سلام الله عليكم
كنت بسأل عن رأيكم في موقع جوميا للتسوق عبر الإنترنت
حد تعامل معاه قبل كدة
لأني عايز أشتري من عليه شوية حاجات
فإيه رأيكم
وشكرا لكم جزيلا
سلام الله عليكم
كنت بسأل عن رأيكم في موقع جوميا للتسوق عبر الإنترنت
حد تعامل معاه قبل كدة
لأني عايز أشتري من عليه شوية حاجات
فإيه رأيكم
وشكرا لكم جزيلا
انا اتعاملت معاهم مره واحده و كانت تجربه ممتازه بصراحه محترمين ومواعيدهم مظبوطه
هما ليهم store ولا البيع بس من خلال الانترنت؟
مش عارف والله إذا كان ليهم store أرضي ولا لأ
أنا طلبت منهم محمول انهاردة وأنا منتظر بس فيه نقطة عايز أتكلم فيها
الموبايل اللي أنا عايزة لونه سيلفر والموجود عند معظم المحال التجارية الأسود فقط وإشتريته قبل كدة على إنه سيلفر وطلع أسود ورجعته بعد غلبة
فأنا أكدت عليه في جوميا إن اللون لو مش سيلفر أنا مش هستلم البضاعة وأكد لي إن لونه سيلفر وأنتم عارفين إن أرامكس بتغلف البضاعة في كيس خاص بيها فهل ينفع
أفتح الكيس والعلبة وأتأكد من سلامة الجهاز ولونه وبعدين أدفع له الفلوس وأمضي على الإستلام ولا لأ؟
ممتازين جدا اشتريت من عندهم فلاشة مرة كتجربة 9 جيجا كنجستون من اسبوع وكانت بـ45 جنيه :) وجوانتيات وقدامك حل من اتنين اما الشحن او الإستلام من الـ Store :) انا حجزت جوانتي L ولما جيت اقيسه طلع ديق وانا واقف الموظفة غيرتهولي وجابت الـ XL ولو مكانش موجود حضرتك متدفعش :) والأحسن تروح بنفسك عشان تشوف مكانهم مش بعيد همة في التجمع الخامس عند استاد بترو سبورت خليه يمينك وامشي لحد توكيل شيفروليه ها تلاقيهم هناك فرع في مبنى كبير جدا :) وتحت امر حضرتك في اي استفسار
الله يبارك فيكم جميعا
مشكور جدا على الافادة وإن شاء الله يكونوا عند حسن الظن
يا ريت الله يكرمك لو تديني العنوان بالتفصيل
انا تحت امر حضرتك يا فندم :)
حضرتك تمشي شارع التسعين وتجيبه من اوله وكأنك رايح الدائري لحد ما تلاقي بنزينة شل خش في الشارع اللي هيا على ناصيته يمين بحيث
يبقى يمينك مستشفى القوات الجوية وشمال بنزينة شل
امشي طوالي زي ما انتا وخليك مع الطريق لحد ما تلاقي استاد بترو سبورت على ايدك اليمين تكمل زي ما انتا من الإتجاه اللي جي منه ويكون الإستاد على يمينك
تمشي حبة حلوين حوالي كيلو بالضبط ها تعدي كمباوند على ايدك اليمين تفضل مكمل زي ما انتا لحد ما ها تلاقي توكيل شيفروليه على ايدك اليمين ها يبان لأنه ليه يافطة كبيرة جدا جدا :) الشركة لزق في التوكيل :)
+ ممكن تعمل زي ما انا عملت وانا في الطريق كلمت النمرة الـ 011 وفضلت مع الموظف على الخط لحد ما وصلت :) المكان ما يتوهش تماما لو مشيت على الوصفة اللي قولتلهاك ها توصل في 5 دقايق بالضبط يا فندم وانا تحت امرك في اي اسئلة تانية
اشتريت 3 مرات مره جهاز wii ومرتين بارفانات وكانت في المرتين أصليه 100% ودايما بيقولو التوصيل خلال 5 أيام عمل والحاجه بتيجي في يومين تلاته.
ليا واحد صاحبى اتعامل معاهم جاب موبايل الموبايل وصل تانى يوم و تقييمه انه ممتاز بس كان سعر الموبايل اغلى من السوق شويه بس نفس تمن الموبايل فى التوكيل
كويس اللى اتفتح الموضوع ده علشان انا كنت بفكر اشترى من عنده