ماروتى زيرو 2013 وتعبانى جدااا

**محفوظ** · 29-06-2013 12:05 AM

السلام عليكمم

انا شارى ماروتى بقالى 6 شهور عملها دلوقتى 5 الف كيلو

العربيه كل اسبوع وكل فتره بحال شكل

المشكله بتبدا من اول صيانه للتوكيل صيانه الف

داخل زى الفل وخرجت العربيه بتطلع مطلع على الدبرياج من غير مالمس بنزين رجرجه غريبه
ودبرياج مش مظبوط

راحتلهم تانى ظبطهوا بس مش قوى

بعد كده المشكله اللى بعدها اول مابروح مشوار طويل 30 كيلو فى الزحمه
على اخر المشوار العربيه بتبقى تقيله جدااا "وكانى هنزل اذقها مثلا"
تحس انها مخنوقه ومش عايزه تجرى وصوت الموتور عالى ومفيش سحب وبتفضل كده يومين بعدها

يوم ولا اتنين فى الركنه القيها رجعت تانى زى الفل
فضلت كده فتره لحد مامره مرتضش ترجع تانى خالص والسحب فى الضياع فى كل الغيارات
رحت صيانه ال 5 الف اتظبطت على الاول لحد اخر التانى
التالت يشد معاك والعربيه قويه وعافيه لحد 60 بعد كده تسمع صوت الموتور والتسارع بطى جداااا

والتانى برده السحب حلو لحد ماتوصل 40 مهما تحرق العداد مش هيعدى 40

انا اتخنقت من التوكيل
رحت لميكانكى قالى الموتور بيشحر والعربيه مش مظبوطه الكهرباء
رحت لواحد تانى قالى الاسطوانه معيبوبه وعايزه تتغير

جربت الاختبار بتاع الاسطوانه طلعت على التالت او الرابع بالدبرياج بس واحده واحده
العربيه بترج جامد اوى بس فى الاخر بتتحرك واحيانا بتتطفى "بس ممكن الشارع مايل سنه علشان كده بتتحرك"

بس اساسا انا لو على التانى ومعايا تقل"ناس ركبه معايا" وعملت الحركه ديه هتطفى

انا مش مقتنع بموضوع الاسطوانه ده لان السحب جامد طول مانت اقل من السرعه المحدده 40 على التانى و 60 على التالت

كمان الفتيس بقى تقيل اوى فى الفتره الاخيره

وانبرح وانا بسخن العربيه بعد مافصلت الشفاط اسمع صوت "بالاب بالاب بالاب " من الموتور قدام غريب جدا "والعربيه ماشيه عادى بعد شويه اختفى"

ده غير الرجرجه وانا بطفى العربيه انا بحس احيانا انها هتتطربق فوق داماغى "مش فى كل الاوقات "

ياريت حد يساعدنى ديه اول عربيه ليا وانا ماعنديش ثقه فى الميكانيكى اللى عندى ولا خبره فى الموضوع

انا شاكر ليكم جدااا

انا اسف للاطاله

**elpasha1** · 29-06-2013 12:13 AM

راجع طرمبة البنزين

**lidosasa** · 29-06-2013 01:06 AM

هو بالنسبة لموضوع الرجة الجامدة اللى فى العربية واللى بتحصل أحياناً لما تبطل العربية فسببها إنك بتطفى العربية والموتور سخن والمروحة شغالة خلى ودنك مع مروحة الموتور ومتطفيش العربية غير لما المروحة تطفى وبعدها أطفى وممكن وقتها بردوا تسمع رجة خفيفة بس دا شىء طبيعى لإجهاد الموتور .
ومش حقدر أفيدك فى الباقى بس لازم تشوف حل للموضوع لآنك كده بتضغط وتحمل على الموتور وممكن يتضرر منك .