الغاء التكييف الساخن بالتوكيل

**ebrheem1981** · 18-06-2013 09:49 AM

صباح الخير على كل لوجاناوى
انا فى توكيل العبور دلوقتى و بعمل صيانه العشرة الاف و طلبت منهم الغاء التكييف الساخن رفضوا تماما و المهندس قالى لا انصحك تعملها بالخارج لانها هتأثر على دورة التبريد للعربية و قالى انهم هيعزلوا الحرارة الخارجة من الفرامل مجانا ... فهل فعلا الغاء التكييف الساخن صح و لا لا ... خاصة انى بلغتة ان فى ناس كتير على نايل موتورز و الفيس لاغيتة و التبريد زاد و محصلش مشكلة بدورة التبريد.... فارجو الافادة

**MIDOBROKERAGE** · 18-06-2013 10:02 AM

العضو ده عمل موضوع فصل السخن من التكييف وبصراحة انا عاوز اعمله بس فى ناس خوفتنى بردوه
مع انى شايف انه مش هيأثر على اى حاجة لو ممكن حد يأكدلنا الموضوع من حيث السلبيات
http://www.nilemotors.net/Nile/300035-a.html

**ebrheem1981** · 18-06-2013 10:53 AM

اكيد فوائد الغاء تكييف الساخن كتيرة :
1- التكييف بيكون تلاجة بحق و حقيقي
2- استهلاك البنزين بيقل و دى نقطة مهمة جدا بالنسبة ليا فى الايام اللى احنا عايشينها دلوقتى
3-بتريح الموتور و صوتة بيقل شوية

بس عاوزين نعرف راى المتخصصين الللى جربوه هل بياثر على دورة التبريد و بيتعمل فين و بكام

**MIDOBROKERAGE** · 18-06-2013 11:25 AM

هو انا سألت بيتعمل فى مركز فرنش موتورز الرحاب واتصلت فعلا بالمهندس هناك وقاللى التكلفة 150جم
بس بردوه مستنى رأى المتخصصين فى الموضوع لانى بصراحة عاوز اعمله

**Ahmed A Rahman** · 18-06-2013 07:18 PM

انا اللي عامل الموضوع ده من سنتين ومفيش اي مشاكل

كل الموضوع انك بتنقص حوالي نص لتر من مياه التبريد اللي داخله بتتمشى بدون لازمة داخل الصالون

معنديش اي مشكلة من اي نوع الا تسريب بسيط حصل بعد التركيب وتم معالجته بسليكون حرري وانتهى الموضوع تماما من شهور

مفيش اي ارتفاع في درجة حرارة السيارة لاننا نقصنا الميا بس سرعنا الدورة

تبريد التكييف انا قلت عليه في الموضوع بيخلي العربية تتفوق على السيارات الياباني والكوري في تكييفها

انا معانا في الشغل كذا عربيةالنترا وبركب كل يوم مع سواق شكل وتكييف عربيتي اعلى منها

بس خلو بالكم كمان عازل الازاز ب 3m

**ebrheem1981** · 19-06-2013 12:36 AM

3m دى شركة بتغطى العربية كلها بعازل شفاف حرارى و بيحافظ على برودةالعربية حتى لوركنتها فى الشمس
بس تقريبا تكلفتها غاليه لانها كانت بتتكلف 900 ريال فى السعودية بس هى مناسبة اكتر لدول الخليج