نصيحة لله

**batalalkom** · 18-06-2013 11:14 PM

قدامى اوكتافيا 2000مانيول صاحبها عايز فيها 60000 وانا بخاف من المستعمل صراحة اخلص فيها ولا ادفع60000 مقدمة واجيب صنى سوبر صالون احسن واقسط الباقى

**mohamed_e36** · 18-06-2013 11:27 PM

لو هتقدر على القسط هات الصني ..... الزيرو زيرو والعربيه لو حافظت عليها مش هتصلح فيها حاجه ان شاء الله قبل 6 -7 سنين
لكن لو مش هتقدر خليك في الاوكتافيا ثبات محترم ومفيهاش كلمه بس ممكن تلاقي العربيه فيها مشكله من وقت للتاني والحاله بتفرق طبعا

**aw2100** · 19-06-2013 01:28 AM

لايوجد اى خلاف على قوة ومتانة الاوكتافيا بالمقارنة بالصنى ماينفعش تقارن بينهم طبعا الأوكتافيا تكسب بفارق 100 نقطة حتى لو موديل 98 بس اكشف عليها كويس وممكن تجرب تركبها وجرب الصنى الزيرو طبعا فرق شاسع بينهم ومبروك مقدما !!

**عبدالرحمن-جبر** · 19-06-2013 02:05 AM

الصنى كمان الصالون بتاعها ردىء جدا و شكلها الخارجى سىء للغاية هى عملية ازواق طبعا بس لو حضرتك هتفكر فى زيرو شوف البيجو 301 و سيتروين سى اليز عربيات تحفة و شوف الفترة الجاية سوقها هيعمل ايه

**walidadel81** · 19-06-2013 05:30 AM

المشاركة الأصلية كتبت بواسطة عبدالرحمن-جبر

بص يا باشا انت تاخد العربية و تطلع على بنزينة المطار و اسال على حاج عبدالعزيز يكشفلك عليها الراجل دا بيطلع المسمار الناقص فى العربية بياخدها حتة حتة و يكشف على الماتور و الحساسات بالكومبيوتر و بيطلع يجرب العربية كمان بياخد ساعة يقولك ايه اخبار العربية و يطلع تقرير معتمد فى حالة العربية و هو هينصحك تاخدها ولا تبعد عنها

استاذنك اي بنزينه اللي بالمطار اللي حضرتك تقصدها

**إبراهيم المصرى** · 19-06-2013 05:51 AM

المشاركة الأصلية كتبت بواسطة walidadel81

استاذنك اي بنزينه اللي بالمطار اللي حضرتك تقصدها

+1

**Moratoz** · 19-06-2013 06:38 AM

طبعا ألاوكتافيا كسيارة تكسب بشرط الحاله الجيدة للسيارة بس لو في خيارات افضل شويه في الزيرو فأكيد الزيرز زيرو من حيث راحه الصيانه لمدة خمس سن ات تقريبا فلو تقدر علي الزيرو فهو خيار افضل

**abou-yahia** · 19-06-2013 09:07 AM

أحب اختلف مع حضرتك في نقطه محوريه

في مقارنه المستعمل بالزيرو

لازم اخد في اعتباري تكاليف التشغيل المتوقعه للعربيتين علي الاقل في السنه الاولي في مقابل الاداء المتوقع

يعني انا لما ادفع 60,000 مقدم في عربيه متوقع ان القسط الشهري بتاعها ميقلش عن 1,500 جنيه

لازم احط في بالي الحاله التانيه

هل مصاريف التشغيل والصيانه المتوقعه لعربيه موضع المقارنه كام شهريا

والقيمه المتوقعه ليها كنسبه من ثمنها الحالي بعد 5 سنوات كام

يعني انا متوقع ان كمان 5 سنين سعر الاوكتافيا حيقل من حوالي 10,000 الي 15,000 جنيه

وحتكون العربيه صرفت تقريبا قدهم في نفس الفتره

طبعا انا بفترض ثبات معدلات التضخم

هل في الحاله ديه العربيه الزيرو اللي احنا واخدينها كمقارنه حتصبح اختيار صح

بلأضافه الي

منحني الاداء في الاوكتافيا ممكن بقليل من الجهد والتكلفه انه يطلع ويفوق اداء الصني علي المدي القصير ويمكن الاحتفاظ بيه كذالك لفتره محترمه بتكاليف قليله

بعكس الصني

اتمني ان اكون قد القيت الضوء بشكل واضح عن وجهه نظري ديه

تقبلوا تحياتي

**EngAhmedSayed** · 19-06-2013 09:30 AM

المشاركة الأصلية كتبت بواسطة عبدالرحمن-جبر

بص يا باشا انت تاخد العربية و تطلع على بنزينة المطار و اسال على حاج عبدالعزيز يكشفلك عليها الراجل دا بيطلع المسمار الناقص فى العربية بياخدها حتة حتة و يكشف على الماتور و الحساسات بالكومبيوتر و بيطلع يجرب العربية كمان بياخد ساعة يقولك ايه اخبار العربية و يطلع تقرير معتمد فى حالة العربية و هو هينصحك تاخدها ولا تبعد عنها

لو هتشترى الاوكتافيا يبقى لازم تعمل بالنصيحة لابد الفحص عند مكان موثوق بيه و لو فى تقرير يبقى ممتاز

المشاركة الأصلية كتبت بواسطة abou-yahia

أحب اختلف مع حضرتك في نقطه محوريه

في مقارنه المستعمل بالزيرو

لازم اخد في اعتباري تكاليف التشغيل المتوقعه للعربيتين علي الاقل في السنه الاولي في مقابل الاداء المتوقع

يعني انا لما ادفع 60,000 مقدم في عربيه متوقع ان القسط الشهري بتاعها ميقلش عن 1,500 جنيه

لازم احط في بالي الحاله التانيه

هل مصاريف التشغيل والصيانه المتوقعه لعربيه موضع المقارنه كام شهريا

والقيمه المتوقعه ليها كنسبه من ثمنها الحالي بعد 5 سنوات كام

يعني انا متوقع ان كمان 5 سنين سعر الاوكتافيا حيقل من حوالي 10,000 الي 15,000 جنيه

وحتكون العربيه صرفت تقريبا قدهم في نفس الفتره

طبعا انا بفترض ثبات معدلات التضخم

هل في الحاله ديه العربيه الزيرو اللي احنا واخدينها كمقارنه حتصبح اختيار صح

بلأضافه الي

منحني الاداء في الاوكتافيا ممكن بقليل من الجهد والتكلفه انه يطلع ويفوق اداء الصني علي المدي القصير ويمكن الاحتفاظ بيه كذالك لفتره محترمه بتكاليف قليله

بعكس الصني

اتمني ان اكون قد القيت الضوء بشكل واضح عن وجهه نظري ديه

تقبلوا تحياتي

كلامك مظبوط بخصوص الجديد

و لك انتا تختار على حسب ظروفك المادية
ربك المستعان
تحياتى لك بأختيار ناجح