كيفية الوصول من مدينة الشيخ زايد إلى صقر قريش بالمعادى

**mohammad isdf** · 18-07-2013 12:26 PM

السادة الفضلاء كل عام وأنتم بخير
والسلام عليكم ورحمة الله وبركاته

ممكن حد يفيدنى إيه أسهل طريق للوصول من الشيخ زايد حتى صقر قريش بالمعادى، مثلا الدائرى ازاى واى نزله ولو طرق عادية افضل ، ازاى والكيفية .. أنا معايا عربية

وشكراااااااااااااا

**ahmedteam** · 18-07-2013 12:37 PM

تاخد طريق اسكندريه الصحراوى اتجاه القاهره طبعا لغايه طلعه الدائرى و بعدين تعدى وصله المريوطيه اتجاه المعادى و تنزل من على الدائرى نزله الاوتوستراد هتلاقى نفسك فى صقر قريش

**mohammad isdf** · 18-07-2013 12:46 PM

المشاركة الأصلية كتبت بواسطة ahmedteam

تاخد طريق اسكندريه الصحراوى اتجاه القاهره طبعا لغايه طلعه الدائرى و بعدين تعدى وصله المريوطيه اتجاه المعادى و تنزل من على الدائرى نزله الاوتوستراد هتلاقى نفسك فى صقر قريش

اشكرك على الإهتمام والرد أستاذ احمد بس للتوضيح

انا فى اتجاهى من الشيخ زايد لميدان لبنان فى نزله يمين بتاعة الصحراوى بتودى على الهرم والرماية ، ولو أخدت اليوتيرن هلاقى داندى كارفور هفضل ماشى فى الإتجاه بتاع الهرم ولا كارفور، وهل فى علامة لوصلة المريوطية ؟

لو انا فى اتجاهى من الشيخ زايد لميدان لبنان وعديت نزلة الصحراوى .. وكملت للمحور هلاقى طلعتين للدائرى واحده محور صفط وتقريبا مكتوب بردوا المعادى/مدينة نصر .. فهل دى المقصودة ولا ايه انا متلخبط

**youssef_nassef** · 18-07-2013 12:57 PM

المشاركة الأصلية كتبت بواسطة mohammad isdf

السادة الفضلاء كل عام وأنتم بخير
والسلام عليكم ورحمة الله وبركاته

ممكن حد يفيدنى إيه أسهل طريق للوصول من الشيخ زايد حتى صقر قريش بالمعادى، مثلا الدائرى ازاى واى نزله ولو طرق عادية افضل ، ازاى والكيفية .. أنا معايا عربية

وشكراااااااااااااا

بص يا باشا حتطلع من الشيخ زايد على ميدان جهينه على طريق الواحات و بعد كده الدائرى و ممكن تطاع من الشيخ زايد على الصحراوى اتجاه ميدان الرمايه وتطلع الدائرى من عند المتحف الجديد 0 المهم تطلع الدائرى) ومن على الدائرى تمشى على طوووووووووووووووووول لغايه لما تلاقى يمين داخله محور المريوطيه تخش يمين و تفضل ماشى لغايه أما تعدى النيل من فوق الدائرى و تسيب نزله كورنيش المعادى و تنزل الأوتوستراد تمشى شويه و بعد كده تلف و ترجع شويه و تبقى فى صقر

**ahmedteam** · 18-07-2013 01:01 PM

المشاركة الأصلية كتبت بواسطة mohammad isdf

اشكرك على الإهتمام والرد أستاذ احمد بس للتوضيح

انا فى اتجاهى من الشيخ زايد لميدان لبنان فى نزله يمين بتاعة الصحراوى بتودى على الهرم والرماية ، ولو أخدت اليوتيرن هلاقى داندى كارفور هفضل ماشى فى الإتجاه بتاع الهرم ولا كارفور، وهل فى علامة لوصلة المريوطية ؟

لو انا فى اتجاهى من الشيخ زايد لميدان لبنان وعديت نزلة الصحراوى .. وكملت للمحور هلاقى طلعتين للدائرى واحده محور صفط وتقريبا مكتوب بردوا المعادى/مدينة نصر .. فهل دى المقصودة ولا ايه انا متلخبط

1- خليك ماشى فى الإتجاه بتاع الهرم

2-هتوصلك بردو لو كملت على الدائرى و عديت محور صفط و كملت لغايه وصله المريوطيه و كملت باقى الوصفه زى ما قلتلك بس هتبقى اطول

**Land_Cruiser** · 18-07-2013 05:15 PM

أوصل من عند حضرتك لميدان جهينه و بعدين كمّل علي طول كأنك طالع المحور بس انزل من اول فتحه يمين ما تكملش علي المحور هتلاقي نفسك علي الصحراوي في اتجاه حازم حسن هتفضل مكمل علي طول و هتلاقي نفق صغير تنزل منه و تكمل علي طول برضه هتلاقي و انت ماشي توكيل منصور في الاتجاه التاني و هنفضل برضه مكمل علي طول كام كيلو كده لحد ما تلاقي قدامك طلعه كوبري علي اليمين تقوم طالع عليها و دي هتوديك علي الوصله بتاعه المريوطيه هتمشي عليها و هتنزل منها علي المنيب و خللي بالك ما تنزلش من فتحه المعادي اللي علي الكورنيش لأ هتكمل علي الدائري علي طول لحد ما تلاقي فتحه المعادي اللي بتنزلك علي الاتوستراد و صقر قريش تقوم نازل منها