الموضوع: بفكر أشتري ألتو

الالتو هتكون مناسبة ليك و هتجيبها في حدود 35-38 الف ع حسب الحالة
التكييف كويس
بالنسبة قطع الغيار تقدر تدخل الموضوع المثبت في القسم فيه اسعار اغلب قطع الغيار الدورية

و اذا جبتها ان شاء الله متنسناش بتقرير عنها في موضوع و هنقولك الصيانات اللي تعملها بعد ما تشتريها للمحافظة ع العربية و ايه للي يتغير و ايه اللي يتكشف عليه و هكذا و هنتابع معاك الصيانات الدورية ان شاء الله و اي استفسار عنها

المشاركة الأصلية كتبت بواسطة walaaeldeen

السلام عليكم
لو هتشتري التو 800 سي سي اشتري ماروتي افضل في توفر قطع الغيار وارخص في السعر وافضل في اعادة البيع
والله المستعان

ده حقيقي لكن في المقابل
الماروتي كربراتير - فتيس 4 غيار غير المارشدير - طبعا هيتقرف كل شوية ابلاتين و كوندينسر و لو قرص شوية ع العربية في الحر الموبينة هتسخن و تفصل لحد ما تبرد - العداد 150 و السرعة القصوي لا تتعدي 140 و هي زيرو ممكن لو قرص يوصل 150 بس بعد فترة انسي ده غير الثبات - مفيهاش تكييف - اصغر شوية - التابلوه موديله قديم شوية - جنط 12 و ده بيعمل للناس مشاكل في المقاس او ضبط زوايا - التانك 28 لتر

الالتو موتور 12 صمام - انجيكشن - فتيس 5 غيار غير المارشدير - مفيهاش كل شوية وجع دماغ تغيير ابلاتين و كوندينسر و الموبينة الكتروني - العداد 180 و السرعة القصوي 160 - ثبات أفضل - تكييف - اكبر شوية من الماروتي - شكل داخلي و خارجي حديث - جنط 13 - تانك 35 لتر


هو كده يعتبر شاف مقارنة سريعة بين الاتنين و بخصوص اسعار قطع الغيار

http://www.nilemotors.net/Nile/264735-15-3-2013-a.html


و هو اللي يحدد اللي يناسبه :)

المشاركة الأصلية كتبت بواسطة martin5555

شكراً يا جماعة على سرعة الرد وتعاونكم معاياه ، معلش استحملوني شوية
هيه الالتو أكبر في الجلوس بداخلها من السوزوكي بشكل واضح ، ولا الاتنين ضيقين ؟
بالنسبة resale هل الالتو اتقل شويه في بيعها ، لإن بصراحه ان بفكر اجيبها علشان اتعلم السواقة على عربية مش غالية وقطع غيارها تكون متوفرة ورخصية وكمان بدور على موديل حديث بعد 2008 ، علشان انا مبعرفش اسوق وهتعلم عليها واحدة واحدة ، وفي المستقبل هبعها ومش عايز اخسر كتير واقعد جنبها محتار واقول يا ريت !!!

الالتو موديل من موديلات سوزوكي اعتقد انك تقصد الماروتي هي طبعا اوسع من الماروتي في القاعدة و لازم تقعد في الاتنين و تشوف بنفسك
اعادة البيع حاليا جيدة جداااا لدرجة اني بكره اليوم اللي بعدي فيه من سوق السيارات
بس لو عايز عربية تخبط بيها و هتبيعها خليك في الماروتي و ممكن تجيبها في العشرينات بس طبعا انسي التكييف و كل الكلام اللي فوق ده لكن ممكن تركب تكييف بس طبعا مش هيكون زي الستوك و تكلفته دلوقتي حوالي 4000 ج

2008-2009 و ديه ع حسب الحالة السعر هيتحدد
ممكن تبقي 2009 و مرشوشة برة و حالتها حالة مش هتساوي 35 الف حتي و ممكن 2008 فبريكة و حالتها ممتازة تلاقيها 38-40 الف و لاحظ ان سعر العربية جديد دخل في 60 الف يعني لو لقيت بالسعر ده يبقي مصلحة لأن بناءا ع السعر الجديد الناس هترفع فوق الـ40