المشاركة الأصلية كتبت بواسطة leitosr
البيجو ال 408 ظهرت أول مرة في معرض أوتوماك سنة 2011 شهر سبتمبر,
وكان العدد اللي متاح قليل جداً, لدرجة أن كل اللي كان بشوفها ويسأل عليها في المعرض عشان يحجز كانو بيقولو له أن كل الدفعة خلاص أتحجزت, !!
طب بتعرضوها في المعرض ليه ؟؟
طبعاً كان عشان التسويق ليها, للباتش اللي بعد اللي أتحجز, المهم بدأت تتنشر في السوق خلال سنة 2012.
وعشان تتأكد من موضوع الفتيس,
في مواقع كتيرة ممكن تتكلم في technical details الدقيقة دي, لكن هتتعب علي ما تلاقيها وتلاقي كله بيقول automatic gearbox بس.
دي عيتة من المواقع اللي بتقدم تفاصيل دقيقة,
بس أضمن طريقة تعرف بيها من السيرفس بوكس بتاع بيجو و سيتروين نفسهم,
لو تلاحظ الأتنين نفس موديل الموتور, ونفس الهورس باور, ونفس الفتيس at8,
فا البيجو 301 والسيتروين أخوات زي كانت ال 307 وال c4 أخوات.
الفرق ما بينهم بس في شكل العربية والتصميم الخارجي, والصالون..
معظم القطع اللي جوا العربية في الموتور والعفشة والفتيس واحد,,
لما تيجي إن شاء الله تعمل صيانة لعربيتك وتغير مثلا فلتر زيت, فلتر هواء, فلتر بنزين, بوجيهات, حتي سير الكاتينة وقطع مهمة زي اللي كانت بتركب في الفتيس القديم,
شوف علبة القطع الأصلية اللي هتركب لك وأطلب أنك تاخدها معاك هتلاقي عليها علامة بيجو و سيتروين, زي دي
لأنهم الأتنين واحد وبياخدو نفس البارت نمبر وبيتعملو في مصنع واحد خاص ببيجو وسيتروين psa.
المفضلات