الموضوع: مراحل فحص و تجديد في مرور فيصل ( بدون رشاوي )

الحمد لله انهاردة أستلمت رخصة السيارة مجددة 3 سنين
شيفروليه افيو 2008

1- شهادة المخالفات :-

بتشتري ورقة بـ جنيه من أي كشك بتاعة المخالفات بتملى بيانتها و لو العربية موديل قبل سنة 2010 بتكتب الرقم القديم بتاعها
و بتختمها من رئيس الوحدة و تدخل على النيابة بالبطاقة و الرخصة و لو في توكيلات للسيارة
بتسلمهم الرخصة و تنتظر لحد ما يندهو اسمك و بتدفع خمسة جنيه رسوم تنمية و لو في مخالفات بتسددها في الخزينة
و بعدين بتدخل المرور نفسه عند كشك اسمه وارد ملفات و تستنى يندهو اسمك و تستلم الشهادة

2- التأمين الإجباري :-
السنة الواحدة بـ 108 و الثلاث سنوات بـ 310

3- ملف الفحص و التجديد 3 سنوات :-
سعره 57 جنيه و بيبقى فيه عدد 6 ورقات
منهم 3 ورقات لتجديد كل سنة بيتم ملئ البيانات الي في خلف كل ورقة بمعرفتك و هي رقم البطاقة و الاسم و المهنة و العنوان و رقم الشاسية و الموتور و السيارة و هكذا

4- الفحص :-
يستحسن تنزل من البيت بدري انا نزلت الساعة 6.30 الصبح و كان قدامي حوالي 7 عربيات و هما بيبتدو شغل الساعة 8
هتحش و تفتح الكبوت و ياخد البصمة بس كدة الفحص خلص !!!!!!!!! و لا بقى فحص عادم و لا اي حاجة
و بعد كدة تروح تختم أستمارة الطفاية و لو منتهية الصلاحية هتشتري واحدة جديدة و في واحد بياخد 50 جنيه علشان يختملك الوصل بدل ما تشتري واحدة تانية بس انا ما رضيتش و اشتريت واحدة جديدة بـ 138.70
و بيختملك عليها رقم الشاسيه
و بتجيب المثلث و العاكس و بيكتب عليهم بردو رقم الشاسية و بعدين بتقدم الورق كله للظابط الي في مكان الفحص بيختمه
و خلاص كدة الفحص خلص

5- تقدير الرسوم 3 سنين
بتدخل جوة هتلاقي طابور ماشاء الله مش بيتحرك هتقف فيه و لو عايز تخلص بتدفع من 150 إلى 200 للسماسرة الي برة الي هما اصلاً تبع موظف المرور و ده السبب الي بيخلي الموظف ما يشتغلش بيحاول يعطلك علشان تلجأ للسماسرة يخلصوك ( انا من يوم 24/6/2013 حتى انهاردة 29/6/2013 ) برخص
المهم الرسوم 3 سنين 690 لأافيو 2008 1500 سي سي و غرامة حوالي 40.5 علشان رخصتي منتهية من 11/2012
يبقى المجموع كله 730.5
دفعتهم و انتظرت حوالي ساعة لحد ما ندهو على اسمي و خدت الرخصة الحمد لله

بدون اي رشوة لاي موظف و لا حتى جنيه واحد .

اه ما هو ده الفحص الجديد
انا كنت فاكر الموضوع اكمبر من كدة