الموضوع: لانسر بوما - مشاكل لا تنتهى - الرجاء الافاده

اولا انا معاي عريبه زيك اردني اشترتها برده من سنه كانت عامله اقل شويه منك ودلوقتي عامل تقريبا 100 الف كيلو كل اللي عملته غيرت زيت الفتيس وحبه صيانات عاديه خد بالك ان ممكن الحاجات اللي بتغيرها دي اشتغالات صناعيه يعني قصه طرمبه البنزين دي حصلت معاي وكانت العربيه بتقطع المكانيكي فك الطربيه فيها كيس صغير كده نضفه كان فيه رايش وسدد اشتغلت كويس جدااا بعدها عملتها تاني من شهر عملت نفس الامر واشتغلت كويس وده من البنزين الحلو اللي في بلدنا وتيل الجولد انا بستخدمه عندي بالتيل الامامي كويس جدااا وارتحت معاه اكتر من الرمسا الاسباني

المشاركة الأصلية كتبت بواسطة walidadel81

المكانيكي فك الطربيه فيها كيس صغير كده نضفه كان فيه رايش وسدد اشتغلت كويس جدااا بعدها عملتها تاني من شهر عملت نفس الامر واشتغلت كويس وده من البنزين الحلو اللي في بلدنا

طب الموضوع دا سهل ممكن اعمله بنفسى ولا لازم ميكانيكى؟

المشاركة الأصلية كتبت بواسطة egy_fan

السلام عليكم. انا عايز اعرف اراء اصحاب اللانسر فى عربياتهم. هل كل اللى معاه لانسر متمرمط ذى كده ؟

انا عربيتى لانسر 2007 سوبر اكشن اردنى. اشتريتها من سنه و شويه و كانت عامله 60000 كم وكشفت عليها فى مصريه و قالوا ان السيور اللى فيها هى سيور المصنع و حالتها 100 100

هى دلوقتى عامله 86000 بس انا صلحت حاجات كتير اوى فى السنه دى و مش عارف هل ده طبيعى و لا فى مشكله تانيه

- طنابير خلفى و ده بعد فتره من تركيب تيل خلفى فاشل اسمه جولد
- الكلاكس باظ علشان دايره srs
- طرمبه البنزين قعدت تعلق و قرفتنى و غيرتها هى و الكتاوت و بعدين الطرمبه الجديده قطعت منى على الطريق بعد شهرين
- المارش :الاتوماتيك بتاعه بيعلق و غيرته كله و جبت واحد استيراد
- كابلات بوجيهات و قواعد موتور و مقص

كل ده و العربيه ماكملتش 100 الف طيب هاتعمل ايه عند 150 ولا 200 ؟؟؟؟؟

لو ده طبيعى ياريت تطمنونى لان الانوس اللى كانت معايا معملتش كده ؟؟؟؟

ببساطة انت يا اما جايب عربية طلعان عينها يا اما الصنايعية بيشتغلوك يا اما حظك كده

انا مثلا معايا لانوس و معايا كريستاله مش عايز اقولك الانوس مطلعه عيني مصاريف و صيانات بالمقارنة بالكريستاله !!!

اتعامل مع صنايعية كويسين و تابع اول بأول و العربية هتبقي ممتازة

والله اعلي و اعلم