أمين يارب العالمين
رمضان كريم عليك
جزاك الله خيراًعلى نقل التجربه والإفاده
رقم العضوية : 126849
تاريخ التسجيل : 30Jun2012
المشاركات : 2,313
النوع : ذكر
الاقامة : الأسكندريه
السيارة: يارب دودج :D
السيارة[2]: Mazda 121
دراجة بخارية: ما بحبهاش
الحالة :
السلام عليكم ورحمة الله وبركاتة
كل عام وانتم بخير واللهم اجعلنا امه قائده بين جموع العالم وارزقنا الخير حيث كنا واينما كنا
اللهم ارنا الحق حقآ وارزقنا اتباعه وارنا الباطل باطل وارزقنا اجتنابه
رمضان كريم على الجميع بأمر الله اوصيكم بالصلاه والزكاه وقراءه القرآن الكريم نهار رمضان وقيام الليل فى اخر الليل
بسم الله الرحمن الرحيم ابد وان شاء الله ما انساش اى حاجه لمساعده بعضنا بعضآ
اول شئ اذا كانت الرخصه منتهيه فلازم تطلع شهاده بينات من المرور بالتوكيل اللى معاك علشان تقدر تعمل عقد الشهر العقارى اللى بيه هتقدر تنقل ملكيه
لو هتطلع شهاده البينات هتسمى الله وهتنزل الصبح بدرى وهتروح على المرور اللى العربيه تابعه له وهتروح على موظفه الاستعلام وتقولها عايز شهاده بينات وهتوديك على الخزنه تدفع ضريبه الاول ولو متأخر اكتر من شهر على التجديد يعنى شهر وكسر ايام هتدفع غرامه على حسب المده اللى انتا متأخر عليها غرامه بسيطه ان شاء الله انا دفعت حوالى 50 جنيه
وبعدين هتدفع الضريبه وتخلى معاك الوصل وهتروح تانى للموظفه هتقولك هات نموذج 51 وتصور البطاقه والرخصه والتوكيل وتروح للموظفه هتبعك على شباك معين يخلص معاك باقى الاجرائات وبعدين هتبعك تجيب الملف بتاع العربيه وتروح للارشيف تجيب الملف
وبعدين هترجع للموظفه تانى وتخلص معاك البينات وبعدين هتدفعك 6 جنيه على الخزنه وتقولك هات كام طابع شرطه بحوالى اربعه جنيه تقريبآ وبرضه تديها الوصل وتخلى التانى معاك للاحتياط فقط
وبعدين هتروح تستلم شهادة البينات
ولو فيك حيل اطلع على الشهر العقارى خلص العقد مافيش حيل اجلها لتانى يوم زى بالظبط
ما شاء الله الموظفين يقطعو حيل الجن والعفاريت :D
بعدين هتروح الشهر العقار هتجيب عقد بيع سياره من الموظف اللى بيبع العقود
وبعدين هتروح على المديره وتوزعك على شباك معين ده على حسب كل شهر عقارى لان فى شغل اى كلام وتروح للموظف بعد العقد على طول وهو اللى يخلص المهم الموظف اللى هتروحله بعد كده هيكتبلك العقد وهيأخد منك شهادة البينات وهيشوف التوكيل والبطاقه والرخصه وتكون مصور التوكيل والرخصه وشهادة البينات والبطاقه قبل ما تروح كل حاجه صورتين احتياطى علشان هيأخد صور وبعد كده هيحولك على تقدير الرسوم ووبعدها هتروح للخزنه وهتدفع وهتروح تانى لنفس الموظف وهيشوف الوصلات ومش هيأخدها منك علشان احتمال تحتاجها فى المرور انا اخدو منى الوصل فى المرور علشان العقد ماكنش مترخ وخليه يأرخ العقد يكتب عليه التاريخ يعنى والعقد ما تعديش عليه فتره اكتر من شهر علشان التعقيد بتاع المرور
المهم وبعدها هيخلصك وهتروح على الميكرو فيلم وبعد الميكرو فيلم هتأخد ختم النسر اوعى تمشى من غير ما تأخده هيكون كل شئ راح
الحمد لله خلصنا الشهر العقارى على خير
لو فيك حيل روح هات شهادة مخلفات من المرور اللى بيطلع شهادات المخالفات لان احتمال المرور بتاعك ما يكنش بيطلع شهادات المخالفات انا عندى كان الرخصه تبع مرور محرم بيك والمخالفات من مرور ابيس انا خلصت الاتنين فى يوم واحد الحمد لله وجيبت شهادة المخالفات وماكنش عليها حاجه المهم بعد ما تروح المرور هتروح على الشباك ولو العربيه قديمه او كانت معلقه نمر قبل كده غير دى هتروح تجيب اصل الرقم من مركز معلومات المرور الاول منعآ للشحططه وبعد كده هتروح تديله اصل الرقم والرخصه وهيشوف البطاقه والتوكيل وتستنى حوالى ربع ساعه او على حسب الزحمه بتاعت المرور وبعدين لما يديلك الورقه وان شاء الله مافيش مخالفات هتروح تنفيذ الاحكام تأخد ختم وبعدين ختم النسر وبعدين ختم وكيل النيابه
خلصنا الحمد لله
بكرا بقى هتروح تفحص وتنقل ملكية فى المرور وتجيب تأمين اجبارى
بسم الله الرحمن الرحيم بكرا جيه بسرعه ههههههههههههههه
المهم هتروح المكان اللى بيفحصو فيه فى المرور وهتروح تجيب ورق الفحص ورقه فحص طفايه لازم الطفايه مايكنش عدا عليها 5 سنين انتاج وانتا بتجيب الورق بتاع الفحص قول للموظفه انه نقل ملكيه علشان بس ما تبوظش كل اللى بتعمله
وبعد كده هتروح تجيب بصمه شاسيه وماتور ولو عايز تدى العامل حاجه اديهاله انا سيبتله عشه جنيه
وبعد كده هتروح للمهندس وتحط العربيه قدامه وتديله ورقه الفحص والرخصه وتسيبهمله وهيقولك روح افحص وهتروح لعامل تانى واديله حاجه قبل ما يبدأ الفحص علشان ما يتغباش ويعملك بالصاروخ فى صدر العربيه انا عملى بالمفك شرطه كده فى صدر العربيه كأنه فحص مع انى ماكنتش لسه اديته حاجه ولو المهندس واقف ما تديهوش حاجه او على جنب وبعدين هيكون معاه ورقه الطفايه هيشرطلك عليها من ورا كده وهوديها للمهندس وانتا هتركن وتروح للمهندس واركن فى حته تقدر تسيب فيها العربيه واقفل العربيه كويس وروح للمهندس خد منه ورق الفحص ورقه الطفايه والرخصه وان شاء الله ما يرخمش عليك فى حاجه انا الحمد لله عدت بسرعه وعلى خير
وبعدين هتروح لبتاع الطفايه بالطفايه يختملك الورقه انا روحتله بالطفايه وهى اساسآ ضايعه وكنت خايف البس واحده جديده علشان ملهاش لزمه ان شاء الله واصلآ اللى معايا ممكن تتملى
قالى دى فاضيه قولتله املاها هههههههههههههههههههه
واديته عشرين جنيه قالى مليتها يا باشا وختم الورقه وقالى سيب الطفايه وروح امشى الورقه من المأمور وتعالى خدها شكله خايف ابلغ عنه ولا حد يشوفها فاضيه معايا هههههههههههههههههههههه
المهم الحمد لله عدت على خير روح ارمى الطفايه فى العربيه وارجع الشبابيك تانى وقبل ما ترجع الشبابيك روح الاول هات تأمين اجبارى الاول بدل ما ترجع تانى وهات التأمين على حسب الضريبه اللى انتا دفعتها انتا دفعت ضريبه قد ايه سنه ولا اتنين ولا تلاته انا دفعت سنه وجيبت تأمين اجبارى سنه بحوالى 100 جنيه حتة ورقه ولا ليها اى لزمه
وبعدين هتروح تجيب من الخزنه برضه ملف تجديد اسفر بعدد السنين تقريبآ كل سنه بملف مش متأكد من الخطوه دى حد يأكد عليها من الشباب ان شاء الله المهم الملف ب 25 جنيه انتا هتقول للموظف عايز ملف تجديد عدد السنين تقريبآ وهو هيديلك الملف بتاعها وبعدين هترجع الاستعلام تأخد رقم الشباك اللى هتروح عليه وبعدين هتروح للموظف تديله الملف والحاجه اللى انتا جيبتها ده كله والمفروض موظفه الاستعلام تحطلك كل حاجه فى الملف الاصفر اللى انتا جيبته وبعدين توديك على الموظف وهيديلك ورقه تروح تجيب الملف القديم تانى من الارشيف والمره دى اخر مره هتشوف فيها الملف ده
وهتجيبه للموظف وهتقطعه قدامك وبعدين هتملى شويه بيانات وهتديلك ورقه تكتب عليها بيناتك وهتأخد منك العقد والتوكيل وهتدبسهم فى الملف وتديها صور البطاقه وهتأخد منك الرخصه القديمه وهتقولك روح استلم هتقف بتاع ربع ساعه نص ساعه بالكتير ان شاء الله ومبروك عليك استلام الرخصه الجديده
الحمد لله رب العالمين وبه نستعين
بجد يا جماعه تعقيدات فى منتهى الغباء الواحد طلع روحه فى الموضوع ده انا مش بضايق اللى رايحين لكن فعلآ الموضوع ممل وكل موظف معوج ومش شايف شغله صح
المهم كلكم استعينو بالله وان شاء الله هتخلصو رخصتكم بسهوله
رمضان كريم
سبحان الله وبحمده سبحان الله العظيم
رقم العضوية : 130446
تاريخ التسجيل : 20Oct2012
المشاركات : 3,423
النوع : ذكر
الاقامة : cairo
السيارة: Ibiza Or Golf
السيارة[2]: Ibiza 2000
الحالة :
أمين يارب العالمين
رمضان كريم عليك
جزاك الله خيراًعلى نقل التجربه والإفاده
ماشاء الله كان وما لم يشأ لم يكن
SEAT IBIZA 2000 MK3 (6k2)ALD Engine 1.0 8v MPI
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
مبروك ان العلقة ديه عدت
بس انا زعلت قوى لما دفعت رشوة علشان الطفايه
الطفاية مهمة ياباشا ولمصلحتك ولمصلحة عربيتك
كنت تملاها أو تشترى جديده
رقم العضوية : 126849
تاريخ التسجيل : 30Jun2012
المشاركات : 2,313
النوع : ذكر
الاقامة : الأسكندريه
السيارة: يارب دودج :D
السيارة[2]: Mazda 121
دراجة بخارية: ما بحبهاش
الحالة :
كل سنه وانتا طيب يا حبى
انا كده كده هملاها ان شاء الله بس لسه مش عارف فين فى اسكندريه وحرام اصلآ اجيب واحده جديده ب 140 جنيه من المرور وهى برا ارخص من كده بكتير ولما املى الطفايه اللى معايا مش هتككلف اكتر من 50 جنيه ده بالكتير اوى وانا فى عرض جنيه علشان اخلص باقى الاجرائات وربنا كريم ان شاء الله
سبحان الله وبحمده سبحان الله العظيم
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
وانت بالصحة والسلامة .... ربنا يسامحنا ويتجاوز عن سيئاتنا
ويسترها معانا ومعاك
انا مريت بنفس تجربتك فى شهر 2 الماضى
وروحت شركة بافاريا اخد منى الطفاية القديمة واشتريت طفاية جديده 1 كجم بخصم 20% ودفعت 111 جنيه
والحمد لله وبفضل لله لم ادفع جنيه رشوة لأى حد ... ولم ألجأ الى الواسطه
وعدت على خير
http://www.nilemotors.net/Nile/338242-a.html
رقم العضوية : 128540
تاريخ التسجيل : 09Aug2012
المشاركات : 3,252
النوع : ذكر
الاقامة : Cairo
السيارة: ...
السيارة[2]: ...
دراجة بخارية: NO
الحالة :
تجربتي في نقل الملكيه (في الكويت) والرخصه ساريه
رحت انا والمشتري على المرور اشترينا طابع ب 5 دينار من مكنه الطوابع (100 جنيه) ورحنا للموظف خد صور بطايقنا ورخصه العربيه (أصل) و طبعلنا استماره نقل ملكيه فيها بياناتنا احنا الاتنين وخلانا نوقع عليها ولزق عليها الطابع وقالنا استنو لما تسمعو اسم المشتري. نص ساعه ونده علينا استلمنا الرخصه الجديده باسم المشتري. بس كده ههههههههههههه
ولا شهر عقاري ولا فحص ولا بطيخ ولا لازم تكون العربيه موجوده أصلا. نفسي أفجر كل وحدات المرور في مصر.
مصر أنت أغلى دره ... فــوق جبين الدهـر غرَّة
يا بلادي عيشي حره ... واسلـمي رغـم الأعــادي
رقم العضوية : 126849
تاريخ التسجيل : 30Jun2012
المشاركات : 2,313
النوع : ذكر
الاقامة : الأسكندريه
السيارة: يارب دودج :D
السيارة[2]: Mazda 121
دراجة بخارية: ما بحبهاش
الحالة :
سبحان الله وبحمده سبحان الله العظيم
رقم العضوية : 126849
تاريخ التسجيل : 30Jun2012
المشاركات : 2,313
النوع : ذكر
الاقامة : الأسكندريه
السيارة: يارب دودج :D
السيارة[2]: Mazda 121
دراجة بخارية: ما بحبهاش
الحالة :
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
متقولش كده ياباشا
الكويت كلها أوضتين وصالة
وتاريخها لا يتجاوز 50 سنة
ديه دول ملهومش فى الروتين ومبيفهموش حاجه
احنا حضارة 7 آلاف سنة وتاريخنا معروف
وفى العصر الحديد
وفى خلال أقل من 3 سنين عملنا ثورتين ابهروا العالم
شعب مليان انبهارات تخصص ثورات
بذمتك مش احنا كده نبقى سبقناهم
آه يانفوخى
ده انا عاوز اعيط
رقم العضوية : 128540
تاريخ التسجيل : 09Aug2012
المشاركات : 3,252
النوع : ذكر
الاقامة : Cairo
السيارة: ...
السيارة[2]: ...
دراجة بخارية: NO
الحالة :
المفضلات