عايز اشتري كوتش عجل للماروتي اية الافضل ؟؟

**عمر علاء** · 22-07-2013 12:03 PM

عايز اشتري كوتش عجل للماروتي
اية الافضل ؟؟
الكوتش اللي معايا عمل 50 الف واعايز اغيره
اجيب انهي نوع ؟؟ الافضل للماروتي ؟؟
جود يير ؟؟ بتاعها الاصلي
ولا نوع تاني ؟؟؟

**akmm** · 22-07-2013 12:26 PM

انا مركب بيرللى ... ممتاز .

**alking_2006** · 22-07-2013 01:48 PM

ركبت هانكوك كمل 20 الف كيلو و اتلوح مع الاسف
دلوقتى ركبت gt ماشى بيه حوالى 3 الف كيلو و لسه تحت التجربة

**lidosasa** · 22-07-2013 01:55 PM

الجود يير الهندى ناشف جداً ومش حلو
جرب ال g t الأندونيسى حلو انا مركبه الفردة بتعمل من 280 إلى 300 جنيه حسب المكان اللى بتشترى منه وشطارتك فى الفصال
وممكن تجرب الهانكوك

**Amr Axel** · 23-07-2013 05:58 AM

الجوود ييير ناشف جدااا بس بيعيش لكن مبقاش هندي توكيله بقي ينزله بولندي و للاسف ليا تجربة سيئة مع الفولدا اللي الصنايعية واخدينها لبانة و بيقولوا فولدا الماني لكن في الحقيقة هو اتحاد اوروبي تحديدا بولندا

الهانكوك و الكومهو الكوري كويسيين و مناسبيين كسعر و للشوارع هنا بس اللي لاحظته ان النقشة المنتشرة هنا العادية بتاعت الفصول الاربعة انهم في الرملة مع الفرامل مش اد كده و العربية بتزحف

الجي تي من وجهة نظري شغال بس دايما بلاحظ ان عمره قصير

الفايرستون الماليزي كويس

مش هقدر اقولك بريدجستون او دانلوب او تويو و الحاجات ديه يعتبروا من افضل الماركات لكن ياما مش هتلاقي مقاس الماروتي و لو لقيت هيبقي سعره عالي
و ابعد عن الانواع الغير معروفة اللي نازلة اندونيسي و هي معليهاش اي بيانات اساسا

اهم حاجة لما تشتري كاوتش متجبيوش تاريخ انتاجه عدي عليه اكتر من 6 شهور
هو اساسا الكاوتش صلاحيته 5-6 سنين بدون استخدام و بيكون متخزن كويس
لكن المشكلة ان هنا تجار كتييير بيخزنوا الكاوتش بطريقة سيئة جداااا و ده بيؤدي الي ان الكاوتش بيبوظ بسرعة او بعد فترة يتلوح او او او

**lad** · 23-07-2013 04:53 PM

اكيلس اندونيسى

**micromoud** · 23-07-2013 04:55 PM

اى نوع من الانواع المكتوبه دى كويس لو لقيته اتوكل على الله واشتريه

**Amr Axel** · 23-07-2013 05:33 PM

المشاركة الأصلية كتبت بواسطة عمر علاء

الف شكر ياباشا
كده واضح ان الانواع المتوافرة كلها سيئة
يعني افضلهم برضوه ادائه مش كويس في الرملة وبيزحف
طيب افضلهم كده الهانكوك ؟؟؟؟؟؟؟؟؟؟؟
وسعره ممكن يكون كام ؟؟؟؟؟؟؟؟؟؟؟؟؟

محدش قال سيئة الانواع ديه كويسة و شغالة فل
فيه انواع اعلي بس مقاسات مش موجودة او اغلي لو تقدر مفيش مشاكل
اما باقي الانواع اللي اتكلمنا عليها كويسة بس مثلا مبيمسكش في الرملة ده بسبب النقشة ملهاش علاقة بنوع الكاوتش فيه نقشات للصيف و نقشات للشتا و فيه للفصول الاربعة و نفشات كويسة في المية و تمسك و نقشات متوسطة و هكذا و للاسف قلة انتشار و عدم و معرفة الناس بالنقشات و دورها هو السبب
و الهانكوك و الكومهو في نفس المستوي و اسعار ع حسب المقاس للماروتي لا تزيد عن 300 و ممكن تقل كمان
اهم حاجة متجيبش حاجة صيني و ابعد عن الانواع الاندونيسي او غيرها الغير معروفة مهما قعد يشكر فيها هو يهمه يبيع و متسمعش هجس صنايعية خليك في الانواع المجربة و المعروفة و تشوف تاريخ الانتاج ميقلش عن 2013 و تخليه يورهولك و ده موضوع هيساعدك شوية

http://www.nilemotors.net/Nile/232923-a.html