الموضوع: أيهما أفضل من حيث الماركة والموديل والسعر

المشاركة الأصلية كتبت بواسطة m i d o

حضرتك مبلغ 45 الف ميجبش تيجو حالة كويسة ولا byd ولا حتي لانسر كرستالة الافضل ليك من وجهة نظري انك تزود ل 50 الف وتشتري لانسر كرستالة حالة نضيفة بس للاسف عيب العربية انها واطية مش عالية لاكن لو هتشتري تيجو بالسعر دة عشان عالية يبقي اكيد عربية تعبانة جداااااا لان سعر العربية كان 100 الف جديدة 2013 وموديل 2010 كان سعرها 85 الف مستحيل تنزل ل 45 الف في 3 سنين الا لو العربية عاملة حادثة وفيها بلاوي الافضل ليك في السعر دة لانسر كرستالة حالة نضيفة تعمل 50 الف او دايو لانوس بالمبلغ الي معاك حالة نضيفة وربنا يوفقك في الشراء

شكرا جزيلاً يا أستاذ m i d o على مشاركتك وردك ,

هو فعلا اللانسر كيرستاله 99 سعرها 50 الف وحالتها كويسة والدايو نوبيرا 97 سعرها 45 الف وحالتها كويسة ايضا بس عيبهم انهم منخفضين وشوارعنا 100/ 100

اما بالنسبة للتيجو قدامي عربية 2010 عاملة 150,000 ك م ورشه بره ومجدد العفشة وجنوط سبور وعلى حسب ما قيل لي من اللى فحصها انها شغالة تمام وكان طالب فيها 48 الف وسعرها منكرش انه مغري ومُشكك في نفس الوقت بجانب فوبيا الصيني اللى حضرتك عارفها .

بس اكيد حضرتك بحكم الخبرة ان ممكن تكون فعلا فيها مشاكل وتعبانة ,

بس انت متكلمتش عن ديهاتسون تريوس 99 ورأيك يهمني .
السيارة مشدودة بالكامل رشة بالخارج فقط عاملة 190,000 ك م وسعرها 40 الف

وشكراً لمرورك ومشاركتك

النوبيرا 1 دي ممتازة بالذات لو اصدار اوروبي بتبقي مختلفة في المواصفات والاوبشنز
في عربية حضرتك ممكن تفكر يها اوبل فيكترا بي1 من 1996:1999
وانا مش بفضل الكريستالة لسبب واحد انها كاربراتيير مش انجكشن يعني تكنولوجيا قديمة اوي وكمان 1300 موتور ضعييف

نوبيرا أكتر حاجة عملية و لو فيها حاجة هتصلحها ببلاش.

المشاركة الأصلية كتبت بواسطة m i d o

حضرتك بعيدا عن موضوع فوبيا الصيني و الكلام دة في حاجة اسمها متوسط اسعار التيجو 2010 ال 1600 سي سي فبريقة برة وجوة من 75 الف ل 80 الف جنية ولو راشة من برة هتعمل من 60 ل 70 الف بالكتير و التيجو ال 2000 سي سي اوتوماتيك ودي مانصحش بيها ابدا عشان دعم البنزين + ان سعر فتيس العربية غالي جدا عشان لو لاقدر الله حصل حاجة فية دي سعرها من 65 الف ل 75 الف حسب الحالة ومتوسط السعر دة انا جايبة من كونتاكت كار ازاي بقي بقدرة قادر تبقي 45 الف دي حاجة تخليك تشك جدا وعداداها كمان 150 الف رقم كبير مش صغير ونصيحة لو عاوز تجيبها اطلع بيها علي توكيل اسبرانزا من 200 ل 250 جنية تقريبا هيفلو العربية حتة حتة ويدوك تقرير شامل عن حالتها وان كانت عملت حوادث ولا لا وبالنسبة للكرستالة انا قلت لحضرتك عيبها انها واطية لاني ركبتها وعارفها كويس انما كعربية اعتمادية 10/10 وهية احسن من النوبيرا وبالنسبة للتريوس بصراحة انا ماعرفش عنها حاجة وعشان كدة متكلمتش عنها عشان مفتيش و للاسف العربيات الي حضرتك محتار بينهم كل متلاقي حاجة عاوزها في عربية تلاقيها مسقطة حاجة تانية مهمة برضو عشان كدة رايي الشخصي لو عاوز التيجو اكشف عليها في التوكيل مش في اي حتة والافضل بينهم اللانسر كرستالة دة في رايي الشخصي وتقبل مروري

الف شكر لك يا بشمهندس وانا استفدت اكيد من من مشاركتك بالموضوع