رقم العضوية : 120072
تاريخ التسجيل : 06Feb2012
المشاركات : 88
النوع : ذكر
الاقامة : مدينة نصر
السيارة: كارينز
السيارة[2]: دايو
دراجة بخارية: hpmhg
الحالة :
السلام عليكم ورحمة اللة
دلوقتى مع ازمة البنزين دا غير الزحمة اللى بنشوفها فى شوارعنا
نويت انشاء اللة اجيب موتوسيكل تريلا
ومحدش يقولى اسكوتر عشان شوفنة ومعجبنيش
بس التريلا عجبنى شكلة وحجمة وكمان عرفت أنة موفر للبنزين
تقريبا هو فية كل المواصفات اللى عايزها
لانة هيبقى استخدام شخصى واركن العربيبة لانها بتاكل بنزين جامد"كارينز بقى"
بس انا للأسف مبفهمش فى الموتوسيكلات اوى ..... خالص !
المهم عندى كام سؤال وعايز جواب بعد اذن حضراتكم
اول حاجة اسعارة كام واية افضل نوع ؟
انا مشكلتى ميزانيتى صغيرة جدا عشان فى ضغوط كتير دلوقتى فى المصاريف
فا اية رائيكم اجيب حاجة مستعمل ؟
والصينى اية رائيكم فية واسعارة كام انا مش هدخل بية صحرا يعنى هى طرقنا الحلوة بس
وهل الموتوسيكل دا بيترخص فى المرور وبيتعلقلة نمر ؟ ولو بيترخص بيبقى بكام ؟
وكمان حاجة هو فى رخصة لسواقة الموتوسيكلات ؟ معلش اعذرونى جاهل
ودا ازاى احافظ علية لو رحت بية الشغل مثلا هربطة بجنزير ولا ممكن يتركبلة انظار ؟؟
وشكرا مقدما.
رقم العضوية : 19593
تاريخ التسجيل : 20Sep2008
المشاركات : 406
النوع : ذكر
الاقامة : Giza
السيارة: ..
السيارة[2]: هيونداى اكسيل
دراجة بخارية: CB-4 Honda
الحالة :
واضح من كلام حضرتك انك مش بتعرف حتى تسوق
بالنسبه للرخصه فالموتوسيكل لى رخصه بتطلعها من المرور اللى انت تبعه زى العربيه بالظبط
وبرضه بيكون معاك شهادتين (باطنى ونظر) وصور شخصيه وكل الاجراءات تقريبا بتاعت الرخصه الخاصه
وبالنسبه للموتوسيكل فهو زيه زى العربيه برضه بيرخص وبيعلق نمر وبيخش فحص وكل الكلام ده
نيجى بقى للسؤال الاهم وهو الانواع
رأيى بالنسبه لحضرتك تجيب حاجه صغيرة زى مثلا Yamaha ttr 250 اعتعقد دى هتكون افضل اختيار ليك وسعرها فى حدود 12-15 الف حسب الحاله
لو امكانياتك مش هتسمح دلوقتى ممكن تشوف ال Benneli هى صينى بس افضل من الموتوسيكلات الصينى التانيه وسعرها تقريبا 8 الاف جنيه
وبالتوفيق فى الاختيار
المفضلات