بيجو 301 ولا اليزيه ؟؟

**zooma2009** · 16-07-2013 03:07 AM

ياريت الكل يشارك في المقارنه دي

في رأيك ايهما افضل البيجو 301 ولا الاليزيه من حيث :

1_ الشكل الخارجي
2_ الشكل الداخلي
3_ كفاءه التوكيل

اكيد مش هنقارن الاداء لأن العربيتين تؤأم , وما شاء الله عليهم تقفيل واداء ممتاز

**Hema_Basha** · 16-07-2013 05:14 AM

المشاركة الأصلية كتبت بواسطة zooma2009

ياريت الكل يشارك في المقارنه دي

في رأيك ايهما افضل البيجو 301 ولا الاليزيه من حيث :

1_ الشكل الخارجي
2_ الشكل الداخلي
3_ كفاءه التوكيل

اكيد مش هنقارن الاداء لأن العربيتين تؤأم , وما شاء الله عليهم تقفيل واداء ممتاز

اكيد طبعا البيجو

**wella3330** · 16-07-2013 08:40 AM

الاليزيه كا شكل داخلي و خارجي احلي من وجهه نظري لكن ما عنديش فكرة عن موضوع التوكيل .

**mhf_77** · 16-07-2013 10:23 AM

كشكل الاليزيه
كاعادة بيع اعتقد اسم بيجو فى مصر افضل
كاداء هما توأم
بالنسبه للوكيل اسأل مجرب

**zooma2009** · 16-07-2013 05:49 PM

رأيي الشخصي

الاداء والتقفيل : واحد
مستوي التوكيلين : تقريبا واحد
الشكل الخارجي : الاليزيه اشيك طبعا
الشكل الداخلي : تابلوه الاليزيه اشيك كتير

كأعاده بييع : اكيد اللي بيشتري عارف ان العربيتين واحد ف كل حاجه , ونفس قطع الغيار , ونفس مستوي التوكيل , واللي هيفهم ف 301 طبيعي هيفهم غ فالاليزيه ( الورش يعني والمراكز)

**Rsarabia** · 16-07-2013 08:20 PM

من برة البيجو اجمل
من جوة الاتنين واحد نفس الصالون
كاسم فى السوق بيجو

**Tom Hanks** · 16-07-2013 10:20 PM

فى رأيى مسألة الشكل الداخلى أو الخارجى دى أذواق ومش هتاثر كتير فى اختيار العربية ,بالنسبالى أنا البيجو 301 شكلها الخارجى عاجبنى أكتر والشكل الداخلى هما الاتنين واحد .. أما الإسم فى السوق المصرى طبعاً البيجو تتفوق على ستروين بس فى حالة العربيتين دول على وجه الخصوص أعتقد ان سعر إعادة البيع مش هيفرق لأن البيجو نازلة أغلى ب 5000 وده يعتبر على أقصى تقدير الفرق بينهم فى إعادة البيع . أما بالنسبة للتوكيل على حسب ما سمعت ان الاتنين زى بعض تقريبا بس توكيل سيتروين كخدمة أفضل حاجة بسيطة .. من ناحية أسعار قطع الغيار الاتنين واحد ,,

**dodo2000** · 17-07-2013 11:53 AM

اتفرج على العربيتين و اقعد فيهم و شوف انت هتستريح نفسيا لمين فيهم

**yoyhmh** · 17-07-2013 12:02 PM

الاليزيه اكيد افضل وهتبقى راكب ماركة مميزة

**mohjarr** · 17-07-2013 01:30 PM

البيجو .. كنت قد رأيت السيتروين قبل رؤيتى للبيجو ال 301 و أعجبت بها و لم أكن أعرف أن البيجو ستنزل ولكننى ترددت فى حجزها بسبب توكيلها وسابق خبره مع أحد أقاربى فى سيارته السيتروين و المصاعب التى واجهته فى تصليحها و بيعها بعد ذلك و صرفت نظر عنها ولكن بعد رؤيتى لإعلان البيجو فى الجرنال ذهبت أنا و أحد أقربائى لرؤيتها على الطبيعة ومن حظى أن المعرض الذى ذهبت إليه كان به السيارتين و عرفت أن السيارتين متماثلتين قررت أن أختار البيجو كشكل و سمعه أكبر فى مصر عن السيتروين .. و حجزت أنا و قريبى البيجو فى نفس يوم أول إعلان فى الجرنال .