الموضوع: عيوب الوجان كارثية و لا ... ؟؟

المشاركة الأصلية كتبت بواسطة akedwany

السلام عليكم
وعليكم السلام ورحمة الله وبركاته

1 - صوت الموتور عالى و الكارثة دواسة البنزين بتثبت مكان ما سبتها ثوانى و ترجع مكانها تانى شوفوا الفيديو القصير ده https://www.youtube.com/watch?v=0-JjvAr5Y18
الفيديو ده قديم جداً ومش واقعي وللأسف كل اللي ماسقش العربية بيصدق الفيديو ده ، دي حالة فردية ، الدواسة ممكن تكون بايظة عنده فعلاً أو بسبب ان دواسات الأرضية اللي لازقة في دواسة البنزين
2- حرارة عند الدواسات
عربيتي موديل 2013 ، محسيتش بيها غير عند الكونسول قدام مكان الكوبايات Cup holder لكن بتبقى رخمة لو حطيت موبايل بيسخن وده غلط على الموبايل أو حاجة ساقعة بتسخن بسرعة
3- اشارة المارش واحدة بس و الناحية التانية شابورة
ده نظام أوروبي عشان يسيب مكان للمبة الشبورة ، ممكن يعتبر عيب لينا في مصر بس مش كارثي
4- مكان الكلاكس
كنت بفكر زيك وبصراحة كان رخم في الأول لكن اتعودت عليه جداً
5-كهربتها فيها شرايح الكترونية التوكيل بس يتعامل معاها و( وانا من اسيوط يعنى شغلانة صعبة)
مقدرش أفيدك لأني أول مرة أسمع الكلام ده
6-الباور تقيل شوية و ياريت اللى جرب سيينا يفيدنى بذات فى دى اصل انا مسوقتش غيرهم اتنين بيجو 504 و السيينا فمش عارف تقيل ازاى ؟
الباور تقيل شوية وأنت واقف لكن وانت سايق مناسب جداً وخصوصاً للسرعات العالية يعني فوق 120 مثلاً
7-مفيش لمبة فى الصالون الخلفى و الشنطة
الصالون الخلفي مفيهوش فعلاً لكن الشنطة فيها
8-أقلهم ضررا الخلفية العامة للعربية البرتقالى شكلها و حش ( ممكن تتغير؟) اصل الصراحة لو منظرها كده برتقالى فاقع انا مش هبص على العدادات اصلا
ده موضوع نسبي من شخص لشخص بالنسبالي حلو
9- زراير الازاز وانا فى رأيى مش مهم مكانها
برضه كان غريب في الأول ودلوقتي عادي خالص

بالكلام اللى سمعته دى مش عربية 2011 دى بالعافية 2002 زى السيينا تكنولوجيا حديثة من بدايتها , يعنى الرينو عشان تعمل حاجة رخيصة جابت التكنولوجيا الباور و كده بس كانها حاجة جديدة و ليها حدودها البسيطة
ماتنساش مميزات العربية مقابل سعرها