الموضوع: تغيير الترس الخلفى بمقاس أصغر

جزاك الله خيرا يا باشمهندس بيدو .... والخلاصة التغير الحذر الذى يحافظ على الموتور مش هيفرق كتير وما فيش فائدة كبيرة منة .

وجزاك الله خيرا

المشاركة الأصلية كتبت بواسطة bido600

اولا مبورك علينا القسم الجديد و يارب يتملي مواضيع مفيدة
معاليك جيت علي الجرح والموضوع دا كان لازم يتفتح من زمان
اولا يا فندم احنا عشان نقدر نغير اي حاجة في الترس سواء الخلفي او الامامي لازم نعمل معادلة بسيطة عشان نقدر نشوف هنستفاد من التعديل دا ولا لا
لازم نعرف الاولfinal drive ratio
ودي نقدر نجيبها من
عدد سنون الترس الخلفي مقسومة علي عدد سنون الترس الامامي
(قبل اي تعديل )
الرقم دا ببساطة رقم كام لفة الترس الامامي هيلفها عشان يلف الترس الخلفي لفة واحدة
العدد الكبير في ال final ratio هيدينا لفات اكتر في التري الخلفي وهيدينا سرعة اقل بس هيدينا عزم اكبر عند الترس الخلفي
بالتالي في تعديل الstunt بيكبرو الترس الخلفي ويصغرو الامامي بس بنسب معقولة فيها توازن بين الاتنين (الترس الخلفي والامامي) يقوم واخد اكبر عزم وقدرة عند الترس الخلفي وتسارع اكبر بس في نقس الوقت بياثر علي السرعة بالنقص
ودي ظاهرة بتسمي lower gearing
الظاهرة دي بتخلي الموتور يشتغل بحرية اكتر من غير اي ضغط عليه وفي نفس الوقت ردة فعل الموتور بتبقي اسرع more responsive

وعلي النقيض تغير الترس الخلفي باصغر والترس الامامي باكبر هيدي سرعة اكبر بس في نفس الوقت التسارع هيقل و العزم هيقل
ودي ظاهرة اسمها taller gearing
والحمل علي الموتور هيبقي اكتر شويتين لية ؟
الموتور بينتج قوة اقل في التحميل عليه ( زي الار بي ام العالي والكلام دا كله ) فبالتالي محتاج ترس خلفي كبير يقدر يحول الحكاية دي كلها في مصلحتة فلو صغرنا الترس زيادة عن اللزوم هناثر علي الموتور في المدي البعيد

( مش لازم نغير الترسين مع بعض في اي حالة سواء تكبير الترس او تصغيره )
طيب احنا نقدر نعمل حاجة عشان نستفيد بس مش استفادة جامدة وتكاد لا تذكر
اننا نحسب حسابتنا في التروس الستوك

ونعمل حسابتنا سواء بتصغير الترس او تكبيرة ونحاول نخلي المعادلتين قريبين من بعض في الحالة دي مش هنخسر جامد سواء في التسارع او السرعة او العزم وفي نفس الوقت مش هنستفاد استفادة جامدة

ده كلام مضبوط

و مش بس كده

كل لما تنقص الترس الأمامي سنة واحدة تعادل كأنك زودت الترس الخلفي 7 سنات

يعني أبدأ الأول بالترس الخلفي تزود (لو عايز عزم أكتر) أو تنقص (لو عايز سرعة قصوي أكتر) و التغيير يبقي سنة واحدة كل مرة علشان الفرق ما يبقاش كبير مع ضغط يدك علي البنزين

و عموما كل موتوسيكل له ضبطة معينة مثالية لداخل المدينة و ضبطة أخري للسفر