مشكلة فى حساس الانذار

**أحمد جودة** · 23-06-2013 10:52 AM

السلام عليكم ورحمة الله وبركاتة

الموضوع باختصار حساس الانذار من نوع وولف باظ المفروض اللمبة بتنور مبقتش تنور خالص والانذار مبيشتغلش غير على فتح الباب بس

ياترب الحساس بيتباع لوحدة وهل ممكن يتصلح

فكيت الحساس من جوة لقيت مقاومة متغيرة اللى بتزود وبتقلل حساسية الانذار
وملف معدني واي سي وكام مكثف

ياتري فى طريقة معينة لاختبار الحساس اذا كان بايظ ولا لاء

مع ملاحظة احيانا لما اهز السلك بتاع الحساس اللمبة تنور وترجع تطفي

**aymanshebl** · 23-06-2013 11:56 AM

الحساس ممكن بيتباع عادى فى التوفيقية و شارع دمشق و ممكن يتصلح لو انت اختبرت الجزء التالف و غيرته و طالما الحساس بيشتغل لما تهز السلك يبقى احتمال كبير ان السلك بتاعه فى قطع داخلى جرب توصيلية السلوك بتاعته بالافوميتر لتحديد السلك او الفردة المقطوعة و تغيرها

**salah_86** · 23-06-2013 11:56 AM

باشا عند اى كهربائى نضيف وامين ومحترم هتلاقى حساس الانذار عنده اشترية منه وخلية يركبهولك وتمنة مش هيعدى ال 25 جنية

**ayman20100** · 23-06-2013 11:58 AM

سبحان الله
من يومين نفس المشكلة كانت عندي وفكيت الحساس ولقيت السلك مفكوك وقولت اجيب مكوة لحام والحمه بقصدير عادي بس ما عرفتش عشان بعيد عن مصدر الكهرباء فروحت لكهربائي سيارات وياريتني ما روحت لانه قطع السلك عشان يعرف يشتغل ورجع لحمه تاني مع اني كنت ممكن اعمل كده عادي في البيت

اتاكد ان السلك ملحوم مكانه صح ممكن يكون اتشد بس ومش ملمس كويس

**أحمد جودة** · 23-06-2013 12:09 PM

ان شاء الله اليوم هفك علبة الحساس ورارجع على اللحامات واعمل تشيك على الـ 3 فرد لاني شاكك فعلا يكون واحد منهم مقطوع او ملحوم غلط مش فى مكانة

بس ياتري حد عندة فكرة عن ترتيب الاسلاك لو فى حالة ان السلك اتلحم غلط

علشان خلاص انا تعبت من العيال الصغيرين بيطلعو فوق سقف العربية وبيتزحلقو على الازاز والمشكلة عندي شرخ بسيط فى الازار وخايف الازاز يتكسر

**أحمد جودة** · 23-06-2013 01:06 PM

المشاركة الأصلية كتبت بواسطة aymanshebl

حكاية انه ملحوم غلط ديه صعبة الا لو حد كان فكه و ركبه تانى و بعدين المشكلة ظهرت و هما بيبقو تلات سلوك واحد ارضى والتانى كهربا للحساس و التالت بيدى الاشارة من الحساس لجهاز الانذار علشان يشتغل و ده بيبقى غالبا موجب و كمان فى البوردة بتاعت الحساس بيبقى فيه رمز موجب و سالب عند طرفى التوصيل يوضح انهو طرف سالب و موجب

شكرا على اهتمامك

هوة بالفعل كان مفكوك واتلحم تاني يعني كان السلك مقطوع من العلبة بتاعت الحساس
وانا بشكل موقت ومكنتش اعرف ان فى نهاية السلك موجود سوكيت قطعت السلك ولحمتة واشتغل عادي بس لما لقيت فى نهاية السلك ناحية جهاز الانذار سوكيت قولت افكة والحم السلك علطول منغير لحامات فى النصف
فشكيت يكون اتلحم غلط

عموما انا هراجع عليه اليوم وعلى ما اتذكر كان 3 اسلاك واحدة حمرا وسودا وزرقاء

شكر على مشاركتك وهراجع على كل حاجة انهاردة

**mo7a_mo7a** · 23-06-2013 10:23 PM

شكرا علي نقل الخبرة

**أحمد جودة** · 24-06-2013 11:22 AM

امبارح روحت لواحد بتاع الكترونيات طلع الكابل تقريبا فيه مشكلة ومش واصل فقررت اعمل كابل تاني بنفسي

جبت سوكيت جديد بتاع مروحة كمبيوتر وسلك تليفون بطول 1 متر وجبت فردة تانية ففاصبح مجموع السلوك 3

المهم محتاج مساعدة دلوقتي علشان اركب الاطراف صح

يعني عاوز احدد الطرف الموجب والسالب والطرف اللى بيوصل للانذار أو ترتيب الاطراف

وهل لو جربت ولحمت الكابل غلط ممكن يحصل قافلة ولا لاء

ارجو الافاد علشان قررت اركب الكابل اليوم ولو فشلت هلغي موضوع الحساس مع اني بحتاجة بجد

الموضوع: مشكلة فى حساس الانذار

LinkBack

أدوات الموضوع

عرض

مشكلة فى حساس الانذار - انشر الموضوع فى :

-

-

-

-

-

المواضيع المتشابهه

حساس جهاز الانذار

حساس الانذار

مكان حساس الانذار

مشكلة فى الانذار !!!

انا عندى مشكلة مع حساس الهواء و حساس الكرنك

الكلمات الدلالية لهذا الموضوع

المفضلات

المفضلات

ضوابط المشاركة