الموضوع: ساعدووونى بسرعة ...عاوز أركب هيدرز...

على فكره يا جماعه عن تجربه موضوع الاستانلس ده مش عملى و بالزات مع المواتير الى اعلا من 1600 عشان مع الوقت بيتحرق و بيكون شكله وحش جدا الحاجه الوحيده الى ممكن تستخدمو فيها ستنلس هيا العلبه الخلفيه و الماسوره الخاصه بالفلتر الرياضى لاكن غير كده لا الحديد افضل و تكلفته اقل و بالزات فى اللحام لان الاستانلس لازم يتلحم بحاجه اسمها ارجون و دى مكلفه جدا ده غير انها مش متوفره عند اى حد و انا اسف انى مش هقدر اقول العنوان بتاع المصنع فى المنتدى لان طبعا انتو عارفين زى ما قلت ان المصنع ده بينزل شغل فى السوق و اغلب التجار بتكتب عليه انه مستورد و بكده احنا هنبقى ازينا صاحب المصنع كل الى اقدر اعمله ان الى عاوز و بجد يبعتلى مسدج و يكتبلى فيها نوع العربيه و الموديل و انا هبلغه بالتكلفه و احددله يوم مع اصحاب المصنع و يروح و العنوان مش صعب سهل الوصول ليه يعنى تقريبا خمس دقايق من مدخل طنطا

بقولك يا برنس انا من طنطا ويا ريت تعمل فى جميلة وتقلى فين عنوان المصنع دة اللى بيعمل العلب دية فين فى طنطا بليز وشكرا

يا ريت ترد على ضرورى انا معايا فيات 32 2000

المشاركة الأصلية كتبت بواسطة cooldjstuff

على فكره يا جماعه عن تجربه موضوع الاستانلس ده مش عملى و بالزات مع المواتير الى اعلا من 1600 عشان مع الوقت بيتحرق و بيكون شكله وحش جدا الحاجه الوحيده الى ممكن تستخدمو فيها ستنلس هيا العلبه الخلفيه و الماسوره الخاصه بالفلتر الرياضى لاكن غير كده لا الحديد افضل و تكلفته اقل و بالزات فى اللحام لان الاستانلس لازم يتلحم بحاجه اسمها ارجون و دى مكلفه جدا ده غير انها مش متوفره عند اى حد و انا اسف انى مش هقدر اقول العنوان بتاع المصنع فى المنتدى لان طبعا انتو عارفين زى ما قلت ان المصنع ده بينزل شغل فى السوق و اغلب التجار بتكتب عليه انه مستورد و بكده احنا هنبقى ازينا صاحب المصنع كل الى اقدر اعمله ان الى عاوز و بجد يبعتلى مسدج و يكتبلى فيها نوع العربيه و الموديل و انا هبلغه بالتكلفه و احددله يوم مع اصحاب المصنع و يروح و العنوان مش صعب سهل الوصول ليه يعنى تقريبا خمس دقايق من مدخل طنطا

والله بالعكس ، إنت لو حطيت رقم تليفون المصنع أو عنوانه هاتعمل خدمة كبيرة لأعضاء المنتدى ومش هايبقى فيها أي اذيه لأصحاب المصنع ، بالعكس دا إنت هاتكون حميت الناس من الغش اللي بيحصل من التجار وهايبقى فيه تعامل مباشر ما بين العميل والمصنع وكده احسن.

تحياتي

يا جماعة على فكرة
انا برده جبت الديفيل بتاعى من المصنع و كان صوته حلو اوى
و المفاجأة اللى مكنتش مصدقها
ان الراجل قاللى احنا ممكن نعملهولك عمولة
بالشكل اللى تحبه
و إن شاء الله ناوى قريب اعمل الموضوع ده

ياريت يا باشمهندس تحطلنا عنوان المصنع