Peugeot scooter -- سكوتر بيجو --

**sameh_egy1** · 14-07-2013 07:29 PM

سلام عليكم :)

رمضـــــــان كــــريم عليكم :)

لو سمحت عاوز اعرف اية رأيكم في Peugeot scooter VIVA City 125cc ؟ ؟

اوجة الأختلاف و مميزاته

ايه البدائل له في السوق ؟؟

**mous6fa** · 14-07-2013 11:12 PM

أنا هرد ع حضرتك من واقع متابعتي للمنتدى اللى قلبته بالطول والعرض بخصوص الأسكوترز وبرضو لسه مش عارف أخد القرار

الكلام كله إن سكوتر بيجو و هوندا إيليت بيكونوا 125 سي سي .. التقفيل بتاعهم كويس ومعقول وخدمة ما بعد البيع كويسة جداا .. لكن الإتنين ف النهاية متجمعين ف مصانع الشركات بتاعتهم ف الصين ..
المشاكل اللى الجميع أتفق عليها بخصوص البيجو والهوندا كالأتي :
أولا : أقصى سرعة هي 80 كيلو تقريباً .. طبعا مع الوقت هتحس إنك راكب بطة وهتحس بالملل لو راكب لمدة طويلة وعلى طريق مفتوح .. عشان كده ناس كتير بتفضل تجيب سكوتر 150 سي سي وبتحس بالفرق معاه ..
ثانياً : أسعار قطع الغيار وتوافرها .. بالتأكيد أسعارها أغلى من الأنواع الصيني وكمان متواجدة غالبا فى التوكيل فقط ..
ثالثاً : سعر إعادة البيع .. البيجو والهوندا سعرهم حاليا فوق الـ 12 ألف جنيه .. لما تفكر تبيع بينزل معاك كتير .. بعكس الأنواع الصيني اللى مش بتحس بنزولها لإنها ف الأساس مش غالية زي الهوندا والبيجو ..

ف النهاية ... لو حضرتك عاوز سكوتر لأغراض النزهة وكسر الملل ويهمك الجودة وخدمة ما بعد البيع يبقى توكل ع الله فى البيجو ..
لكن لو عاوز سكوتر إستخدام يومي وبتجري كتير ويهمك قطع الغيار وسعرها وتوافرها .. خليك فى الـ sym و Benlli

**sameh_egy1** · 15-07-2013 02:05 AM

بصراحة مش هكون معتمد عليه في كل حاجة لأن في احيانا بتخرج لوحدك و بتبقي زهقان من اللي بنشوفه في الطرق طبعاً و مش مستهله دوشة الركنه و الطرق و كده وسيلة للإنجاز و توفير في البنزين مش أكتر ... و في نفس الوقت عاوز حاجة تكون محترمه وتستحمل الطرق عندنا ..

و علي فكره 80/كم س بالنسبة ليا انا في البداية في عالم سكوتر :) بس بسوق من 2008 و مش هحتاج اكتر من كده ، اصلا بالعربية نادرداً ما بوصل لل100 او 120 :) :)

شكراً يا مصطفي :)

**MohssenRashed** · 15-07-2013 04:42 PM

اسكوتر حلو بس سعره غالي و هيتعبك في قطع الغيار

خليك في ال sym احسن قطع غيار متوفره و رخيصة

بخصوص انك مش هتنزل بية كتير عايز اقولك انسة اول ما تركب اسكوتر و تلاقي المشوار اللي بياخد ساعة تاخده في ربع ساعة و متدورش على ركنة اراهنك هتركن العربية (اسألني انا هههههه)