الاوكتافيا فانتازيا 2012 .. شوية استفسارت بخصوص الصيانة

**kok200** · 29-06-2013 05:47 PM

السلام عليكم ورحمة الله وبركاتة

الموضوع ان معايا فانتازيا 2012 .. هيا بتاعت البيت انا والحاج .. هوا مبقاش يركبها زي الاؤل وحاليا تعتبر في عهدتي

المشكلة اني لما روحت التوكيل عشان اخد فكرة عن الصيانة سمعت ارقام خزعبلية .. وانا من النوع الي مبحبش اعمل صيانة في التوكيل انا كان معايا لانسر وكانت صيانتها كلها برة وكانت زي الفل ومفهاش اي مشاكل

نيجي للمهم العربية حاليا بقالها سنة و8 شهور وعاملة 30 الف كيلو

عملتلها صيانة ال 15 (اول صيانة ) غيرت زيت وفلتر + فلتر تاكيف

وبعدين علي 25 الف عملت تاني صيانة (غيرت زيت وفلتر ) بحط موبيل 10 الاف

لاحظت حاجتين وانا بغير زيت (انا بغير في مركز موبيل وان الي في مساكن شيراتون ) الصنايعية هناك محترمة والعربية بتتسجل وبتعمل قراية وبياخدو رقم الموبيل وبيتصلو بيا يقولولي تعالي اعمل صيانتك وناس محترمة
الناس كانت بتقولي ان الزيت كويس جدا ومكنش يحتاج يتغير بس انا مش ممكن امشي بزيت ال 10 الاف اكتر من 9 - 8
نيجي للمهم العربية دلوقتي عامل 31 الف بالظبط وغيرت زيت علي 25

والتيل الحمد الله مفهوش اي صوت او اي حاجة وكشفت علية قالولي لسة فية حبة حلوين

دلوقتي علي ال 40 (اية الي انا محتاج اغيرو ) .. والحاجة بتتجاب منين
واية المراكز الي ممكن اروحها !! ؟ تكون كويسة وسعرها محترم لأن انا الي بدفع من مرتبي بصراحة العربية محترمة وكل حاجة بس حاجتها غالية عليا حبتين وانا مش عايز استخسر انا عايز الحاجة المناسبة في ميعادها بالظبط :)

**zangry** · 29-06-2013 06:11 PM

صيانة الـ40 .. طبعا بتغير زيت الماتور وفلتر الزيت والهوا والتكيف (3 فلاتر) .. وتيل فرامل امامي وتغيير مياة دورة التبريد وتفحص العربية لو فيها حاجة عايزة تتغير

دى الحاجات اللى المفروض تتغير في صيانة الـ40 جبتها من جدول التوكيل

ملحوظة حضرتك لو هتغير التيل الخلفي وهتجيبه من بره اتأكد انه ايطالي لأن التيل الاصلي مبيكونش المانى .. التيل الامامى بيكون منه ايطالي اصلي والماني اصلي لكن الخلفي ايطالي فقط !