فوانيس النوبيرا العدسات سعرهم !!

**elkadry** · 27-06-2013 03:21 AM

[OVERLINE]

بسم الله الرحمن الرحيم

فوانيس النوبيرا العدسات
انا بفكر اغير للفوانيس العدسات شكلهم شيك جدا و العدسة بصراحة عجبنى قوي شكلها
و لو رواها زينون ابن ناس كدا اعتقد مش هشغل العالى خالص

المهم
انا من البحيرة عندي هنا لقيت منهم استيراد بس و سعرهم غالى اوى الاتنين عاملين من 500 ل 600 حسب الحالة بتاعتهم

عند بتوع الاستيراد
و بصراحة الى موجود ممكن يكون متخربش و ساعات الخام بتعهم كدا تحس انة مش الاصلي بردوا الى يندفع فية الفلوس دي

المهم نيجي بقا لصلب الموضوع
في بعض الناس الى بهرتني بسعرهم في التوفيقية في ناس لقيتها بتقولى دول هتلاقيهم في التوفيقية ب 270 و في ناس قالت 300 و في ناس قال 330 و ارقام غريبة كدا الكلام دا بجد لو كدا يبقي فرق 200 جنية ولا الكلام دا على فانوس واحد و انا الى مش واخد بالى ولا اية

فياريت يا جماعة الى عندة معلومات عن اسعارهم او اماكن تواجدهم يبقي عمل الصح و يسلام لو يجيب ليا محل في اسكندرية يبقي روحي روحي روحي يعنى الصراحة و عمل فوق فوق فوق الصح

و لكم جزيل الشكر يا رجالة

[/OVERLINE]

**FAR!D** · 27-06-2013 03:51 PM

انزل صلاح الدين في اسكندريه انا سألت هناك عندي الرشيدي او القرش قالوا 500 الجوز من بوقهم وطبعا فيه فصال

**elkadry** · 01-07-2013 04:28 PM

طيب يا جماعة انا لقينهم انهاردة استيراد على 400 الفانوسين
اية الكلام حد شاف حاجة في التوفيقية جديدة و يا ترا الجديد هيبقي انضف اكيد من الاستعمالبالنسبة للباغة الخارجيةو العدسة و كدا علشان الشيل و النقل بالنسبة للخرابيش و انا اصلا بخيهم علشان الى عندي اتخربشوا و اتصنفروا و طالع عينهم

ارجو ان الى يعرف سعرهم يقول يا جماعة و الى يعرف الافضل يتكلم بردوا

**Ahmed Nasser** · 03-07-2013 03:37 PM

طالما عندك بـ400ج يبقى هاتهم من عندك افضل
لانك هتروح مشورا التوفيقية مخصوص عشان 100 ج اوفر مش حل ايجابى
الـ 100 ج هتفرها فى المشوار

**elkadry** · 04-07-2013 07:01 AM

المشاركة الأصلية كتبت بواسطة ahmed nasser

طالما عندك بـ400ج يبقى هاتهم من عندك افضل
لانك هتروح مشورا التوفيقية مخصوص عشان 100 ج اوفر مش حل ايجابى
الـ 100 ج هتفرها فى المشوار

الاستيراد بقا ولا الجديد بالنسبة للخرابيش و كدا و ها العدسة الجديدة بتاعت الجديد هتبقي افضل ولا لاء
غير كدا الواحد لو راح التوفيقية مش هيرجع بفانوسين هيجيب السوق كلة تقريبا الحاجات هناك تشد

**Ahmed Nasser** · 14-07-2013 02:59 AM

المشاركة الأصلية كتبت بواسطة elkadry

الاستيراد بقا ولا الجديد بالنسبة للخرابيش و كدا و ها العدسة الجديدة بتاعت الجديد هتبقي افضل ولا لاء
غير كدا الواحد لو راح التوفيقية مش هيرجع بفانوسين هيجيب السوق كلة تقريبا الحاجات هناك تشد

بالنسبة للجديد نوعهم اية ؟؟؟ اكيد مش زى الفبريكة دور على استيراد حالة نضيفة
لو هتروح التوفيقية وعايز حجات كتير اعمل حسابك على 2000ج وانزل واشترى اللى يعجبك
وهيبقى مشوار يستاهل

**m.farouk** · 25-07-2013 01:07 PM

الجداد صينى وبيعملوا فى حدود 300 الى 350 انا جبتهم قعدوا معى 3 سنوات وبداء الجسم الداخلى للفنوس الى هو بيبقى داخل الموتور بدا يتكسر انا شايف انها مده مش وحشة وجبت بعدهم اتنين استيراد ب600 بصراحة حستهم انضف كتير كنت جيبهم من الحرفين والى حلتهم متوسطة كانوا عملين 500