بداية شغل العفشة

**YHYAKOTB** · 25-06-2013 05:08 PM

انا كنت روحت من كام شهر لواحد بتاع ظبط زوايا وقالى العربية محتاجة جلب مقصات وجوز مساعدين وحشو اسكاترا

جبت المساعدين ورجعتهم عشان مكانوش مظبوطين وكويس انى رجعتهم لانى روحت للعفشجى وقولت مش هغير المساعدين هغير جلب المقصات وحشو الاسكاترا عشان المساعدين مكملوش 10000 كيلو

روحت للعفشجى وقولتلة فك وغيرلى جلب المقصات وحشو اسكاترا

المهم بعد مفك قالى الاسكاترا مش هتقبل حشو وعاوزة تتغير وبعد مفك المقصات قام قالى بردو غيرهم

انا مكنتش عامل حسابى على السواد دة انا لو جمعت كلام العفشجى مع كلام بتاع ظبط الزوايا يبقة العربية خربانة المهم قولتلو ظبطلى بحيت امشى بيها مؤقت عملى جلب البلح بس وركبهالى وقفل على كدة

حتى مركبش كاوتشة الاسكاترا الى فوق شفتها بعد مرجعت والعجلة اليمين لسة قالبة لبرة كل الى حسيتة ان العربية نشفت شوية ومبقتش تحدف يمين

هل لو غيرت المقصات هيكون احسن والاسكاترا كمان

**sakr_skoda** · 25-06-2013 10:22 PM

سيبك من اشتغالات الصنيعية وكويس اوى انك قلت مشيهالى على متفرج لأن الصنايعية الخايبانين مبيعرفوش يصلحو حاجة هما بيعرفو بس فك وتركيب وانتا اللى حتدفع دم قلبك حاول تركب جلدة الاسكترا علشان الرمل ميدخلش على شحم الاسكترا ويبوظها....

المساعدين انتا ممكن تختبرهم بنفسك انك تضغط على السيارة من المقدمة لو المساعد بشخر يبقى تمام لو مبيتلعلوش صوات يبقى خلاص انا لله وانا اليه راجعون مات....

معرفش ايه غيتهم فى تغيير المقصات هى زرة ولا زرة احنا لازم نعرف وظيفة المقصات ولو خل وظيفة منها يبقى انشوف هل الجلد ولا حاجة تانية والمقصات بتطلب التغيير لو اكلت مطب جامد واتنت غير كدا مبتتغيرش حاجة غريبة جدا العالم اللى بتفتى من غير فهم وواخدين الصنعة بالدراع والفهلوة....*

**sakr_skoda** · 26-06-2013 07:46 AM

المشاركة الأصلية كتبت بواسطة yhyakotb

عندك حق والله كلامك مظبوط المقصين طالعين سلام مفيهومش حاجة غير ان الجلد بتاعتهم متهالكة حتى مرضاش يغيرلى الجلد الطرف الكبيرة وقالى لحد اما تجيب مقصين وبالنسبة للاسكاترا سمعت ان فى واحد بيصلحها هبقى اوديهالو وربنا يسهل انا مش عاوز افتح فى شغل العفشة عشان العربية فيها حاجات فى الميكانيكا مش عاجبانى عاوز اعملها الاول
تخيل بتسحب 20 لتر بنزين كل 100 كيلو يعنى خراب بيوت

ياخبر 20 لتر فى ال100 كيلو طيب ما تراجع على دورة البنزين على فكرة كثيرا بيكون الفلتر اللى تحت العمة مشروخ وهو السبب فى استهلاك البنزين الكثير راجع عليه انا اشتريت واحد جديد لقيته بيخر بنزين ورجعته وراجع على الخراطيم وحرق على اللواكير اللى ماسكة الخراطيم وبص كدا على رداخ البنزين ربط علية شويه....*

على فكرة انا باقول كل دا ليه لن ببساطة الفليشيا لو زاد ضخ البنزين داخل غرف الاحتراق العربية بتشرق وبتموت فى السحب فاعتقد ان البنزين بيروح منك فى الرض مش بتاكله فلوشتك المتهمة زورا....*

**sakr_skoda** · 26-06-2013 08:43 PM

المشاركة الأصلية كتبت بواسطة YHYAKOTB

هههههه ممكن اكون بتهمها بس هى فعلا بتسحب بنزين ومبتسحبش فى الطريق لازم تساعدنى فى الموضوع دة خصوصا مع ازمة البنزين الى احنا عايشينها
لو فى تسريب بنزين من المنقى او الخراطيم مش هيبقى بالطريقة دى كمان اكيد هشم ريحة بنزين ولا اية رايك ؟؟
\
هى الصبح مبتدورش غير لما اكبس دواسة البنزين قبل مدور وبعدين ادور وادوس بنزين شوية

اه بطه ماشية على الأسفلت واستهلاك بنزين بشراهة يبقى لازم تعمل سرفو للكاربرتير شوف الدرس بتاعى وصلح كاربرتيرك بنفسك....*

http://www.nilemotors.net/Nile/328852-a.html