ماكوة موديل 2003 استقسارت مهمة

**a_s_a_o** · 03-07-2013 03:39 PM

قدامى عربية ماكوة موديل 2003 العربية مطلوب فيها 60 الف اخرها مواصفات خليجى ماتور 1300 اوتماتيك كاوتش مقاس 15 مش جنوط الاصلى بتعها العربية مغيرة اكصدام امامى ورشة برة بالكامل بالسقف وماشية 190 الف كيلو العربية نضيفة

فا مش عارف كده السعر كويس ولا لأ و بالنسبة لموضوع السحب بتاع العربية انا أسمع ان ماتور ال 1300 قليل عليها

وهل الموديل الخليجى فى المكاوة نظام انجكشن ولا كاربرتير وهل هتفرق فى حاجة بالنسبة للصيانة واستهلاك البنزين

أرجو نصيحتكوا ليا وهل فى مشاكل من الفتيس الاوتماتيك فى الموديل او عدد الكيلو متر

**madman2002** · 03-07-2013 04:26 PM

لو العربيه سليمه يبقى السعر ممتاز

**ahmedalaahosny** · 03-07-2013 05:04 PM

هو بس حوار الموتور ال 1300 هيتعبك شوية مع التكيف ياريت لو تجرب التكيف مع السحب لو لقيته كويس يبقى خير ماعجبكش يبقى بلاش منه هو انجكيشن اكشف عليها بردوا كمبيوتر وشوف الاساسيات وربنا يوفقك

**alzelafy** · 03-07-2013 05:25 PM

لو بتحب الجرى فوق ال 120 بلاش 1300 هتتعب الموتور معاك و مش هتتبسط منو لكن الموتور ال 1300 لحد ال 120 تمام فى الجرى و الشد بس السعر دة حلو اوى اوى و خصوصا الموديل دة فى المكوة جمييل جميل جميل لو اساسيات العربيه تمام اتوكل على الله و مفيش حاجه اسمها مشاكل فى فتيس الموديل دة ميتسوبيشى منزلتش عربيه فيها مشاكل فى الفتيس من اول عيون صفيه اللى كانت معايا اوتوماتيك ل البومه

**a_s_a_o** · 03-07-2013 06:57 PM

المشاركة الأصلية كتبت بواسطة ahmedalaahosny

هو بس حوار الموتور ال 1300 هيتعبك شوية مع التكيف ياريت لو تجرب التكيف مع السحب لو لقيته كويس يبقى خير ماعجبكش يبقى بلاش منه هو انجكيشن اكشف عليها بردوا كمبيوتر وشوف الاساسيات وربنا يوفقك

سحب العربية كويس مش وحش
وهل عدد الكيلو متر كده طبيعى بالنسبة للموديل
وبالنسبة للفتيس الاوتماتيك هل ممتاز فى العربية ومفهوش مشاكل ان شاء الله

**a_s_a_o** · 03-07-2013 06:58 PM

المشاركة الأصلية كتبت بواسطة alzelafy

لو بتحب الجرى فوق ال 120 بلاش 1300 هتتعب الموتور معاك و مش هتتبسط منو لكن الموتور ال 1300 لحد ال 120 تمام فى الجرى و الشد بس السعر دة حلو اوى اوى و خصوصا الموديل دة فى المكوة جمييل جميل جميل لو اساسيات العربيه تمام اتوكل على الله و مفيش حاجه اسمها مشاكل فى فتيس الموديل دة ميتسوبيشى منزلتش عربيه فيها مشاكل فى الفتيس من اول عيون صفيه اللى كانت معايا اوتوماتيك ل البومه

شكرا لردك وعلى العموم انا جديد فى السواقة ومش بجر واغلب مشاويرى فى القاهرة ومفيهاش جر اصلا والعربية الحمد لله اساسيتها ممتازة

**jojojojo** · 03-07-2013 07:49 PM

عدادها عالي جدا 190 الف كتير جدا وهتلاقي حاجات هتطلعلك من اول اسبوع انصحك شوف حاجه تكون عدادها قليل ونصيحه من اخ لاخ ابعد عن المستعمل عشان من الواضح ان حضرتك لسه جديد في حوار العربيات ومش بتاع لف علي الصنعيه شوف اي حاجه زيرو افضل وميغركش شكل العربيه من بره في المستعمل بتبقي من بره حاجه وفيها بلاوي من جوه وربنا يوفقك للخير

**madman2002** · 03-07-2013 11:17 PM

العداد منطقى .. لو الوحد بيمشى الف وخمسميت كيلو فى الشهر يعنى 18 الف كيلو فى السنه فى عشر سنين يبقى مظبوط ... ممكن تلاقى حاجه عدادها ااقل ... بس اهم حاجه الحاله ... يعنى ممكن العربيه تبقى عامله اكتر من كده وبغير زيت بأنتظام ومبقرصش ومبحرقش فى النقله .. تبقى احسن من عربيه ماشيه خمسين الف كيلو وصاحبها مطلع عينها .. خللى ميكانيكى يبص عليها كويس وخلاص