الموضوع: العربية بتفصل مني وبطلع عيني علشان تدور

النهردة حصلت حاجه غريبة اوي اولا انا معاعية اوكتايفيا a4 2007
كنت ماشي بيها الصبح عادي جدا روحت كذى مشوار وبعدين وانا مروح حسيت ان الفتيس بيتآخر في آخر نقلة الآر بي إم بيوصل ل 3 ونص المهم بطلت العربية ودورتها لقيتو سليم ومشيت عادي وروحت و ركنتها طول النهار والحمد لله بعد ما خلعنا الخاروف قولت انزل احتفل مع الناس مشيت بيها من المعادي على الدائري لحد الهرم والعربية زي الفل وسحب تمام وصلت لحد العمرانية ومرة واحده هوب العربية فصلت وانا ماشي ربنا ستر وعرفت آحضن جيت بقى ادورها مش عايزة تدور خالص فين وفين علشان تدور لازم فضل ضاغط على المرشة ما بين ثانيتين لحد 4 ثواني قولت انا احسن حاجة اركنها البيت روحت بيها لحد البيت الدينا تمام اوي اوي اوي اوي والسحب حلو ركنتها وبطلت العربية جيت ادورها تاني مش عايزة تدور غير لما اتك على المرش المهم سيبتها تبرد خالص ونزلت دورتها لقيتها سليمة وزي الفل ومفيش أي حاجة وطلعت بيها مشوار صغير اوي حاجة بتاع 5 كيلو او اقل كمان لقيتها بطلت تاني ودارت لما اتكيت على المرش المهم قولت انا اركنها احسن فانا شاكك في 3 حجات 1 البطارية مع اني لسة مغيرها ومكملتش شهرين
2 المارش يكون بايظ بس هل لو بايظ لما العربية تبقى باردة عادية يشتغل مع العلم امبير الحرارة مبيعلاش خالص عن 90
3 البوجيهات تكون فيها حاجه مع اني مغيرها مكملتش 10 الاف كيلو
وبالنسبة للفتيس انا مغير الزيت والفلتر وجايب الزيت الأصلي وغيرت كولر الفتيس لإنو كان ضرب وجيبت الأصلي بردو
وغيرت من 8 ألاف كيلو بوجيهات وفلاتر كامله هوى وزيت وبنزين
بس فياريت تشاركوني بخبراتكم انا عماة احتمال اروح لمحمد سمير بكره بس بردو عايز آرائكم خصوصا اني مسافر برة مصر يوم الجمعة ولازم اعملها بكره ضروري فتنصحوني بإيه