سيفيك او امبريزا او فيكترا

**ahmed.tayeh** · 17-07-2013 03:22 AM

انا كان معايا عربية فيكترا موديل 94 كاملة اوتوماتيك ولكني بيعتها وناوي ان شاء الله اشتري عربية تانية وانا بصراحة محتار ما بين 3 عربيات وارجوكم ساعدوني في اختيار الافضل
في قدامي 3 عربيات
الاولي هوندا سيفك 1995 كاملة اوتوماتيك فتحة سقف حالتها نضيفة جدااااا
الثانية سوبارو امبريزا 2005 كاملة اوتوماتيك حالتها نضيفة
الثالثة اوبل فيكترا 1999 كاملة اوتوماتيك 2000 سي سي حالتها بردو نضيفة

وبصراحة انا محتار اجيب اي واحد فيهم ولكن انا عموما بحب الاوبل لانها عربية ممتازة ولكن في ناس اصحاب نصحوني بالهوندا والبعض الاخر نصحني بالسوبارو

ممكن حد يفيدني بس ارجو انا يفيدني بعيدا عن انتماءه لعربيته انا عاوز رد عملي من حد جرب الثلاث عربيات دول

**caboo_1** · 17-07-2013 04:22 AM

رأي الهوندا سيفك

**hagagatc** · 17-07-2013 05:31 AM

الثلاث عربيات ممتازين بس كل عربيه فيها ميزه وعيب
السوبارو عربيه ممتازه هي مع اخويا نعومه وركوبه ودفع رباعي بس يعيبها قطع غيارها نار ومش منتشره وعدم انتشارها من الاخر توكيلها مقدرش يروجها بس هي عندي برقبه الهوندا مع احترامي للهوندا الهوندا عربيه محترمه بس واطيه اوي علي الارض عن الاوبل والسوبارو لانها رياضيه اكتر بالنسبه للاوبل انت ركبت اوبل واكيد عندك فكره عنها

**sherif moneer** · 17-07-2013 07:35 AM

لو حابب تميز اوي هات السوبارو عربيه مفيهاش عليها كلام بس شوف قدرتك الاول على قطع غيارها وطبعا اعادة البيع اصعب من الالماني بس لو اسعار قطع الغيار واعادة البيع مش مهمه بالنسبالك هاتها
الفيكترا هيا رقم 2 بعد السوبارو ﻷن حضرتك ركبت الموديل ال قبلها وعارف سكك الاوبل كلها سواء ميكانيكيه او قطع غيار مش لسه هتكتشف واهز برده هتفضل منورنا في القسم :)
الهوندا جميله وكله بس انا معرفش ادائها علي الطريق عامل ازاي بس بيتهيألي هيا اقل عربيه في التلاته من حيث الثبات والقوه وكده

**hilal** · 18-07-2013 01:36 AM

مبدئيا ، استبعد الهوندا لأنها لا تناسب مطبات المحروسة بالرغم من أنها سيارة ممتازة
ثانيا ، السوبارو سيارة رائعة ، بس هي صفقة خاسرة بكل المقاييس من حيث ندرة الصنايعية اللي فاهمينها وقطع غيار ، وصعب جدا إعادة البيع
يتبقى الاوبل ، وهي سيارة ممتازة بالرغم من بعض العيوب الخاصة بالتبريد والتكييف
والخلاصة أنصحك بالاوبل بشرط الحالة الجيدة ، وإلا هتتعب معاها

**Mamoud salah H** · 18-07-2013 04:50 AM

انا رايي بلاش اوبل لانك لسة نازل منها او تعلي بالموديل علي الاقل 2002 مثلا عشان الموتور الايكو عشان تحس بالفرق مش تغيير شكل فقط

والسيفيك تحفة اوي وبيبان عليها التزبييط والجنوط وكدة وعربية شبابي جدا جدا ولو جبتها بالموتور siاوsir هتاخد منها احلي اداء

السوبارو عربية ممتازة معليهاش ولا كلمة بس م كلام الناس صعبة في قطع الغيار والصيانة ومش عايز افتي عشان مجربتهاش

انا من رايي تجرب لو الميزانية تسمح ان تشوف بي ام e36 الدبانة موديل 1991:1997
عربية من الاخر