موتور 132

**m_hapashy206** · 27-06-2013 02:49 AM

السلام عليكم ... استفسار بسيط من اهل الخبره .. عربيتي 132 1600 ..الموتور رزع ومش عايز اعمل عمره عاوز اعرف سعر الموتور الاستيراد 1600 كام ؟؟؟. ولو عايز اسقط موتور ليها بتاع ال 131 ... ياريت اعرف سعره استيراد بيعمل كام النهارده + ايه المواتير التانيه الي ممكن تتناسب مع عربيتي .. لأني واحد قالي هات موتور مرسيدس بس انا طبعا ماصدقتوش وقولتله انت بتهزي ....

**Thebutcherr** · 27-06-2013 11:24 AM

هو صديقك ده فعلا بيهزى
الموتور بالفتيس هيكون بحوالة 2000-2200 عليك و على عزبة شلبى بعد المطرية .... عالم من المواتير

**m_hapashy206** · 27-06-2013 01:09 PM

المشاركة الأصلية كتبت بواسطة thebutcherr

هو صديقك ده فعلا بيهزى
الموتور بالفتيس هيكون بحوالة 2000-2200 عليك و على عزبة شلبى بعد المطرية .... عالم من المواتير

شكرا لردك يا اخي .. بس انت متاكد ان السعر الي حضرتك بتقول عليه 2000 او 2200 ؟؟؟ اصل الي خلاني اسال ان سمعت ان الموتور سعره معدي ال 5000 !!! فعلشان كده قولت اتأكد من اهل الخبره

**sammee** · 30-06-2013 03:57 AM

المشاركة الأصلية كتبت بواسطة Thebutcherr

هو صديقك ده فعلا بيهزى
الموتور بالفتيس هيكون بحوالة 2000-2200 عليك و على عزبة شلبى بعد المطرية .... عالم من المواتير

يعني انتا مش عاجبك صاحبه الي عمال يهزي وانتا اصلا شغال هزي من الصبح رجاء لو المعلومه الي عندك مش صح بلاش تقولها لوجه الله ليس اكثر ......المكنه الي عندك ديه 1600 او 1800 او 2000سي سي اصبحت النهارده نادرة شويه في السوق عشان انتا عارف العربيات ديه من السبعينات وفي منها كتير وقطع غيارها مستهلكة وبتتسحب اول باول ومفيش استراد فالي عندو حاجة منها بيطلع بيها في السما انا سائل قريب عن المواتير بتاعت العربيات ديه 1600 في وكالة البلح ملقتش غير متور واحد وصاحب المحل حطو على طربيزة اودام المحل وحاطط رجل على رجل وبيقول 6000 الاف جنيه من غير وحدات التغزيه بتاعته (شورت بلوك) ومفيش فصال وبيقول دور ومش هتلاقي الاعندي وبس ده بالنسبة للوكاله اما عزبت شلبي كل الي فيها ميكملش 5 - 6 سعر ال1600 من 5000 ل6000 وهتشغلها شويه وهتقوم عملها طقم شنبر عشان الركنه وكدا اما ال2000 سي سي بيعمل 8000 -7000 الاف جنيه اما سعر مكنة 131 في حاجة اسمها ls عاملة 12 الف جنيه يعني يا معلم سعر المكنة تقريبا نصف سعر العربية وتكلفة العمرة تقريبا في حدود 4000 جنيه او اكتر شويه وللاسف انتا مطر انك تشتري لان مفيش بديل اسف لو طولت عليك بس والله انا عانيت نفس المعاناة بتاعتك ديه فحبيت اعرفك عشان متغرقش والله اكتر الصناعية في عزبت شلبي كانو بيقلولي بيع العربية اوفر ليك حاول شوف الميكانيكي الي عندك يتصرفلك في مكنة من اي حد يعرفو هما بيعرفو يسقطوهم بسعر حلو او شوف حاجة على النت تكون مستعملة بس اكشف عليها كويس صدقني هتكون اوفرلك كتير ........اسف طولت عليك تقبل مروري