الله ينور يا باشا تقرير أكثر من رائع و ربنا يباركلك فيها ويحفظهالك يارب
رقم العضوية : 83960
تاريخ التسجيل : 21Dec2010
المشاركات : 82
النوع : ذكر
الاقامة : PS
السيارة: R.L
السيارة[2]: ليجانزا2002 ـ كراسيدا87
دراجة بخارية: لا
الحالة :
تقــــــــرير 50000 كم
السلام عليكم ورحمة الله وبركاته ..
تحياتي لكل أعضاء هذا المنتدى الرائع الذي استفدت منه كثيراً ومن تجارب أعضائه وقد كان لهم الفضل الاول في اتخاذي قرار شراء لوجان خاصة تقرير الأستاذ نادر نبيل (الذي كان متحمساً جداً للسيارة) والذي شرح كل شيء عن السيارة بأدق التفاصيل فساعدني في اتخاذ القرار مفضلاً السيارة عن الفيرنا واللانوس رغم انتشارهم ورخص قطع غيارهم.
وقد رأيت أنه من الواجب أن اقدم تقرير للمنتدى يوضح تجربتي للسيارة بعد استخدام 50000 كيلومتر عسى ان يستفيد منه الأعضاء سواء من اشترى حديثاً او من يفكر في الشراء ، وسوف أكتب هذا التقرير من وجهة نظري كمستخدم للسيارة وبشكل موضوعي ودون حماس زائد للسيارة حتى لا اضلل احداً أو أنقل صورة سيئة عن السيارة فأظلم صانعيها.
((مبدئياً عربيتي لوجان مانيوال الفئة الكاملة موديل 2011))
ـ العربية عملت معايا 50000 كيلو والحمد لله بدون أي أعطال فنية أو عيوب صناعه واعتقد أن هذه الملاحظه هامه جداً خصوصاً للي لسه بيفكر يشتري العربية ، لأن اكيد ان عربية تعمل خمسين الف بدون اعطال ده مؤشر جيد على جودتها. مع الوضع في الاعتبار إن سواقتي كويسه الى حد ما واني ملتزم جدا بالصيانات الدورية في اوقاتها كذلك الطرق اللي بمشي عليها كويسه لحد ما بالنسبه للطرق المصرية لأني في مدينة جديده (يعني زحام اقل ومطبات وحفر اقل من المدن القديمه طبعاً )
ـ السيارة الأفضل في فئتها من ناحية (الجوده ، الارتفاع ، استهلاك البنزين ، الاتساع ، تجهيزات الأمان)
ـ الأعطال الفنية وعيوب الصناعه
لا يوجد حتى الآن والحمد لله ( وقال لي مهندس مركز خدمة العدوي أنه لم يظهر بها عيوب في القطع قبل 80000 كيلو ، وبعض الأعضاء اشاروا في المنتدى لعيوب في البوابة ظهرت عند بعض المستخدمين)
ـ الارتفاع
ممتاز وهي الانسب في فئتها للطرق المصرية
ـ العفشه
قوية وتتحمل وعورة الطرق المصرية وهذا عن تجربة بس يعيبها إنها ناشفه شوية
ـ الثبات
أنا شايف انه معقول خصوصا اني بسافر يوميا طريق سريع حوالي 70 كيلومتر وفيه ملفات وكباري ، هي طبعا مش "بي ام" بس ثباتها مقبول ويمكن الاعتماد عليه حتى مع السرعات.
ـ استهلاك البنزين
7.5 لتر لكل 100 كيلومتر قد تزيد أو تقل حسب الاستخدام وطبعاً ده من واقع كمبيوتر العربية وانا استخدامي منتظم للسيارة وتقريباً بعمل تلت المسافه داخل المدينة والتلتين طريق سريع.
ـ الصالون
واسع ومناسب جداً لعائلة من خمس افراد والشنطة مساحتها ممتازه بالنسبه لعربية في هذه الفئة ، السقف مرتفع وهي ميزه لطوال القامة وتمنح راحة أكثر للراكب بالرغم ان ارتفاع السقف مبوخ شكل العربية شوية . كذلك الكراسي الأمامية متحركة لعدة مستويات ، عجلة القيادة متحركة مستويين ، كمبيوتر معلومات رائع وانا شايف انه مهم جداً للناس اللي بتحب تحسب زيي كده ، أحزمة الأمان جيدة وبها عدة مستويات.
بالنسبة لعيوب السيارة فهي تتفق مع أغلب المشاركات في المنتدى وسوف أذكرها مره ثانية ليستفيد منها من يقرأ عن السيارة لأول مره او غير المتابعين للمنتدى
ـ قطع الغيار:
متوفرة بالتوكيل ولكنها مرتفعة الثمن نسبياً وبعض القطع مبالغ في اسعارها جداً ، يوجد بعض الأماكن تبيع قطع غيار السيارة ولكن في القاهرة والاسكندرية فقط ولا يوجد بالأقاليم ، وفي اعتقادي أن أسعار قطع الغيار وعدم وجودها خارج التوكيل هو أسوأ عيب في هذه السيارة ويجب أن يتحرك الوكيل بسرعه لحل هذه المشكله خاصة وأن السيارة في السوق منذ اربع سنوات وبدأت تدخل سوق المستعمل .
ـ الكلاكس ===> وجود الكلاكس في ذراع الإشارات عيب كبير في هذه السيارة وقد يتسبب في حادث خاصة أثناء لف الدريكسيون ويجب تغيير مكانه.
ـ التكييف ===> متوسط (الفيرنا تتفوق)
ـ كاوتش السيارة الـ Barum ====> سيء ويفضل تغييره
ـ الدريكسيون ===> باور العربية تقيل (تقريباً مفيش باور) ، الفيرنا تتفوق طبعاً
ـ الماتور ===> متوسط الأداء وعزمه ضعيف وصوته عالي (وده طبعاً بالنسبة للماتور الـ 8 صباب ، لأن سمعت ان الأوتوماتيك والسانديروا نزلت بماتور اقوى 16 صباب) ( الفيرنا تتفوق)
العفشه ===> قويه لكنها ناشفه وبتحس بالمطبات .
فيه بعض العيوب البسيطه يعني مش مؤثرة قوي في العربية وهي أماكن الأزرار وخامات التابلوه عادية جداً ، الأبواب تقيله ولازم تترزع علشان تقفل ، الإريال مش هاتعرف تستعمله لأنه خارجي فوق سقف السيارة ولو سبته هاترجع تلاقيه اتسرق ، كوريك العربية ومفتاح صواميل الكاوتش ضعاف جداً وسببولي مشكله في الطريق لأن المفتاح مفكش العجلة وطبعاً وقفت ساعتين لما حد وقفلي وعطاني صليبه ، الكتف الخلفي للعربية عريض وبيضايق الرؤية وانت راجع بالعربية
نيجي للجزء الأهم في التقرير بتاعي واللي اعتقد انه يهم اي واحد بيفكر يشتري العربية وهو مصاريف التشغيل وهي كالتالي:
2900 جنيه تقريباً /// صيانة دورية شامله تغيير الزيت والفلاتر والبوجيهات في مواعيدها =
7200 جنيه /// بنزين لمسافة 50000 كيلو وفقاً لكمبيوتر السيارة = 3800 لتر تقريباً يعني حوالي (وانا طبعاً بستعمل بنزين 92 من اول ما اشتريتها)
2600 جنيه /// تغيير طقم الكاوتش وانا غيرت على مسافة 48000 كيلو وجبت بريدجستون
1000 جنيه /// غسيل العربية مره او مرتين في الشهر والنثريات زي ضبط هوا الكاوتش او لحام كاوتش ... الخ.
1800 جنيه /// ترخيص العربية لاول مره 3 سنين وضريبه وخلافه .
يعني الاجمالي 15500 جنيه ، مصاريف تشغيل لمدة سنتين وثلاثة اشهر ومسافة 50000 كم ، يعني مصاريف تشغيل الـ 1000كم حوالي 310 جنيه ، لو اضفنا ليهم اهلاك العربية اللي هو الخسارة في سعر بيعها حوالي 15000 جنيه يبقى كل الف كيلوا هايتكلفوا حوالي 615 جنيه مصاريف تشغيل وكل واحد حسب استهلاكه.
في النهاية ادعو الله ان يبارك لي في سيارتي وان يكفيني شرها ، وأن يبارك لكل الأعضاء في سياراتهم ويكفيهم شرها ، وارجو ان اكون قد وفقت في كتابة هذا التقرير وأن يستفيد به كل من يمتلك لوجان أو يفكر في شرائها ومنتظر تعليقاتكم واضافاتكم القيمه ولا تنسونا من دعائكم.. والسلام عليكم ورحمة الله ،،،
رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
الله ينور يا باشا تقرير أكثر من رائع و ربنا يباركلك فيها ويحفظهالك يارب
رقم العضوية : 76254
تاريخ التسجيل : 26Jul2010
المشاركات : 1,184
النوع : ذكر
الاقامة : سوهاج
السيارة: هو انا باطبع فلوس ولا إيه؟
السيارة[2]: لوجان 2011 بترولي
دراجة بخارية: لا
الحالة :
تسلم إيدك تقرير جميل ودقيق جدا .. ربنا يباركلك في العربية و يديك خيرها و يكفيك شرها
يا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..
رقم العضوية : 73089
تاريخ التسجيل : 15Jun2010
المشاركات : 93
النوع : ذكر
الاقامة : Maadi
السيارة: nothing
السيارة[2]: LOGAN 2010
دراجة بخارية: لا
الحالة :
ربنا يبارك لك فيها و عقبال تقرير ال100000
رقم العضوية : 3171
تاريخ التسجيل : 13Nov2007
المشاركات : 1,509
النوع : ذكر
الاقامة : وسط زحمه وخنقة القاهرة
السيارة: هيونداى فيرنا
السيارة[2]: سوزوكى سويفت ديزاير 2015
دراجة بخارية: المفروض لأنها هى اللى بتسلك فى البلد دى !!
الحالة :
مشكور على التقرير الممتاز و أمانتك و حياديتك فى العرض و البيانات و المقارنة مع الفيرنا
https://www.facebook.com/groups/SWIFTCLUBINEGYPT/
رقم العضوية : 10425
تاريخ التسجيل : 10May2008
المشاركات : 134
النوع : ذكر
الاقامة : KSA
السيارة: Renault Logan 2013 AT B.L
السيارة[2]: Mercedes W126 300SEL
دراجة بخارية: --
الحالة :
تقرير جميل ودقيق جدا و ابسط رد على اللي اعدين موراهمش حاجة غير يشككوا في العربية و يسوؤا سمعتها او اللى اشتروها و فاكرين انها مرسيدس (500 s) واتصدموا رغم الحقيقة اللى معروفة للجميع انها عربية عائلية متوسطة الاداء جيدة الجودة بالنسبة لسعرها (سابقا طبعا) صنعت لدول شرق اوروبا واللي شبهها زي شمال افريقيا علشان توصلك من النقطة (a) الى النقطة (b) بس ....على قطع غيارها متوفرة كويس برة التوكيل و في حاجات من الكليو و الميجان بتركب لها ده اصحاب العربيات دي في منهم فرحانين علشان اللوجان شجعت التجار يجيبوا قطع الغيار و بكذا مستوى فرنسي ..تركي ..اسباني..صيني و غيره صحيح لسه مش بدرجة لانوس و الفيرنا بس موجودة
رقم العضوية : 83960
تاريخ التسجيل : 21Dec2010
المشاركات : 82
النوع : ذكر
الاقامة : PS
السيارة: R.L
السيارة[2]: ليجانزا2002 ـ كراسيدا87
دراجة بخارية: لا
الحالة :
شكراً جزيلاً
شكرا يا دكتور وسيم ومرورك يشرفني
ربنا يبارك فيك وشاكر على مرورك
شكراً لمرورك أخي الكريم
حبيبي انت الأجمل وأنا مع حضرتك في كل كلامك ، أوجزت فأنجزت ويجب الحكم على اللوجان فعلاً من كونها عربية متوسطه
رقم العضوية : 70677
تاريخ التسجيل : 15May2010
المشاركات : 82
النوع : ذكر
الاقامة : 6 أكتوبر
السيارة: ربنا يبعت
السيارة[2]: Renult logan
الحالة :
بجد تقرير اكثر من رائع وممتاز وربنا يباركلك فيها وانا معايا لوجان عملة 58000كم وحاجات كتير من اللى قولتها لاقتها فى عربيتى على مدار ال3 سنين
بس ليه استفسار لو ممكن انا هغير الكاوتش وهجيب بريدجيستون ( تايلاندى )
انا سالت التوكيل قاللى 570جم ar10
وفى نوع تانى ميفرقش كتير اسمه b250 بريدجيستون
انت غيرت لايه وتنصحنى بأيه لو ممكن لانى عاوز اغير الكاوتشات بسرعة
وشكرا لاهتمامك
رقم العضوية : 60119
تاريخ التسجيل : 26Jan2010
المشاركات : 720
النوع : ذكر
الاقامة : 10th of Ramadan City
السيارة: Logan F/O
السيارة[2]: Fiat 131 & Nubira
دراجة بخارية: No
الحالة :
الحقيقه تقرير أكثر من رائع وحيادي وأحييك عليه ...... ومن ناحيه قطع الغيار الحمد لله بقت متوفره في أكتر من منطقه (الحرفيين ... صقر قريش .... ش دمشق )
وربنا يبارك لك فيها وعقبال تقرير ال 100000 إن شاء الله
رقم العضوية : 83960
تاريخ التسجيل : 21Dec2010
المشاركات : 82
النوع : ذكر
الاقامة : PS
السيارة: R.L
السيارة[2]: ليجانزا2002 ـ كراسيدا87
دراجة بخارية: لا
الحالة :
تحياتي أخي الكريم .. وشكراً على كلامك الجميل وبالنسبه للكاوتش انا جبت Bridgestone Turanza GR90 ـ ياباني ـ سعرها 650 جنيه ـ من بورسعيد . بس العربية بتحدف معايا من يوم ما غيرت الكاوتش ، وضبطت زوايا مرتين ومفيش فايده ، ومش عارف بصراحه العيب في الفرده ولا في مركز العدوي اللي بضبط عنده ، بس عموما الفرده كويسه وخامتها حلوه ، ناعمه ع الطريق وصوتها أهدى من الباروم كتير (انا بمشي يومياً على عشر كباري ع الطريق الدولي كل قواطعهم بايظه وطبعاً كانت بتهبد مع الـ Barum انما مع البريدجستون الوضع مختلف) ولما ركبتها حسيت بفرق طبعاً ، نقشتها ناعمه ودي ميزه وعيب في نفس الوقت ، ميزه انها مبتلمش حجاره ، وعيب لأن شكلها على اللوجان معجبنيش لأن النقشه مش باينه عليها وشكلها من بعيد ممسوح ، وطبعاً اللوجان عاليه والنقشه الخشنة اشيك عليها (ده رأيي طبعاً والمسألة أذواق)
، بالنسبة للـ B250 انا مجربتهاش بس فيه ناس بتشكي منها ع النت ، واحد من اصحابي اشترى كومهو وبيشكر فيها ، خصوصاً ان نقشتها شكلها حلو ع اللوجان وفيه فرق سعر كويس برضه
ـ ياريت تفكر في الكومهو ، رغم ان مجربتهاش بس فرق السعر الكبير بينها وبين البريدجستون يستاهل التفكير ، وياريت حد من الأعضاء اللي جرب الكومهو يقولنا رأيه برضه
المفضلات