عاوز اخد رأئيكم

**amro0000** · 27-06-2013 05:29 AM

السلام عليكم اولا ياجماعة عندي استفسار انا حطيت زيت ليكو مولي لعربيتي ودلوقتي فاضله الفين كيلو ويخلص والزيت مبقاش متوفر ومبقاش موجود خالص فأنا دلوقتي مش عارف احط زيت اية لان بصراحة ليكو مولي زيت ممتاز جدااااااااا ومش عاوز احط حاجة تانيه حد يعرف مكان بيتباع فية غير شارع دمشق؟؟؟لاني كنت فية امبارح ومش لاقيت وياريت لو حد يعرف زيت بنفس كفائته يقولنا وعندي استفسار انا الاكصدام العربية فبريكة وسألت علي التيواني لاقيته رخيص اية رأيكم اشيل الاصلي الفبريكة الخلفي لانه معرض للحكات في الركنات واحط مكانه الجديد التيواني دا ولا رأيكم اية لاني بصراحة ملاحظ اي حد يجي يركن ويلمسة بيتخربش وانا خايف علية لانه فبريكة فأية رأيكم ؟ وياريت تقولولي صيانه ال 100الف بتشمل اية لاني خلاص قربت منها جداااااااا وشكرا ليكم اوي يا احلي منتدي واحلي ناس

**Ahmed Amin** · 27-06-2013 08:10 AM

ياراجل يعني عايز تشيل أكصدام الفبريكة اللي بيتحمل الخبطات والحكات بواحد مع أقل نقرة هيتشرخ ويتكسر,,!!

أكصدام الفبريكة لما بيتخبط خبطة خفيفة بيرد تاني لبرة وبيرجع لمكانه,,
ولو تقيلة بيمتصها وبيطبق وبيحمي الأجزاء اللي ورا الاكصدام, سواء كورسلية العربية والشنطة لو الخبطة من ورا, أو الرادياتير ووش العربية لو الخبطة من قدام.

حضرتك لو أسترخصت بقي وركبت التيواني دا مع أقل خبطة هيتكسر ويشرخ, لأنه ورق ولو خبطة جامدة شوية هتعدي منه هتوصل للي بعد الأكصدام سواء الشنطة أو الرادياتير, لأنه منظر وحتت ورقة ومش أكصدام,,

تاني حاجة بالنسبة للزيت عشان متعدش تغير من نوع زيت لنوع تاني كل شوية,, وعشان متعدش تلف وتدور علي نوع الزيت اللي بتحطة وتجيبة.
شوف المتوفر قريب من محل سكنك أو أقامتك وأشتغل عليه,
زيت شل كويس جداً, وفالفولين كويس,