تقرير بعد السفر بالماروتي

**HHALAWANY** · 16-06-2013 12:50 PM

السلام عليكم ورحمة الله وبركاته
شباب ونسور السوزوكي الكرام ، 100 فل ومسا :)

انا سافرت اليكس ورجعت بالسلامة والحمدلله
كان فيه كام نقطة كده هاقلكم عليها كمان كان عندي كام سؤال !!؟؟
اولا العربية في السفر لذيذة والحمدلله ومافيش مشكلة
انا كنت سايق على80 - 90 - 100 وانا رايح ، ووانا راجع سقت على 100 - 110

السحب من بعد 95 بيقل جدا يكاد يكون واقف كأنك مثبت السرعة
الا لو حرقت بنزين زيادة

المخيف في الموضوع ان وانا رايح بيها كان في هوا جامد جدااا من ناحية الشمال
العربية كانت بتتزق بطريقة غربية جدااا - الهوا كان بيخليها تحدف جامد ناحية اليمين
كنت ساعتها لازم اقلل السرعة لحد 75-80 عشان الموضوع ده !!!!!!

1) ياترى ده طبيعي بقا ولا ايه !!!؟؟

2) كنت عاوز اركب طقم جنوط للعربية (ياترى نوعهم ايه وماركتهم ايه ، وسعرهم تقريبا كام بالتركيب ، واركبهم عند مين ) وكنت عاوز اعرف ايه فايدة الجنوط اساسا :))

وشكراااااا ليكم

**micromoud** · 16-06-2013 12:58 PM

كل اللى بتحكى عليه طبيعى العربيه وزنها خفيف ولا ينصح بتركيب جنوط

**HHALAWANY** · 16-06-2013 02:31 PM

المشاركة الأصلية كتبت بواسطة micromoud

كل اللى بتحكى عليه طبيعى العربيه وزنها خفيف ولا ينصح بتركيب جنوط

شكرا
ياعني الجنوط مش أأمن مثلا ، ولا الاوريجينال أأمن وافضل ؟؟
اصل انا كنت فاكر ان الجنوط بتدي توازن افضل !!!

تحياتي

**YahiaAshraf** · 16-06-2013 02:36 PM

طبيعى جدا ان العربيه تحدف لان فعلا وزنها خفيف

**lidosasa** · 16-06-2013 02:56 PM

المشاركة الأصلية كتبت بواسطة hhalawany

شكرا
ياعني الجنوط مش أأمن مثلا ، ولا الاوريجينال أأمن وافضل ؟؟
اصل انا كنت فاكر ان الجنوط بتدي توازن افضل !!!

تحياتي

الجنوط الأصلى للعربية متلقيش زيه لآن لو جبت حاجة تانية حيبقى صينى وضعيف أو حيبقى سبور وغالى وتقيل على العفشة . ولو عايز تغيير يبقى تجيب جنوط حديد عادى مستعمل اللى بينزل من السوزوكى الفان بيبقى نضيف وسعر الجنط من 50 إلى 65 جنيه بس إنت مش محتاج تغيير للجنوط خالص
بالنسبة للإتزان تعمل ترصيص للأربع فرد وظبط زوايا حتلاقى الدنيا أتظبطت معاك
وبخصوص إن العربية بتحدف معاك من الهوا فملهوش علاقة بالجنوط ودا طبيعى لآن العربية بتعوم بعد ال 90 كيلو لأن وزنها الإجمالى خفيف بس عايز أعرف ضغط الكاوتش عندك كان كام وضغطه فى مكان مضمون ولا عند أى حد من بتوع الكاوتش لآن الميزان بتاعهم بيبقى مش مظبوط وبيدى قراءة أقل من اللى فى الكاوتش فعلياً يعنى يقرا معاك 27 وهو بيبقى 30 فى الكاوتش وطبعاً لو زودت ضغط الكاوتش عن 27 حيزود عوم العربية على الطريق وحتحس إنها ريشة عكس لو كان ضغط الكاوتش مظبوط على 27 بيدى ثبات أكتر للعربية

**HHALAWANY** · 16-06-2013 04:02 PM

المشاركة الأصلية كتبت بواسطة lidosasa

الجنوط الأصلى للعربية متلقيش زيه لآن لو جبت حاجة تانية حيبقى صينى وضعيف أو حيبقى سبور وغالى وتقيل على العفشة . ولو عايز تغيير يبقى تجيب جنوط حديد عادى مستعمل اللى بينزل من السوزوكى الفان بيبقى نضيف وسعر الجنط من 50 إلى 65 جنيه بس إنت مش محتاج تغيير للجنوط خالص
بالنسبة للإتزان تعمل ترصيص للأربع فرد وظبط زوايا حتلاقى الدنيا أتظبطت معاك
وبخصوص إن العربية بتحدف معاك من الهوا فملهوش علاقة بالجنوط ودا طبيعى لآن العربية بتعوم بعد ال 90 كيلو لأن وزنها الإجمالى خفيف بس عايز أعرف ضغط الكاوتش عندك كان كام وضغطه فى مكان مضمون ولا عند أى حد من بتوع الكاوتش لآن الميزان بتاعهم بيبقى مش مظبوط وبيدى قراءة أقل من اللى فى الكاوتش فعلياً يعنى يقرا معاك 27 وهو بيبقى 30 فى الكاوتش وطبعاً لو زودت ضغط الكاوتش عن 27 حيزود عوم العربية على الطريق وحتحس إنها ريشة عكس لو كان ضغط الكاوتش مظبوط على 27 بيدى ثبات أكتر للعربية

انا كنت عامل ترصيص وظبط زوايا قبل ما اسافر على طول وكانت قبلها بتبقى في رجرجة وعومة بعد ال90
لاكن بعد ظبط الزوايا والترصيص مابقاش فيه الكلام ده
لاكن مع وجود هوا جامد كانت بتحدف ناحية اليمين
وانا ساعتها ماكنتش مشييك على ضغط الكاوتش ... نسيت
بس وانا راجع ظبطه على 27 في بنزينة الامارات على طريق القاهر الاسكندرية الصحراوي
وحسيت فعلا انها فارقة معايا بعد الظبط لان انا كنت ملاحظ ان العجلة اليمين الامامية عاوزة تتزود شوية
فعلا ممكن ده اللي كون عمل معايا كده
وخاصتا اني ماحسيتش بأي عومة بعد كده الا قليل وضعيف مش زي الاول
ممكن ده اللي كان السبب برضو
شكرا

**osos007** · 17-06-2013 05:22 PM

حمد الله على السلامه
ده تقرير كنت مستنيه على فكره لانى مجربتش العربيه فى السفر بس كلامك مطمئن وخفة العربيه دى حاجه متوقعه طبعا ولكن على حسب حمولة العربيه
ويارب تكون اتبسطت فى اسكندريه واحلى حجه انك خفيف خفيف كده :)

**HHALAWANY** · 17-06-2013 07:06 PM

المشاركة الأصلية كتبت بواسطة osos007

حمد الله على السلامه
ده تقرير كنت مستنيه على فكره لانى مجربتش العربيه فى السفر بس كلامك مطمئن وخفة العربيه دى حاجه متوقعه طبعا ولكن على حسب حمولة العربيه
ويارب تكون اتبسطت فى اسكندريه واحلى حجه انك خفيف خفيف كده :)

الله يسلمك :)
لا اتطمن ما تقلقش .. العربية وانا راجع مشيت بيها على 100-110 وكانت موزونة على الارض وخاصتا بعد ما ظبط هوا الكاوتش على 27
غير كده كل الحدفات البسيطة طبيعية جداا
ده كان في تقرير كمان من اخ هنا في المنتدى انه سافر بيها مطروح .. والحمدلله رجع بالسلامة وكله زي الفل

-

الموضوع: تقرير بعد السفر بالماروتي

LinkBack

أدوات الموضوع

عرض

تقرير بعد السفر بالماروتي - انشر الموضوع فى :

-

-

-

المواضيع المتشابهه

تصحوني بايه قبل ما اسافر بالماروتي :)

تقرير السفر بالفانتازيا إلي شرم الشيخ صد رد

خدوش بالماروتي

حادثه بالماروتي الجديده

تقرير عن لوجي في السفر

الكلمات الدلالية لهذا الموضوع

المفضلات

المفضلات

ضوابط المشاركة