هل غسيل ثلاجة التكييف هو الحل ؟؟؟؟

**msalama1984** · 16-06-2013 10:04 PM

يا جماعة انا معايا تويوتا ستارليت 1991 المشكلة ان التكييف حلو جدا لما اكون لوحدي او معايا حد تاني في العربية بس ، لكن لو زاد حد ثالث بيبقى حر جدا مع العلم انا لسه عامل صيانة التكييف كله .
فهل الحل اغسل الثلاجة بتاعة التكييف من جوة الي تحت الطابلوه علما ان عربيتي مفهاش فلتر تكيييف والي اعرفه ان التويوتا بتبرد في التكييف احسن من اي عربية تانية / معلومة لازم اشغل على السرعة الثالثة في التكييف علشان يعمل حاجة يعني السرعة الاولى والثانية ملهمش لزمة

**sonaeg** · 16-06-2013 10:20 PM

حضرتك في صيانة التكييف ماغسلتش التﻻجة االلي جوه؟ ،،،،انا عندي زي حضرتك من غير فلتر فبﻻقي التﻻجة مسدودة والسرعات بتاعة المروحة مابتطلعش هوا قوي زي الاول.....فساعات بيعرفوا يغسلوا التﻻجة وهيا راكبة عشان مايطلعوش الفريون....بس الاصح انها لو مسدودة تتفك وتتغسل بره كويس.......والله اعلم وان شاء الله باقي الاعضاء يفيدو حضرتك

**msalama1984** · 16-06-2013 10:32 PM

شكرا لردك

**shaddadfalcon1** · 16-06-2013 11:34 PM

الأسبوع اللي فات كنت عند بتاع التكييف وجت عربيه نص نقل دوبل كبينه بيشتكي من التكييف مش بيسقع والفريون مليان
بيبص علي التلاجه لقيها كلها طين

جاب خرطوم رفيع وفي اخره ماسورة وليها بوذ حديد ضيق من قدام ومفتوح من الجنب ووصله بالمساحات وشغل المساحات وغسل التلاجه خلاها بتبرق ونزلت كمية طين وهميه وبعدها التكييف بقي تلاجه