شيفوليه لانوس ام جيلى ام جراند 7

**loma7777777** · 04-07-2013 01:34 PM

الرجاء المساعده فى الاختيار بين شيفوليه لانوس ام جيلى ام جراند 7
انا محتار اوى الجيلى عجبانى وفى صديق اشتراها بس انا خايف من انها صينى وكمان قرأت عن مشاكل كتير قبلت ناس مختلف زى تكيف مش شغال و ال كاسيت به عطل والسربنتينه منتج محلى من نوع غير جيد ومشاكل تقفيل مختلغه وصلت الى تركيب الفتيس بشكل خاطىء
بس فى نفس الوقت ناس بتشكر فيها وبتقول دى مشاكل فرديه
والعربيه مغريه فيها كل حاجه من وسائل امان الى العديد من الكماليات ناقص تقول بابا وماما

الناحيه التانيه اللانوس عربيه الشعب معروفه عن ظهر قلب لاى حد مهتم بالعربيات من الاخر مفيش مغامره فى الشراء بس هتاخد عربيه عفا عليها الزمن

الاختيار بين المغامره واللى بيها تاخد عربيه حديثه بها كل الكماليات
ولا المضمون واللى معاه تاخد عربيه تقليديه للغايه

اسف للاطاله ومستنى الردود
وشكرأ

**M I D O** · 04-07-2013 02:18 PM

نفس الحيرة بس بين الامجرند و الام 11

**ahmedalaahosny** · 04-07-2013 03:41 PM

والله من وجه نظرى سيبك من الايمجرند دلوقتى لما نشوف تمن اعادة البيع هيبقى ايه نظامه والمشاكل هيحلها غبور ولا لا كمان اللانوس افضل من حيث الانتشار وحفظ الميكانيكية ليها وتمن اعادة البيع

**M I D O** · 04-07-2013 07:15 PM

المشاركة الأصلية كتبت بواسطة loma7777777

شكرا على الرد ياميدو
انا عارف انك متابع جيد
تفتكر المشامل الى ظهرت فى الام جراند وخصوصا فى التكيف هيحلها التوكيل

انا بصراحة مارضتش اقول الي وصلتلة في بحثي عن الامجراند عشان ما احبطكش بس هقولك عشان يمكن اقدر افيدك .. الامجراند مميزاتها .. شكل جميل جدا . واسعة جدااااا . اوبشن بالعبيط . 4 نجوم في اختبار السلامة و الامان الاوروبي .. العيوب .. التكييف سئ وان كان عند بعض الناس بيقولو كويس بس الاغلبية العامة بيقولو سئ وناس بتقول معقول بس وانت ماشي علي سرعة لاكن لو ماشي علي الاول و التاني هيجبلك هواء ساخن مش بيبرد . دهان العربية من النوع السئ الي بيبهت في الشمس . لمبة الشتيك انجين وان كانت مش مشكلة كبيرة لانها بسبب البنزين لان العربية عاوزة بنزين علي الاقل 93 اوكتان و الي في مصر 92 لاكن لازم اللمبة دي متنورش غير في حالات الخطر بس مش علي اي حاجة تنور .. سحب العربية علي السرعات الاولي كويس ولاكن علي السرعات العالية سئ . العربية حجمها كبير علي المحرك . الكاسيت الي بيعلق . التوكيل سئ ومش كويس رغم ان الناس اصلا اشترتها عشان اسم غبور بس كتير من ملاكها بيشتكي من التوكيل دي المشاكل العامة في العربية عندك بقي المشاكل الفردية زي الي العربية بطلت منة ومرضيتش تشتغل والي الراديتير باظ واتغير بواحد بايظ والي البطارية عندة باظت في اول اسبوع واتغيرت بواحدة جافة بس دي طبعا مشاكل فردية و السؤال هنا بقي هل دة عشان دي اول دفعات و الدفعات الجاية هيصلحو العيوب دي ولا هتستمر علي كدة لاكن في المجمل علي لسان ملاكها هية عربية حلوة علي قد فلوسها ونصيحة مني لو العربية عجباك اصبر عليها كمان شهرين تلاتة يمكن الوكيل يصلح العيوب دي

**loma7777777** · 05-07-2013 01:51 AM

المشاركة الأصلية كتبت بواسطة M I D O

انا بصراحة مارضتش اقول الي وصلتلة في بحثي عن الامجراند عشان ما احبطكش بس هقولك عشان يمكن اقدر افيدك .. الامجراند مميزاتها .. شكل جميل جدا . واسعة جدااااا . اوبشن بالعبيط . 4 نجوم في اختبار السلامة و الامان الاوروبي .. العيوب .. التكييف سئ وان كان عند بعض الناس بيقولو كويس بس الاغلبية العامة بيقولو سئ وناس بتقول معقول بس وانت ماشي علي سرعة لاكن لو ماشي علي الاول و التاني هيجبلك هواء ساخن مش بيبرد . دهان العربية من النوع السئ الي بيبهت في الشمس . لمبة الشتيك انجين وان كانت مش مشكلة كبيرة لانها بسبب البنزين لان العربية عاوزة بنزين علي الاقل 93 اوكتان و الي في مصر 92 لاكن لازم اللمبة دي متنورش غير في حالات الخطر بس مش علي اي حاجة تنور .. سحب العربية علي السرعات الاولي كويس ولاكن علي السرعات العالية سئ . العربية حجمها كبير علي المحرك . الكاسيت الي بيعلق . التوكيل سئ ومش كويس رغم ان الناس اصلا اشترتها عشان اسم غبور بس كتير من ملاكها بيشتكي من التوكيل دي المشاكل العامة في العربية عندك بقي المشاكل الفردية زي الي العربية بطلت منة ومرضيتش تشتغل والي الراديتير باظ واتغير بواحد بايظ والي البطارية عندة باظت في اول اسبوع واتغيرت بواحدة جافة بس دي طبعا مشاكل فردية و السؤال هنا بقي هل دة عشان دي اول دفعات و الدفعات الجاية هيصلحو العيوب دي ولا هتستمر علي كدة لاكن في المجمل علي لسان ملاكها هية عربية حلوة علي قد فلوسها ونصيحة مني لو العربية عجباك اصبر عليها كمان شهرين تلاتة يمكن الوكيل يصلح العيوب دي