ياريت حد يفيدنى فى سؤالى هو انا ينفع اطلع شهادة المخالفات من أى مرور ولا لازم المرور اللى تبعه العربية؟
رقم العضوية : 50444
تاريخ التسجيل : 19Oct2009
المشاركات : 1,434
النوع : ذكر
الاقامة : مصر
السيارة: سابقا كيا سيفيا وكيا برايد
السيارة[2]: الفا روميو 156 والحمد لله
دراجة بخارية: لا
الحالة :
دلوقتى عربيتى تبع مرور اكتوبر روحت علشان اطلع شهادة بيانات وشهادة مخالفات لنقل الملكية للمرور اللى أنا تبعه
اكتشفت الاول ان للعربية ملف عندهم بالنمر الحالية وفيه ملف تانى قديم بنمر قديمة لسه فى مرور النزهة
شهادة البيانات الظابط وهو بيختمها قالى اعمل استعجال عشان الملف اللى فى النزهة يجى اكتوبر وكتبلى تستكمل البيانات بين قوسين الموديل والسى سى من مرور النزهة وطلعت الشهادة وهى مكتوب فيها تستكمل من النزهة ... روحت مرور النزهة قالى مالهاش لازمة مادام هو مش شاطب على الموديل ولا السى سى فى الشهادة ... بس انا متوقع لما اروح المرور اللى انا تبعه يطلعولى بحاجة جديدة
شهادة المخالفات طلع عليها مبلغ الراجل قالى تطلع على مرور مدينة نصر تدفعها هناك .... ازاى يا عم الحاج العربية تبع اكتوبر يبقى ادفع هنا ... يقولى لا المخالفة هناك ولازم تدفع هناك طيب يمكن قصدك مرور النزهة لان نمرها القديمة هناك يقولى برضو لا هو مرور مدينة نصر يا عم مرور مدينة نصر ده جنب رابعة والدنيا قلق برضو مفيش
اتصلت بمالك العربية قالى انا طول عمرى بدفع فى اكتوبر ... سالت راجل شغال مراجع فى المرور قالى اتاكد منه تانى قلتله هو انا كده بعد ما ادفع المخالفة فى مدينة نصر حارجع اعمل شهادة مخالفات فى اكتوبر تانى ... قالى فى الاول اه لما لقانى قربت اتحسبن عليهم قالى انت ممكن تطلعها من هناك هوا كمبيوتر واحد طيب ما كنتم تخلصوهالى من هنا احسن يا جدعان !!!
انا بقيت حاتجنن لا أنا عارف الاجراءات ولا حد بيساعد فى المرور رجعت للراجل بتاع المخالفات لقيت النيابة قفلت مش فاهم انا نيابة ايه اللى بتقفل من 10:30 الصبح ده يعنى اشتغلوا بتاع ساعتين ونص
ياريت يا جدعان حد يفهمنى اللى بيحصل اعمل ايه انا دلوقتى؟ وشهادة المخالفات دى ينفع تطلع من اى حتة ولا لازم من المرور اللى انا تبعه .... وبالنسبة لمرور مدينة نصر ده حد يعرف هو شغال اصلا اطلع عليه بكرة من بدرى ولا هما قافلين بسبب المظاهرات
رحلتى مع الالفا روميو156 : http://www.nilemotors.net/Nile/359168-156.html
رابطة ملاك الكيا برايد : http://www.nilemotors.net/Nile/211218-a.html
رقم العضوية : 50444
تاريخ التسجيل : 19Oct2009
المشاركات : 1,434
النوع : ذكر
الاقامة : مصر
السيارة: سابقا كيا سيفيا وكيا برايد
السيارة[2]: الفا روميو 156 والحمد لله
دراجة بخارية: لا
الحالة :
ياريت حد يفيدنى فى سؤالى هو انا ينفع اطلع شهادة المخالفات من أى مرور ولا لازم المرور اللى تبعه العربية؟
رحلتى مع الالفا روميو156 : http://www.nilemotors.net/Nile/359168-156.html
رابطة ملاك الكيا برايد : http://www.nilemotors.net/Nile/211218-a.html
رقم العضوية : 50444
تاريخ التسجيل : 19Oct2009
المشاركات : 1,434
النوع : ذكر
الاقامة : مصر
السيارة: سابقا كيا سيفيا وكيا برايد
السيارة[2]: الفا روميو 156 والحمد لله
دراجة بخارية: لا
الحالة :
الحمد لله الموضوع خلص وحاقولكم على اللى حصل للافادة
انا طلعت على مرور العتبة يمكن اعرف اطلع شهادة المخالفات من هناك ... روحت حكيتلهم القصة والناس مشكورين بصوا على الرقمين القديم والجديد وقالولى على فكرة انت مفيش عليك مخالفات فى الاتنين وورهالى بس للاسف مش حاينفع تدفع عندنا لازم ترجع لاكتوبر تانى ... عرفت ان الناس بتوع اكتوبر كانوا حايلبسونى 550 جنيه من الهوا
رجعت اكتوبر قدمت الورق للشباك وكان مكتوب عليها المخالفة القديمة بتاعة مدينة نصر الراجل قالى ادفع الاول هناك شرحتله قالى استنى رئيس النيابة هو اللى يفصلك فيها ... استنيته لما جه وشرحتله القصة الراجل بصراحة محترم قوى وسمعلى للاخر وقالى ان المكان الوحيد اللى تقدر تدفع منه هو الدراسة للقاهرة أو الجيزة وبعدين بص عنده لقى ان فعلا الرقمين مفيش عليهم مخالفات دخلهم للناس اللى بتطلع المخالفات عشان يعملولى الشهادة... واضح ان البهوات بتوع الكمبيوتر مبصوش على اى حاجة المهم رجع الورق تانى على الشباك والراجل بيقولى ادفع فى مدينة نصر يا عم ارحمنى ده انا لسه طالع من عند رئيس النيابة اضطريت اتنح معاه لغاية اما اخد ورقى ودخله تانى وبعد حوالى نص ساعة اخدت شهادة المخالفات وانا مفيش عليا أى حاجة
رحلتى مع الالفا روميو156 : http://www.nilemotors.net/Nile/359168-156.html
رابطة ملاك الكيا برايد : http://www.nilemotors.net/Nile/211218-a.html
رقم العضوية : 145420
تاريخ التسجيل : 18Jun2013
المشاركات : 23
النوع : ذكر
الاقامة : ٦اكتوبر
السيارة: فلوانس e3
السيارة[2]: ميجان٢
الحالة :
انا بعت سيارتى القديمه وكان من اهم الاسباب انها على مرور فيصل و غيرت العنوان لمرور اكتوبر حتى لا اعانى مره تانيه مع مرور فيصل
والمفاجاه انى وجدت مرور اكتوبر مايفرقش كتير خصوصا الخزنه تباطؤ وساديه وطابور واحد ترجعله تانى لشراء نموذج او دفع اى شئ و امناء الشرطه شغالين مع الساده الضباط فى طابور موازى سواء على الخزنه او فى مكاتب الظباط للمحاسيب او الله اعلم مين -لكن الموظفين على الشبابيك شغالين بصراحه رغم الزحمه
رقم العضوية : 50444
تاريخ التسجيل : 19Oct2009
المشاركات : 1,434
النوع : ذكر
الاقامة : مصر
السيارة: سابقا كيا سيفيا وكيا برايد
السيارة[2]: الفا روميو 156 والحمد لله
دراجة بخارية: لا
الحالة :
حضرتك انا بعد الموقف اللى حكيته بتاع المخالفات قضيت اسوأ اسبوعين فى حياتى عشان اعرف انقل الملكية بسبب مجموعة موظفين متكبرين وغير مسئولين وابسط حاجة عندهم انهم يبعتوك اخر الدنيا عشان حاجات تافهة ومش مستاهلة .... على سبيل المثال انا بعد ما خلصت تجديد شهادة البيانات ودفعت الضريبة فى اكتوبر الموظف قالى انت كده خلصت رحت المرور اللى انا تبعه طلع ناقص ختم النسر رجعت لاكتوبر قلتله انت نسيت تختملى ختم النسر قالى وانا مالى دى عند الظابط روحله ببساطة كده الغلطة بقت غلطتى.
ده غير الموظف بتاع البيانات اللى فى ايده كذا حاجة وكل مرة تروحله لازم تقف فى الطابور من الأول... فعلا المرور ده من اسخف ما رأيت فى حياتى
رحلتى مع الالفا روميو156 : http://www.nilemotors.net/Nile/359168-156.html
رابطة ملاك الكيا برايد : http://www.nilemotors.net/Nile/211218-a.html
رقم العضوية : 2340
تاريخ التسجيل : 27Sep2007
المشاركات : 670
النوع : ذكر
الاقامة : 6th of october
السيارة: لانشيا ديدرا
السيارة[2]: لانوس ثم نوبيرا
دراجة بخارية: لايوجد
الحالة :
والله ربنا يكون في عونك وعونا جميعا،،، اكتر حاجة بتضايقني هي ان اي ورقة مالهاش لازمة تلاقي الشباك اللي بيقسموا معاه يبيعهالك باتنين جنيه ولما تقوله ليه كده ،ن الواحد لو خرج وكتبها علي الكمبيوتر وطبعها مش هتساوي كده يرد عليك بمنتهي الوقاحة ويقولك هو فيه حد يقدر يدخل ورقة غير من عندنا ،ن دا طبعا غير معونة الشتاء الاجبارية والراجل بتاع الخزنة ياخد كام جنيه بحجة ان مفيش فكة وكل خطوة تعملها لازم تبرز المعلوم،،، بصراحة لازم ثورة حقيقية علي ادارات المرور دي علشان يحترموا ادمية الشعب
المفضلات