اول حاجه هاقولك بلاششششششش
وده رايى الشخصى
حاول تسأل كويس جدا جدا قبل ماتشترى
العربيه زى مافيها عيوب فيها مميزات لكن ومن وجهه نظرى البسيطه ان عيوب العربيه هتخفى مميزاتها
طيب ايه العيوب وده برده من وجهه نظرى انا
1-طبعا طبعا وبلا نقاش مشكله الفرامل سواء كان صوت صفره او صوت حكه مع الطنابير او عدم قوه الفرامل وياريت ترجه لمشاكل الاعضاء فى موضوع نظام الفرامل السيئ جدا
2-الكاوتش السيئ جدا جدا جدا وكميه المشاكل سواء كانت فى درجه قوه خامه الكاوتش او فى جهه انتاجه والاكتر من كده الاول فى امكانيه لم الزلط ومعلومه لحضرتك انا كل اسبوع بكشف على مقاس العجل وبلاقى فى نقص كل اسبوع مع العلم انا بسافر كل اسبوع وكمان انا مليته نيتروجين من اول يوم استلمت العربيه
3-الصاج الخفيف وما ادراك من الصاج عندى قدام على الكبوت فى حد ريح ايده بس على العربيه عملى نقره على الجنب اليمين
4-العربيه عاليه عن الارض وطبعا كلنا نتمنى ميزه ذى العلو علشان مطبتنا فى بلادنا الحبيبه لكن جرب على الطريق العربيه بعد ال120 هتلاقى العربيه ثبتها قل شويه وياسلام لو اتوبيس او عربيه نقل معديا جنبك هتحس بشفط الهواء واندفاعه مره تانى
5-خامات العربيه فقيره جداا وتابلوه فقير وغير عصرى المفروض انى راكب عربيه 2013 وكمان مفيش اماكن كافيه للتخزين
6-العربيه صوتها عالى حاجه بسيطه بسبب سير الكاتينه الجنزير وكمان لما تحتاج تسحب بالعربيه هتلاقى العربيه بتاخد وقت علشان الاستجابه مش زى الفيرنا موتورها بتاع الالنترا
7-تقفيل العربيه مش ممتاز لكنه معقول مع العلم بوجود بعض الملاحظات عليه
عايز اقول لحضرنك انى اول مااستلمت العربيه وانا بعمل صيانع الالف لقيت الزيت منسوبه ناقص وعرفت من اوتوايجيبت ان العامل وهو بيقفل الموتور ربط جامد على مسمار كارتيرت الزيت فافوت المسمار سنه بسيطه بالتالى رشحت سنه زيت بس غيرته فى التوكيل وكانوا خايفين لتكون الكارتيره كلها وقعدت فى اليوم ده حوالى 5 ساعات
وديه كلها مشاكل فرديه
بالنسبه للمميزات
1-العربيه واسعه والشنطه كمان واسعه
2-النظام الصوتى جيد
3-انا عربيتى سوبر صالون يعنى زجاج فاميه ومثبت وهو معقول جدا
4-التكيف معقول
5-الاضاءه الاماميه وكشافات الشبوره جيده
اتمنى انى اكون وصلت وجهه نظرى الشخصيه وانا باكد ان دى وجهه نظرى انا مالك العربيه ومش بتكلم على لسان حد
تحياتى
المفضلات