الموضوع: دراجة هارلي ديفيدسون بعون الله

حدد ميزانيتك ونقولك على النوع المناسب ليك

عموما اقل حاجه خالص تناسب احتياجاتك هتعمل 15 الف

هارلي ايه ابو 15 الف ده يمكن ناقصين صفر و لا حاجه
بص يا ريس عشان اكون واضح معاك البيكس دى ركوبه مزاجه و مشواير نزهه و رحالات مش بتاعت فحت و ردم و للعلم عشان تجيب حاجه محترمه مش حتقل عن 50 الف
و بعدين انت كنت راكب مكنه صينى دول على حاجه هوندا استيد 400 و لا حاجه حتسحس بفرق كبير انما تقول هارلى !!!

بص عموما اللينك ده فيه بيكس كتير مستعمله للبيع
Buy, Sell Motorcycles & Accessories. Join Biking Groups. Create and Join Events - egybikers.com
برضو عايز اقولك 100 ك ببيك مش شويه

المشاركة الأصلية كتبت بواسطة aliabdo

هارلي ايه ابو 15 الف ده يمكن ناقصين صفر و لا حاجه
بص يا ريس عشان اكون واضح معاك البيكس دى ركوبه مزاجه و مشواير نزهه و رحالات مش بتاعت فحت و ردم و للعلم عشان تجيب حاجه محترمه مش حتقل عن 50 الف
و بعدين انت كنت راكب مكنه صينى دول على حاجه هوندا استيد 400 و لا حاجه حتسحس بفرق كبير انما تقول هارلى !!!

حضرتك الراجل يقصد كاستم عموما مش هارلى ديفيدسون بالتحديد

وال 15 الف دول اقصد بيهم ستيد 400

ومعلومه لحضرتك اقل مكنه هارلى Harley Davidson Sportser 883

وبتعمل 60 ل 65

أنا شاكر لردودكو كلكو جميعاً تسلمولي يا جماعة .
بس أنا مش محدد ميزانية معينة بس متعلاش عن 70 ألف مثلاً .
وأنا عايز حاجه هارلي مش كاستم :( .
بعدين انا عايز نصيحة بخصوص السواقة عالطريق الزراعي لمسافة كبيرة بهارلي هل بتفرق عن الريس ولا أجيب ريس وخلاص وكله مكن وخلاص ولا أعمل ايه ؟

باشا مبديا الناس عاوز تفهم منك حاضرتك فاهم الكاستم يعنى ايه و الهارلى يعنى ايه لان انا مثلا واحد من الناس كنت فاكر ان اى متسكل مش ريس يبقا هارلى دى بتبقا فكرة اى واحد بيخش المجال ده لاول مرة مش عارف اى حاجة ده الطبيعى يعنى فا انا هديك فكرة بسيطة و ان شاء الله اقدر اوصلهالك بص يا باشا الكاستم مش مركة متسكل يعنها لا دى نوع الموتسكل يعنى مثلا هوندا بيتعمل كاستم و ياماها و سوزوكى و هكذا زى الريس كده ما بيندرك تحتيه برضه الهوندا و الياماها و الخ فا انت الوقتى قصدك على مركة هارلى ولا قصدك على شكل الموتسكل يكون زى الهارلى يعنى لان فى حاجات كتير هتكون احسن من الهالى يعنى فى سوزوكى بوليفرد ده 1800 سى سى و جبار و ممكن يعمل من 70 الف ل 80 الف انا شوفت حاجات منه فى الرنج ده و فى هوندا vtx 1300 و 1800 برضو يبداو من 50 الف و انت طالع لحد 80 كده هكذ بس انت لو فى البديات يبقا تركب مكنة حنينة شوية زى الاستيد او الشادو لكن الهارلى دى حوار جامد اوى و انا شايف ان فى اشكال و امكنيات كتير فى موتسكلات تانية فى راى احسن من الهارلى

بالظبط معاليك انا في أول مشاركة خالص فوق قلت اسامي النوع الي شبه الهارلي لأني مش عارف اسم النوع ده من الموتسيكلات ايه انا اعرف انه مشهور بالهارلي انا عايز اي مكنة تكون نضيفة مش صيني مكنة عفية ونضيفة وشكل الهارلي وتستحمل سفر وهرس وعجن علشان انا هسافر بيها كتير وتكون تقيلة عالأرض وماسكة نفسها علشان طريق زراعي بأه وانت عارف يا معلم ،
انا عايز اي نوع واي رينج لو هنبدأ من 15 ألف مثلاً لحد 80 ألف يبقى تمام أي حاجه في الرينج ده وتكون نضيفة

دور على حاجه استيد 400 او 600 نضيفه و بعت لك لينك ممكن تشوف منه الاسعار و فيه حاجات معروضه للبيع