حجزت fsv كاملة مانيوال

**huss2000** · 17-07-2013 10:16 AM

حجزت fsv كاملة مانيوال ... ان شاء الله حستلم يوم الاحد ... نصايحكم ايه عند الاستلام واول 1000 كيلو

**mem** · 17-07-2013 12:23 PM

الف الف مبروك وربنا يبارك لك فيها ويحفظهالك
ويعطيك خيرها ويكفيك شرها
وبالنسبه للاستلام الافضل انه يكون فى النهار على شان تقدر تشوف العربيه كويس
وتبص بصه كامله على الصاج وتاخد بالك لو فى تجريح ولا حاجه
وتبص عليها من جوه والفرش والزجاج تجربه كله
وتراجع على الانوار والانتظار
وتجرب الكاسيت
وتشغل التكييف تجربه ايه الاخبار بيجيب هوا ساقع كويس
وتبص على الاستبن وشنطه العده والكوريك
وتبص على عداد الكيلوعامله كام كيلو
المفروض انها تكون غير متجاوزه ال50 بحد اقصى المفروض تبقى فى حدود 18 الى 25
وتبص على الزيت والمياه
والافضل لو عليها اللصق الابيض تشيله وتبص على البويه تحته هل اللون مظبوط ولا خالف
وتشوف الكتالوج والضمان بتاع البطاريه موجودين فى التابلوه
ده بالنسبه الحاجات اللى تاخد بالك منها
اما بالنسبه 1000 كيلو
يجب اولا انك فى المشى لا تحرق على الغيارات يعنى عند rpm اتنين ونص ثلاثه على الاكثر تكون ناقل الغيار
والسرعه باى حال من الاحوال لا تتجاوز ال 100
التكييف يفضل انه لا تشغله الا بعد ال 500 كيلو
لا تقوم بالفرمله المفاجاءه قدر المستطاع
لا تدخل فى طرق وعره ومكسره قدر المستطاع
لا تقوم بتحميل السياره حموله زائده او تقوم بجر عربيه اخرى اطلاقا
وبعد الالف اعمل كل اللى انت عايزه بقى
وربنا يحفظهالك