اضطريت أحط بنزين 80 وكاره نفسى ومخنوق آخر حاجة

**salah_86** · 25-06-2013 06:07 AM

دلوقتى لمبة البنزين منورة بقالها يومين وكل ما اروح اقف فى بنزينة طوابير وحاجة اخر قرف ويا اما البنزين يخلص يا الكهربا تقطع فبزهق وامشى نزلت الصبح صليت الفجر وطلعت لقيت البنزينة اللى جنب الجامع رايقة رحت جبت العربية ووقفت فى الصف ربع ساعة واكتشفت لما وقفت ان البنزين اللى موجود 80 واصلا انا دايما اول ما اقف فى اى طابور بسئل ايه نوع البنزين اللى موجود بس انهاردة مسالتش لان كل اللى واقفين عربيات جديدة كارينز كرولا كيا ريو نيسان صنى اوبل استرا وجيتا
وقعدت اتناقش مع الراجل دقيقة بتاع الكارينز نزل وقالى مون لان مفيش بنزين وفول كمان انا نفسى هفول وكل الناس دى هتمون توكل على الله
ومونت اعمل ايييييييييييييييييييييييي يييييييييه مخنوق وتقريبا العربية بدأت تسقف

**fourseasons** · 25-06-2013 07:08 AM

يا باشا ماتقلقش ان شاء الله مفيش مشكلة المهم حضرتك متتكاش على العربية و تقرص عليها.يعنى متجمعاش مرة واحدة
حاول تديها واحدة واحدة وهى ان شاء الله مش حتسقف.وفيه حاجة اسمها اوكتين بوستر ممكن تحطه على التفويلة و تمشى تدى فرامل مرتين عشان يتقلب كويس

**mahmoud85** · 25-06-2013 07:38 AM

انا حطيت برضو مره 80 وعربيتي اوتو
اتعلمت اسوق براااااااااااااااااااحه
بس الحمدلله دلوقتي لا لاقي 80 ولا حتي 70
ركنت العربيه بعد ما فولتها 92 مره واحده

**amagroup** · 25-06-2013 09:59 AM

المشاركة الأصلية كتبت بواسطة fourseasons

يا باشا ماتقلقش ان شاء الله مفيش مشكلة المهم حضرتك متتكاش على العربية و تقرص عليها.يعنى متجمعاش مرة واحدة
حاول تديها واحدة واحدة وهى ان شاء الله مش حتسقف.وفيه حاجة اسمها اوكتين بوستر ممكن تحطه على التفويلة و تمشى تدى فرامل مرتين عشان يتقلب كويس

ياريت تعمل الموضع ده عشان تحافظ علي موتور عربيتك
البنزين 80 صعب يشتعل بكفاءه مع الinjection او نظام الحقن الالكتروني لانه مش مصمم انه يشتعل تحت انضغاط وعشان مده مش هيشتعل كامل

حط اوكتين ده عشان العربيه تضبط معاك وتحافظ علي الماكينه (اهم حاجه الماكينه)

الحمد لله الناس كلها بقت ماشيه في الشارع كده

من قله البنزين والوقفه في الحر في البنزينات

**4fun14** · 25-06-2013 10:32 AM

شعب متبطر على النعمه
محصلش حاجه لما كام اسبوع كده يبقوا حر والكهربا مقطوعه والمياه مقطوعه ومفيش بنزين والشوارع واقفه
خليكوا كووول امال

**kokowasfy** · 25-06-2013 10:44 AM

المشاركة الأصلية كتبت بواسطة 4fun14

شعب متبطر على النعمه
محصلش حاجه لما كام اسبوع كده يبقوا حر والكهربا مقطوعه والمياه مقطوعه ومفيش بنزين والشوارع واقفه
خليكوا كووول امال

انتا مستفز اوى على فكرة

هو البنزين والكهرباء و المياة دا مش حقق بتدفع ضرايب ولا مبتدفعش دية مش حقوق ليك ولا اية يا جماعة لو فكرين دا اوبشن من الحكومة ولا حاجة لا دا حاجة اساسية
ليت النهضة لم تاتى يوم وحشنى اوى ايام الفساد

**akmm** · 25-06-2013 10:53 AM

حلوه اوى ..... وحشتنى ايام الفساد ............... على العموم حط اوكتين بوستر .

**Fo1Fo** · 25-06-2013 11:29 AM

لو فى مره أتزنقت وحطيت بنزين 80 الحل بسيط جدا نصف علبه أوكتان بوستر او منظف الكرباتير او الأنجكشن لأن المنظفات دى ماهيه الا لأوكتان وبيضحكو بيه على الناس وانت بتحس ان العربيه فاقت تفتكر ان المنظف عمل نتيجه والسبب هو الأوكتان العالى اما المنظف الأسبراى اللى بيترش داخل الكبراتير فده يعمل نتيجه نسبيا