل الامان و تكنولوجيا أعلي و بالنسبه المخاطره لانها لسه جديده موضوع ضمان ال ٥ سنوات ده يقلل منها و يطمن شويه و ان كان القرار المثالي هو الانتظار حتي تنتشر و يصبح الحكم عليها متكامل بس الموضوع ده ممكن ياخد وقت طبعا

عن تجربة اخى اشترى ايمجراند يوجد شوية ملاحظات
فيرنا شكل قديم جدا . تشطيب سئ من الداخل . امان زيرو .كماليات لا توجد .فرامل اقل من متوسط ...............................
ايمجراند ضمان 5 سننننننننننننننننين . تصدير للكثير من الدول . امكانيات كتتتتتتتتتتتير و يمكنك مراجعتها ,فرامل رهيبة .امان تعادل الكتير من العربيات الغالية .اسم غبور خلفها انا سقتها للامانة هايلة بس يارب غبور مايطمعش و يرفع سعرها
ملحوظة لا توجد سيارة بلا عيوب مهما غلى سعرها
يارب يكرمك بالافضل
تحياتى

انا جربت دي ودي ولاكن مشاكل الاميجراند ليس لها حدود وارجع اققول الفيرنا سياره الساق المحترف