الموضوع: من 70الي 77

21 مشاهد ومفيش اي راد هو ليه بقي المنتدي هنا مبقاش حد بيحب يساعد حد وبقي غرقان ف النوم

بوص الصيني عمره الافتراضي قليل اوي بس اللي انت قولت عليهم شكلهم حلو لكن لو عاوز عربيه معمره شويه عن الصيني خليك في الفرنا اقتصاديه و قطع غيار رخيصه و متوفره بس امان قليل و ثبات قليل يعني لما تسافر بيها خليك في 120 او 140 ده لو معاك اسره خايف عليهم لكن لو مسافر لواحدك العربيه ممكن تجيب معاك 180 بس كلبش في الطاره كويس علشان هتشوف المرار الطافح اسف على الاطاله و مبروك مقدما و ربنا يكفيك شر الطريق

اللهم امين بس انا راجعت نفسي اوي النهارده ف الكوري دا لان واحد صحبي اتسرقت منوا افيوا 2012 وبجد لازم يكون ف امان شويه ف السيارات الكوري يعني سبرانزا واسمها صيني بس فيها امان وكمان الرينوا والاروبي طبعا بكل انواعه انا عاوز رايكم بجد ف اسبرانزا بالذات ام12 و11 ولو تجارب شخصيه

ايه رايكم طيب في اوكتافيا a4 موديل 1999 بس عاوز اقولك رائعه جدا جدا وكمان فيها 4 اير باج وabs ebd وتكيف وسخانات للكراسي وماتور 1600 بس المكنه الكبيره الي هيا العداد بتعها 240 مش 220 وكمان واطيه غير الي بتنزل مصر هجايبها من السويد بس عاوز اقولك تحفه ف الجري والسحب وثابته علي الطريق بفكر اجبها هيا عامله 72 او 75 ف الحدود دي

المشاركة الأصلية كتبت بواسطة m_newyork

ايه رايكم طيب في اوكتافيا a4 موديل 1999 بس عاوز اقولك رائعه جدا جدا وكمان فيها 4 اير باج وabs ebd وتكيف وسخانات للكراسي وماتور 1600 بس المكنه الكبيره الي هيا العداد بتعها 240 مش 220 وكمان واطيه غير الي بتنزل مصر هجايبها من السويد بس عاوز اقولك تحفه ف الجري والسحب وثابته علي الطريق بفكر اجبها هيا عامله 72 او 75 ف الحدود دي

الرقم ده غالى اوى على موديل 99

عربية محترمة جدا ، وانا بدور على واحدة حاليا ونفس الرينج بتاعك ، بس في دماغى اجيب حاجة 2004-2007 !

غاليه ليه دي هتيجي من السويد يعني اتحاد اروبي مش هتكون ماشيه في مصر
طيب قولولي علي عربيه محترمه في حدود 70الي 77 بس زيرو

المشاركة الأصلية كتبت بواسطة m_newyork

غاليه ليه دي هتيجي من السويد يعني اتحاد اروبي مش هتكون ماشيه في مصر
طيب قولولي علي عربيه محترمه في حدود 70الي 77 بس زيرو

بص خلى بالك مش كل اللى جاى من برة تاخده وانت مغمض ، انا معرفش العربية انت هتجيبها ازاى ، بس عربيات الاستيراد والمعاقين مثلا ، بتبقى مركونة فترة طويلة في الموانى ، وكمان المشكلة في عربيات برة ، انك تلاقى العربية كعربية من حيث سمكرة ودوكو وشاسيه وصالون ما فيهاش غلطة ، وده لان عندهم العربيات مش بتتبهدل زي عندنا ، ولكن في المقابل تبقى العربية مثلا ماشية 300 الف كيلو ولا حاجة وحالتها كميكانيكا مش كويسة ، ييجى التجار بتوعنا ولاد الحلال بقى يعملوا ايه ، يقوللك العربية شكلها زيرو ، يعنى العداد ده حرام اوى يبقى 300 الف ، دى حالتها زي العربية اللى عاملة 60 الف كيلو في مصر ، يقوم لاعب في العداد ، وكدة الزبون يلبس ، تلاقى مثلا العربية فعلا مافيهاش غلطة كشكل وكمان الاوبشنز اللى فيها تزغلل عينك ، تيجى تركب بقى تلاقى الموتور خفيف او الفتيس فيه مشكلة .. طبعا مش كل العربيات اللى بتيجى من برة كدة ، بس انا بقولك تاخد بالك ، ومهما كان العربية موديل 99 ، في رأيي حرام ادفع فلوس كتير عشان حالة ، اللى هى تجيبلى موديل احدث وحالة حلوة برضه عشان الموديل كدة كدة احدث